Voleria far qualche riflession.
A) Quando iero (ierimo?) mulo me par de ricordarme che in serie A zogassi el Verona Hellas. Credo che el gavessi vinto anche un scudetto. Poi el Verona Hellas xe sparì. Me par che l'esisti ancora (credo de ver sentì in sti giorni che i sui tifosi ghe ne ga combinada qualcheduna), ma no so in che serie. E nei anni xe vegnù fora el Chievo (Chievo xe un rion de Verona, come dir san Luigi o Ponziana). Quando el xe rivà in serie A i lo ga cità anche all'estero, come un esempio de bona gestion de una squadra de calcio che con pochi soldi (supongo che el pochi sia relativo) gaveva otignù grandi risultati. No so adesso come che i sia, né in classifica né come amministrazion, e no me interessa.
B) In ecellenza ghe iera za una squadra de Trieste, el san Luigi, che, se el iera rivà là con le sue gambe, evidentemente el iera ben organizzà e el saveva moverse e ... el gaveva un santo in paradiso che lo vardava
. Inveze che meter in piè una realtà che me par de ver capì che la se xe mossa sgangheratamente da subito col tentativo de iscrizion ala serie D (no so cosa sia successo, ma me par de 'ver sentì questo, coregeme se sbaglio) no iera meio darghe una man a chi che gaveva dimostrà de saverghe far in modo che el fazesi ancora meio?In altre parole, me spieghè perché meter in pie una realtà in concorenza col san Luigi. Se se ghe tegniva al calcio triestin, no iera meio iutar el san Luigi che iera za là? Domanda evidentemente no de tifoso, ma penso legittima.
Per quanto riguarda el Lumignacco (go dovù con Google maps andar a vardar dove che el iera), no penso che sia tanto el numero de abitanti che bisogna vardar (me par de ver sentì che dentro zoga anche un triestin) ma quanti soldi la gente che sta intorno (go visto là intorno varie aree industriali) xe disposta a investir su una squadra (ammesso che sia meio investirli in una squadra inveze che per la produttività e competititvità dela propria azienda, magari creando qualche posto de lavor o dandoghe 100 euro de più a chi che za lavora...
).
