TEATRI E OPERE A L'ESTERO

[Ciancele]

Ve go contà che iero in teatro a vedere Hensel e Gretel? Anca se ve go za contà, ve conto de novo, parchè iera bel. Sopratuto, ierimo sentai e no podeimo scampar, i ga profità par contarne altre fiabe come Capuceto, Biancanane e i sete nevi. Tuti credi de saver come che finisi le fiabe, ma se vedi che studi novi ga scoperto diverso. Se no volè scoltar, stropeve le ‘rece (orecchi) o scancelè. L’unico che xe morto iera el lupo de Capuceto Roso. ‘lora, la striga ghe dà el pomo (mela) invelenà a Biancaneve. La putela lo pasa al primo nano, che lo dà al secondo, e cusì via. L’ultimo, Cuciolo, voleva darghe un rosigon co’ xe rivà Capuceto Roso che ghe lo luma (sottrae). CP va avanti e incontra el lupo e el lupo ghe ciol el pomo del criel (cestino), el ghe dà un rosigon, el dà un per (paio) de scasoni e el va. Me ricorda quela vecia barzeleta: El ga dà un scason. Credevo ch’el fusi vignù e inveze el xe ‘ndà. La striga la gaveva un vestito longo rosso e una paruca rossa e la cantava. No so a chi che la me ricorda. Forsi me vegnerà inamente. Ma el più bel de tuto iera la caseta de pan pepato. Una version ‘sai più moderna: inveze de muri de pan pepato, iera grandi biscoti con su scrito: BISCOLUSSI. Po’ go leto che la scenografia iera de un de Venesia. No se finisi mai de imparar.

[mandi_]

Mi son cresuda con le fiabe e le me piaseva tantissimo. Adesso da un pò di anni dicono che terrorizzano i bambini, che son diseducative, sessiste ecc ecc . Mah, per mi gh'era n'intreccio bellissimo.
A teatro no le ho mai viste per adulti...Da come te descrivi ti, me par na roba da rider, pu che drammatica...

[babatriestina]

Haensel e Gretel xe un classico, e i disi che la musica de Humperdinck no xe miga roba de fioi... anche se mi me ricordo soprattutto le canzoncine e come che me cantava mama missiando tedesco e italian:

Ein Maennlein staedt in Walde- color cafè!

o el Nano Sabbiolino:
Son il nano Sabbiolino
Io sono astuto e fino
ai bimbi voglio bene
e allevio le lor pene

el nano sabbiolino me contava sempre mama per convinzerme che xe ora de andar dormir. Co ghe lo contavo ala fia dei mii amici ( che adesso la xe za mama anche ela) el zio lo ciamava El nanetto spargisabbia

Za Biancaneve noi ne ga rovinado Disney, ma nel orginal el principe la sposta, o la basa, e ... ghe casca fora de gola el toco de pomo!!!