Coleus - i fiori

[sum culex]

El coleus xè una pianta perenne coltivada però gneralmente come annuale. In altri post go za messo foto de sta pianta che ga le foie spetacolari. I fiori però, che de solito se li strapa pena che i vien fora per rinforzar e far acestir meio la pianta, i xè pici e insulsi. Visti cussì efetivamente no i val gnente. Sto ano, data la stagion in cui tuto sta volgendo al termine, go lassà creser un per de spighe de fiori per fotografarli. Se i xè fortemente ingrandidi, ma solo in sto caso, no i xè proprio brutini.

Prima una pianta asssai ben svilupada e de seguito i fiori.

[sum culex]

E adesso ve mostro quei ingrandidi più fortemente.

[sum culex]

I fioreti dela pianta cole foie più rosse; prima la pianta e dopo i fiori.







ciao
sum culex

[babatriestina]

e se te li lassi andar a seme, el prossimo anno te troverà piantine de coleus spontanee in giardin, come che me xe nato a mi.

[sum culex]

Ancora due dei fiori del coleus rosso





Visti in natura no i disi gnente, anzi meno de gnente, ma cussì ingrandidi no i xè mal. Come del resto tute le robe in natura, a volta apariscenti, a volta quasi insignificanti, ma a guardarli ben, anche lori ga el suo fascino.
ciao
sum culex