Vocabolarietto Triestin-Italian

[sono piccolo ma crescero]

Sorapunto. E ghe tegneria che te me disi se go messo ben, perché ... no son esperto de sorapunti

Controllo, comunque, che no lo gabio messo fora ordine alfabetico...

[babatriestina]

sì te ga messo ben. Anni anorum che anche mi no fazo un sorapunto. Ne gaveva spiegado la maestra ale elementari in " lavoro" iera el nome dela materia. Adesso magari farà la machina de cusir.

[babatriestina]

me stavo domandando se ghe xe una parola triestina per lentiggini. Ghe ne vedo tante in ti giorni al sol

[sono piccolo ma crescero]

Pol esser che gabio sentido dir espressioni con la parola "semola".

[sono piccolo ma crescero]

Sì, anche il Doria lo riporta. E lo aggiungo al nostro vocabolario

[babatriestina]

che invece el semolin ( e anche al semola?) qua se disi gries

[sono piccolo ma crescero]

Ma infatti, per mi el termine semola me fa pensar piuttosto ala crusca e el Doria, come primo significato misia i ue: semola e crusca.

[sono piccolo ma crescero]

Una domanda: come se disi, secondo voi, in triestin strento, el numero 600: siezento o seizento?

[Piereto]

A ocio e crose, diria più sie, perché sei sa de talian.

[babatriestina]

A ocio e crose, diria più sie, perché sei sa de talian.

però me sa de forzadura

[Ciancele]

A ocio e crose, diria più sie, perché sei sa de talian.

però me sa de forzadura

Anca a mi. Diria de stricar el lumaro cusi che no gavemo problemi. Me go ripetù el lumaro a vose alta e con sie me ciapava sempre un brivido. Resto con sei.

[Piereto]

Anche mi come ciancele a la fine se tendi a dir sei . El dir sie se senti sai poco.

[sono piccolo ma crescero]

Ottimo

[sono piccolo ma crescero]

Mia moglie se ga inacorto che mancava una parola bastanza comun: stua, la stufa.

E za che ierimo go zontà anche stueta, perché per mi la ga una particolarità nela pronuncia: el grupo ue, gavendo l'acento sula è, se doveria legerlo come dittongo, liga, ma inveze se lo legi come iato: stu-e-ta. Almeno mi la digo cusì e no stue-ta.

[babatriestina]

perchè conserva l'accento di stufetta

[babatriestina]

a proposito, el stràscino saria lo strascico, riferido ai vestiti. No so se anche figurado.
tipo la sposa gaveva un vestito con do metri de strascino..
val anche per le redi a strascino?

[sono piccolo ma crescero]

La parola strasino no iera e la go zntada. Sul tuo problema no so dir, ma per mi poderia eser.

[babatriestina]

o anche stràs(s)ino dipendi della pronuncia

[babatriestina]

Il Doria Zeper lo scrive anche con 2 esse e cita l'elegante (!) ma colorita espressione, che non avevo mai sentito ( fortunatamente) " gaver le bale a strassino" per dire di essere arcistufo

[sono piccolo ma crescero]

El Doria gaveva adotà sempre un S sola. E quando go comincià a meter insieme le parole del vocabolario me son tignù a quela regola, distinguendo S e S per la s aspra e dolce.

EL Zeper ga dito che se doveria scriver tuto con due S. Mi no so se questa regola xe bona o meno (senza dubio Giotti meti due S in certe parole). Ma xe una regola complicada, perché la dopia S el la scrivi, me par, solo se la xe tra due vocali, ma el steso son se no la xe tra due vocali vien scrito con una s sola (ASTICO).

A mi no me interesava dar regole de ortografia, ma solo de pronuncia. E comunque no me voio intrometer in ste dispute linguistiche (no xe mio mestier). La regola del Doria me pareva semplice, e la consentiva de dar facili indicazioni sula pronuncia a un che triestin no xe. Tute le regole le go scrite nela prefazion, in modo che un che la legi se sapi orientar.

Pasar a due S voleria dir cambiar tuto e, in certi casi, cambiar anche l'ordine alfabetico. Mi no go voia de farlo e l'anomalia del XE, che solo la grafia de ffdt risolveva, resta comunque. Ciolevo in giro ffdt, ma no'l iera sempio: x per la s dolce e via la letera q risolveva tanti problemi.

Comunque ve informo che el vocabolario deso ga oltre 3800 parole e 5000 significati.