CORSO DI CUCINA

[sono piccolo ma crescero]

... la scrivi el nome del mitilo alla veneziana. La se ga resentado anche ela nel patoc dela laguna

"Peocio" xe anche nei vocabolari dela lingua italiana (tegnù nela lingua, dunque, sia pur come regionalismo veneto; la stesa roba per "cozza" che xe regionalismo meridionale). Termine aulico, ma poco adato quindi ala cusina, mitilo.

[danilo43]

[/quote Ciancele]....Se poso sfrutar ‘ncora la coga, me serviria una riceta per custard. La pol scriver in inglese. Grassie. Ten chiu.[/quote]

No la xe sai brava per dolzi.
Onde non incorrere in spiacevoli conseguenze, la ne consiglia de cucar qua:

http://www.lacuochinasopraffina.com/com ... glese/3439

http://www.bbc.co.uk/food/custard

[Ciancele]

Cari amici, ano novo, vita nova. Se fa tanti propositi boni e no se mantien nisun. Mi voio mantignir almeno un e go zercà una roba facile che no ciama sacrifici: Go deciso de butar via le farsore vece. Adeso se pol crompar nove col rivestimento de smalto, ceramica, piere, PTFE ecc. Prezo: de poco a ‘sai. Tuti disi che quel che costa poco val poco. Mi go crompà una volta una farsora col rivestimento de PTFE, che go pagà ‘sai, e anca quela la go butada via. Go una de aciaio, ma se brusa tuto. Ma bona par le bisteche! Per ovi friti xe solo quele de PTFE. Quele de fero, ruzine, val solo par le bratkartofel (NB: dialeto! una sola consonante!). Roba francese col rivestimento de smalto go butà anca via, parchè brusava. Far ovi iera par mi inposibile. Con quel che costa le bone, ciogo tre o quatro scalfe e va ben listeso. In tela publicità go leto che le farsore le tien 220 gradi. Domanda: Xe ‘sai o xe poco? Quanti gradi ga el spacher erletico (cucina elettrica)? Quele de ceramica tien 400 gradi. Me par za un poco più meo. Po xe quele col rivestimento de piera (stone) che te pol dar colpi de scarpel (scalpello) che no’l se rovina. E tuto sensa graso. Una volta go fato un corso de cusina e ghe go domandà al cogo la question dela fiama. El me ga risposto che lu cusina solo col gas, parchè solo col gas te ga la posibilità de gaver fiama forte e co’ te distudi (spegni) la fiama xe zero. Sicome che son anca mi de ‘sta opinion ghe go dà ragion. Con l’erletico no se sa mai a quanti gradi che te rivi e co’ te distudi el calor continua a brusar. Le cusine de casa no va ben par far certe robe dove che se ga bisogno de fiama alta per pochi minuti, 1 o 2. Con questa temperatura in farsora la carne se rosti e no frizi. Specialmente co’ te meti un sluc (sorso) de vin (bianco o neo) te ga bisogno de fiama alta che svampisi (evapori) subito. Che esperienza gavè fato voi? In genaio i buta tuto sul mercato (disemo squasi tuto) e se trova i saldi. Xe anca farsore che te pol cavar el manigo e meterle in forno. Te scoti la carne a fiama alta e po farsora in forno a 140 gradi per circa 10 minuti. Co’ i manighi de plastica no se pol.
Rilegendo el post me xe vignù inamente la fiaba de Buridano. Go paura che anca mi ala fin par no morir de fame me tocarà magnar un toco de pan suto (no parsuto: pan suto!).

[Ciancele]

Cari amici, ano novo, vita nova. Se fa tanti propositi boni e no se mantien nisun. Mi voio mantignir almeno un e go zercà una roba facile che no ciama sacrifici: Go deciso de butar via le farsore vece. Adeso se pol crompar nove col rivestimento de smalto, ceramica, piere, PTFE ecc. Prezo: de poco a ‘sai. Tuti disi che quel che costa poco val poco. Mi go crompà una volta una farsora col rivestimento de PTFE, che go pagà ‘sai, e anca quela la go butada via. Go una de aciaio, ma se brusa tuto. Ma bona par le bisteche! Per ovi friti xe solo quele de PTFE. Quele de fero, ruzine, val solo par le bratkartofel (NB: dialeto! una sola consonante!). Roba francese col rivestimento de smalto go butà anca via, parchè brusava. Far ovi iera par mi inposibile. Con quel che costa le bone, ciogo tre o quatro scalfe e va ben listeso. In tela publicità go leto che le farsore le tien 220 gradi. Domanda: Xe ‘sai o xe poco? Quanti gradi ga el spacher erletico (cucina elettrica)? Quele de ceramica tien 400 gradi. Me par za un poco più meo. Po xe quele col rivestimento de piera (stone) che te pol dar colpi de scarpel (scalpello) che no’l se rovina. E tuto sensa graso. Una volta go fato un corso de cusina e ghe go domandà al cogo la question dela fiama. El me ga risposto che lu cusina solo col gas, parchè solo col gas te ga la posibilità de gaver fiama forte e co’ te distudi (spegni) la fiama xe zero. Sicome che son anca mi de ‘sta opinion ghe go dà ragion. Con l’erletico no se sa mai a quanti gradi che te rivi e co’ te distudi el calor continua a brusar. Le cusine de casa no va ben par far certe robe dove che se ga bisogno de fiama alta per pochi minuti, 1 o 2. Con questa temperatura in farsora la carne se rosti e no frizi. Specialmente co’ te meti un sluc (sorso) de vin (bianco o neo) te ga bisogno de fiama alta che svampisi (evapori) subito. Che esperienza gavè fato voi? In genaio i buta tuto sul mercato (disemo squasi tuto) e se trova i saldi. Xe anca farsore che te pol cavar el manigo e meterle in forno. Te scoti la carne a fiama alta e po farsora in forno a 140 gradi per circa 10 minuti. Co’ i manighi de plastica no se pol.
Rilegendo el post me xe vignù inamente la fiaba de Buridano. Go paura che anca mi ala fin par no morir de fame me tocarà magnar un toco de pan suto (no parsuto: pan suto!).

Se ogi no gavè fato ancora la buona azione, feghe (fate) un pensierin e deme una informazion. Grassie.

[babatriestina]

te domandi che pignate se trovemo ben?

Mi go ancora le vece tece de aluminio: le poderia andar per cusinar rosti che se cusina a fogo basso , ma come tute i rosti anche là bisogna tegnir de ocio che no se tachi. E po le deventa nere in lavastoviglie e bisognassi per gaverle bele sfregarle cola paieta de fero.
Quele de acciaio, se le xe de bon aciaio, spesso, come quele a pression per mi le va ben per cusinar apunto a pression, rosti, brodi.. ocio che anche su quele taca el fondo ma in lavastoviglie le vien ben. Disemo che xe fra le mie favorite

quele antiaderenti... teflon e simili... va meno grassi, dopro sopratutto fersore ( padelle) per la classica fetina etc ma le dura poco e i disi c he lavastoviglie no ghe fa ben.. solo la crepiera me fa comodo per le palacinche
adesso xe vegnude quele tipo ceramica col interno bianco, le go ciolte e basta un poco fogo più alto le me se brusa.. no continuerò a ciorle!
po iera a suo tempo quele de fero smaltado, costava poco cusinava cissì cussì e se scorzava ( scheggiava) subito. Le go eliminade.
Go anche una de pyrex ma go sempre paura che la sciopi seno la meto sul fogo cola redina . In pratica la resta in armer..

i friti li fazzo sempre nela vecia padella de fero nero, de mama e prima de nona... no go friggitrice elettrica.

e in forno go cominciado a doprar qualche stampo de silicone, soprattutto per crostate e torte salade

Però penso che Nonna Ivana che spignatta più di me potrebbe dirci la sua opinione sulle migliori pentole da usare

[sono piccolo ma crescero]

adesso xe vegnude quele tipo ceramica col interno bianco, le go ciolte e basta un poco fogo più alto le me se brusa.. no continuerò a ciorle!

Noi un pochi de anni fa gavemo comprà tre padelle in ceramica (marca Aeternum). A diferenza dele altre (ma me son ancorto solo dopo) la parte ceramica iera perfettamente lisa e lustra. Se trovemo assai ben. Te le lavi pasandole con un pano morbido e va via tuto.

Purtropo no le go più viste in giro; le vedo solo con una superfice ceramica un poco porosa e penso che quele se scurisi cusinando

[Nona Picia]

Mi go avù padele in acciao e ghe ne go ancora un per, padele antiaderenti nere e ghe ne go una e de qualche tempo go quele in ceramica bianche, bele, anche bone, come tute le padele moderne no se devi meter fogo tropo alto e me trovo discretamente ben con lore, solo che per le palacinche e le patate in tecia, meio de quele de aciao (lagostina de una volta) per mi no ghe ne xe. Purtropo la mia padela dela palacinche lagostina oramai la xe sfrutatissima e alora dopro ceramica per amor o per forza.Le altre pignate le go in acciaio inox e no go problemi. Go una anche antiaderente e una per rostir che no so se la xe in ghisa o altro, ma la uso poco perchè la go in alto e no me ricordo che la xe . Coi anni me go imparà a cusinar senza tignir el fogo altissimo cussì me sucedi assai de rado che la roba se tachi....Adesso xe vignude fora quele che par de piera, ma fin che le mie no se consuma, altre no ciogo più.

[Ciancele]

Cari amici, grazie a tutti. Zinque minuti fa son diventà inteligente. Go guglà e go trova una miniera de informazioni sul piano di cottura in ceramica (Ceran) e sula sua temperatura. Dago ragion a Baba Triestina co’ parlemo dele pignate de inox. Anca mi go una farsora de marca, vecia come el cuco. La uso solo per le fetine a temperatura forte. El fondo xe diventà coi ani un poco scuro, ma no la buto via. El mio amico s’ciaveto diseva: Buto via ti no farsora. Per i ovi friti el rivestimento in Teflon (o Algoflon) xe imbatibile. Anca par far i omlet. De pirex gavevo una piadina pal forno. No so che fine che la ga fato. Probabilmente in scovazon. De ani uso una smaltada, par far le lasagne al forno Chanchèle. Bone. OT: So che chi se loda se imbroda, ma nisun me disi mai gnente. I magna, i fa el rutino, e tuto finisi là. Una volta se usava le farsore de fero par far le patate frite (Bratkartoffeln). Le farsore de fero no vigniva mai lavade, ma netade con carta de giornal e lasade grase. Le xe in vendita, ma le funziona ben solo col gas. Solo par patate e par fetine.
El problema xe le nove farsore de ceramica. Quele a bon prezo, forsi tropo a bon prezo, le xe par una temperatura de 220 gradi. No se pol scaldarle tropo. Dopo le se brusa. Gnanca mi no go la frigitrice. Go un wok e lo uso. Sicome che frizo patate, caramai, scampi ecc. bisogna cior sempre graso fresco. El wok xe più facile de netar che una frigitrice. A casa mia gavevim,o solo roba de ‘luminio e funzionava tuto ben. Ma cusinava mia mama e no mi.
Adeso taco con Son Picolo Ma Creserò. Qua i disi che le resisti fina a 400 gradi. Senza graso. De queste stago parlando. Par lavarle, mi che no go pani morbidi, ciogarò una straza. Forsi funziona anca ben.
Nona Picia, anca mia moglie ga qualche piadina o qualche polverina in alto. La ga trovà una bona soluzion: La me ciama a mi. E mi ghe rivo anca sensa scaleta. In un momento de aberazione metale, tanti ani fa, go comprà a Milano, ala Rinasente, una farsora antiaderente. La iera cara. Go vendù la machina par pagarla. Ma anca ela ga ‘vu de Ciancele vita curta. Go vudo co’la baba dela Rinasente un coloquio tecnico. Ala fine gavemo fato el protocolo comune: Xe meo crompar con quei soldi do o tre farsore a baso prezo. Cusì le xe sempre quasi nove. Parchè anca quela cara se gaveva rovinà. E no in secoli de uso, ma ala svelta. Quele de piera xe in negozio anca qua e la pubblicità parla bene. Val anca par lori el deto de chi che se loda ecc.? Le resisti fina a 400 gradi. Ma, se go leto ben (vedasi in alto), el piano de cotura de Ceran riva fina a 700 gradi. Par questo, gira de qua, volta de là, el bidon xe sempre mio. Co’ perdo colpi me domando cosa che sucedi se mi ciogo un picolo piano di cotura e lo uso come farsora per far le fetine. Co’ el vetro xe roso, buto sora la carne, no tropo grosa, no ala americana, 120/130 grami, e po la volto. Altro minuto. E bon. Go scrito l’indirizo de tre de lori che vendi roba pal campegio che saria una piastra de fero scaldada da una bomboletta de gas. Nel 1948 a Miramar iera l’american che butava sula piastra (un poco più granda: do metri par un metro) un gropo (pezzo informe) de carne de do chili. Una spuza de carne brusada, ma i oci che lusiva. A mi no’l me ga dà gnente. Contarò. Sani (Cordiali saluti).

[babatriestina]

ah sì, scusa, devo zontar. Mi go cambiado de poco la cusina ma go gas. No roba in ceramica. Che magari me dimentico e me sbrovo tocando o spando qualcossa che vien fora tipo latte e me sbrissa fin per tera... E el gas se alza e se sbassa subito..

[Nona Picia]

.
Nona Picia, anca mia moglie ga qualche piadina o qualche polverina in alto. La ga trovà una bona soluzion: La me ciama a mi. E mi ghe rivo anca sensa scaleta. .

Mio marì xe picio come mi.....e in più nol ga equilibrio....e alora vado mi....anche se me diol i ginoci....

[Ciancele]

Sicome che stago studiando par capocogo me ocori ancora qualche informazion. Go visto una bela riceta de gropeti de vedel. Me par che par talian i se ciama nodini di vitello. Che tipo de carne xe? Dela foto pararia che sia la T-bone-steak de vedel, che saria un costoleta del vedel col fileto. Xe vero? Qua i taia via el fileto e i te dà solo la costoleta. La stesa roba i fa con quela de manzo. Qualche volta xe tacà el fileto, altre volte i lo tira via. Una volta, ma tanti tanti ani fa, se trovava qua i nodini(?) de porco. Iera ‘ssai dificile trovar la costoleta senza el fileto. Par quel la iera cusì bona. Ogi i lustra (lucidano) anca i osi. Se se vol trovar un oso con carne o nerveti bisogna andar del contadin o del coltivatore direto, quel col negozieto o la bancarela in piaza.
Ultima domanda: Cosa xe i nerveti de vedel? Xe i piedini coi tendini? Ossi de vedel solo al mercato coperto. Ma se perdi tuta la matina.

[Ciancele]

ALICI DISTESE
Aiuto, aiuto, aiuto gridava un giorno un muto. Mi no son muto, al masimo amutolito. Davanti ale mie prestazioni, al piatin de alici distese marinate al limone. Come piturade. Mi me ga dà subito madaia, al valor culinario. Purtropo l’esame dele proprietà organoletiche (la frase la go copiada de google) no iera quel che speravo e cusì altretanto subito me go cavà madaia. No le saveva de gnente. De gnente gnente propio no, le saveva de pese, ma no le gaveva un gusto particolar. E qua domando aiuto a tuti quei che me pol ‘iutar: ‘sti sardoni devi ‘ver un gusto particolar? Se sì, qual? La mia putela disi che bisognaria zontar un poco de sal, fin no groso, un poco de sugo de limon. Mi go lasà l’oio sensa zontar, do fetine de zivoleta fine fine e do caperi. Podaria sparnisar un poco de peveron roso masinà, ma no me par giusto. Chi me dà un consilio, parchè del resto no iera mal. Go compagnà con Malvazija de Šezana.

[Ciancele]

..... Ultima domanda: Cosa xe i nerveti de vedel? Xe i piedini coi tendini? .....

Domanda: Me gavè dimenticà?

[babatriestina]

no goidea.. ma nerveti no me ispira per magnar..
per i sardoni marinai a crudo, no so, i me disi limon e basta , ciò de limon i dovessi gaver gusto ala fin!

[VetRitter]

..... Ultima domanda: Cosa xe i nerveti de vedel? Xe i piedini coi tendini? .....

Domanda: Me gavè dimenticà?

dovesi eser solo i grosi tendini de le zate, apena sopra l'articolazion tonda sora gli zocoli (sospensore del nodello).

[Ciancele]

..... Ultima domanda: Cosa xe i nerveti de vedel? Xe i piedini coi tendini? .....

Domanda: Me gavè dimenticà?

dovesi eser solo i grosi tendini de le zate, apena sopra l'articolazion tonda sora gli zocoli (sospensore del nodello).

Go leto in google che saria el quinto quarto del manzo. Go trovà anca ricete, tute de salata de nerveti. Mia mama fazeva osi de vedel boidi e magnaimo quel che iera tacà sui osi. Pareva tendini. In ogni caso de sconsiliar a tuti, cusì resta tuto par mi.
Sul serio, una bontà che no ve conto.

[Ciancele]

no go idea.. ma nerveti no me ispira per magnar..
per i sardoni marinai a crudo, no so, i me disi limon e basta , ciò de limon i dovessi gaver gusto ala fin!

Mi li go tirai fora del sugo de limon, li go sugai co'la carta, mesi in una terina e coverti de oio. Forsi l'oio ghe ga tirà via un poco el gusto de limon. Proverò zontar limon. Ve conterò. Grassie.

[Ciancele]

Le lasagne xe in forno. La guera pol vignir. Tra lasagne, sardoni in savor e alici distese, fasoi e una slepa de manzo gavemo de magnar par la prima setimana. Dopo no importa parchè tanto i buta l’atomica. Se no i la buta, rivemo forsi ancora una setimana. Dopo però xe caligo.
So che esagero sempre, ma dopo un attento esame di coscienza posso dire che le lasagne mi riescono sempre bene. Anche il pesce. Il mio lato veramente debole sono gli arrosti e le salsine per il pesce bianco lesso. Imparerò. Forse dovrei fare uno di quei corsi di cucina da tutti offerti. Purtroppo questi corsi hanno un programma fisso e non ho trovato finora il corso che faccia per me. Bisognerebbe prendere lezioni singole, cioè trovare qualcuno che mi insegni quello che voglio io e non quello che vuole lui. In Francia les îles flottantes, in Inghilterra la custard, a Roma, in quel buco, gli spaghetti alle vongole, in Trastevere (non buco, diciamo normale trattoria) la zuppa inglese. Una séance per il risotto ai caperozzoli (vongole).
Per chiudere un’ultima domanda. Io ho sempre surgelato le lasagna al forno cotte. Non so chi diceva che vanno surgelate senza farle passare prima per il forno. Chi ha esperienza?
Un saluto da Ciancele

[Ciancele]

CUCINA AL VAPORE
Stavo legendo le ricete par gnoco (in lingua tedesca) de pese cusinà col vapor. I parla de tece (apparecchi elettrici) che se pol meter la temperatura e el tempo. I disi anca che se pol cior una tecia (pentola) qualunque e inveze del criel (cestello) un scolapasta. Se fa boir l’aqua q.s. (quantum satis), se meti le verdure e quando che boi de novo se meti el scolapasta col pese e se meti un covercio (coperchio) parchè el vapor no svampisi.
Problema: Sicome che no so che temperatura che podaria gaver el vapor, quanto tempo se devi tignir el pese inte la tecia? Tuta la matina no. ‘lora? Quindise (15) minuti o de più?
Grato per qualsiasi informazione, anca picola.

Con l’augurio di una buona giornata sono il Vostro

Ciancele, l’ittiofago

[babatriestina]

Mi gavevo anca comprado una de quele vaporiere ( per cusinar a vapor) ma no sevevo ben dove meterla: sul fogoler mi che no go lisso a induzion no laa stava ben e fora la me molava vapor per tuta la cucina...
comunque itempi de cusinar a vapor xe simili q quei de boir. pesse, se xe filetti anca 5 minuti, se xe più grandeghe volerà d e più.
Per le verdure xe anche quei cestei coi busi per far a vapor.. co xe tenero se tira via.. disemo dei 10 ai 20 minuti dipendi dela dimension. Vien ben cavoli e cime de broccoli...
per el pesse, i veci libri de cusina diseva anche de meter un piato sul vapor. Ma no go mai provado.
El vapor dovessi eser a 100 gradi, come el acqua che boi, o no?