Scovazze

[rofizal]

Ma forsi no savè che per rifiuti ingombranti se ghe pol telefonar al Acega, xe un numero aposta, e i te dà un apuntamento per vegnir a ingrumar, i te disi giorno e ora, se lassa in porton o in strada e i ingruma lori. A gratis!
e ve assicuro che funziona, perchè go fatto mi un per de volte, anche sta estate.

Baba, te meriti un baseto! Grazie!

[babatriestina]

a proposito de scovazze...
ieri sera, domenica, no lavora i scovazzini, ma qualche camion de scovazze go visto passar, ben, vegnivo de Mantova e del paesin de San Benedetto Po, che xe un poco come el Brescello de Guareschi.. ben, là mi el sporco che go visto qua ieri sera no lo go visto: sarà loghi più pici, ma come che son tornada go avudo un senso de vergogna per la mia città: in viale Miramar xe muci de foie secche , me dirè xe la stagion, ma par propio che no i pensi de ingrumar, e po in piazza Goldoni... per tera xe tuto una macia nera de gomme americane vece, e dove che xe i chioschetti per spetar i autobus xe decine e decine de cicche de sigarette butade per terra.
Un poco, podemo rugnar che no i netta abastanza, ma per mi xe i nostri concittadini ( mi no fumo e no mastigo gomma americana, su questo me ciamo fora!) che no ga un fià de educazion. per le cicche, po , xe quei novi scovazzoncini per cartine e cicche a ogni canton.. e no stemoghe dar la colpa ai immigrati ,che po a Trieste grattemo grattemo e dopo un per de generazioni i immigrati li trovemo quasi de tutti noi.
Xe un menefreghismo e scarso senso civico proprio brutti.
No so cossa propor, se netar de più, darghe multe stratosferiche ( ma no minacciarle! darle per bon!)

[Nona Picia]

Xe proprio i nosti concittadini che tanto protesta, a esser i primi a no far due o tre passi fin al cestin dele scovazze per butar la carta o cica o la gomma, xe tropa fadiga portar le botigliete de bira che i lassa per tera fin ala campana del vetro o al bidon grande dele scovaze che xe difronte al cremcafè vizin ala fermata dei autobus....Xe colpa del sindaco che no fa netar, no? Miga nostra! Per quel che riguarda le foie seche, mi go el problema in giardin: xe cussì bagnà tuto che no se riva gnanche scovarle e no se pol tirarle su con l'aspirator proprio perchè le xe bagnade, ma almeno
zercar de sburtarle in un canton in modo che no se ghe sbrissi per sora forsi xe possibile.

[babatriestina]

in sti giorni se comincia a veder , oltre che i scovazzini cola solita scova e scovazzera, anche una specie de aspirapolvere per strade

( in apalto ala Crismani?)
certol, anche oggi le Segnalazioni ospita una lettera che disi che no podemo che sperar nella piova, se volemo veder le strade nette.


De quando che i ga proibido de fumar nei locai, bidonzini o no, per terra xe un tapedo de cicche, e sui alberi e alla base delle case, solo l'altezza dele mace ne pol dir xe xe pipì umana maschile ( più in alto) o de can (o femminil) più in basso: la spuzza xe più o meno precisa...
e per la piova, xe anche de sperar che le bocche de lupo dei tombini no sia tutte ostruide de scovazze, come che se vedi tante in giro, de quele che xe ancora restade .

[AdlerTS]

in sti giorni se comincia a veder , oltre che i scovazzini cola solita scova e scovazzera, anche una specie de aspirapolvere per strade

Per un attimo go pensado a robot che gira da soli per città a far pulizie

[babatriestina]

Per un attimo go pensado a robot che gira da soli per città a far pulizie

in effetti, co go fatto la foto el responsabile no se vedeva in giro, magari el iera a cior un cafè..

[1382-1918]

Savevi che esisti anche la moto-cacca? No stago scherzando, la esisti veramente!
Xe una moto con un aspirapolvere de drio, che passa a pulir le strade.
Me ricordo che tanti anni fa ghe iera anca un articolo su Il Piccolo.

[babatriestina]

ben, questo xe, a ora de pranzo, davanti dela fermata dela 10 canton de Piazza Goldoni. Ancora i muri no ga tanta traccia de orina..
Notar la canna de bira abandonada imagino dela sera prima..

[1382-1918]

E te son stada bona, che no te ga citado le cicche e le gome de masticar che beca su tuto el sporco!

[babatriestina]

in effetti, paressi che no sia più scovazzini o netturbini o operatori ecologici che dir si voglia, e che le pulizia sia appaltade alla Crsimani, questi iera nei gironi scorsi in centro.

[babatriestina]

xe passado carneval de giorni, e xe ancora pien de coriandoli in giro, e no me meraviglio, se i continua a farli ingrumar con scova e scovazzera a man!

a mi me par che farli ingrumar cussì xe come se in ufficio i domandassi de scriver le pratiche a man in bella grafia o al massimo cola macchina de scriver meccanica..

[Elisa]

Hay preso l' immagine di un ingrumador europeo sì, ma di reminiscenza strana e fiacca, con aggeggi puliti ma poco pratici, come tu ben dici, che appare di un comportamento ed un aspetto che fanno immaginare che lì vicino abbia il suo dromedario e la sua tenda…
Tanto per sorridere un po', perchè si sa che tutto il mondo è paese!

[babatriestina]

io volevo riprenderlo di schiena, per la privacy, ma si è messo volontariamente in posa!

[Zigolo]

Tipicamente de carneval! Ma no pei coriandoli che el sta ingrumando, per la facia de notolada

"Chi xe colpa del mio maaaaal...."

[babatriestina]

za, ma del ultimo de carneval xe passadi quattro giorni!
la foto xe de stamattina, in pieno Corso.

[Nona Picia]

Cossa te vol....el comun xe restà senza soldi.....niente machine alora.....e gnanche aspiratori.....

[Nona Picia]

Premeto che son sum culex e scrivo sul PC de nonba picia perchè la scheda de rete sul mio se ga guastà.-

Go leto ogi sul 'Piccolo' l'articolo sula 'raccolta differenziata'; son dacordo che sia giusto farla: mi infati la fazo za de diverso tempo. I disi anche però che bisogna conferir i contenitori svodi de plastica, vetro, ecc. 'accuratamente puliti'; alora mi domando: chi me paga l'acqua, l'energia per riscaldarla, el detersivo per una pulizia a fondo e el tempo per far sto lavor?
A sto punto xè de pensar che oltre ala TARSU sia de pagar in più, disemo cussì come tassa sconta ' le altre spese che devo far per otemperar ale diretive.
ciao
sum culex

[babatriestina]

P I disi anche però che bisogna conferir i contenitori svodi de plastica, vetro, ecc. 'accuratamente puliti'; alora mi domando: chi me paga l'acqua, l'energia per riscaldarla, el detersivo per una pulizia a fondo e el tempo per far sto lavor?

la mia stessa idea: bontà mia se resento ala bona!

[Nona Picia]

P I disi anche però che bisogna conferir i contenitori svodi de plastica, vetro, ecc. 'accuratamente puliti'; alora mi domando: chi me paga l'acqua, l'energia per riscaldarla, el detersivo per una pulizia a fondo e el tempo per far sto lavor?

la mia stessa idea: bontà mia se resento ala bona!

Idem fazzo mi, se no go furia lavo ben, se go furia una resentada sai veloce....

[Bilbo]

se servi qua xe una tabelina su come divider la roba



altra roba spiegada la trovè qua