Triestina in serie D

[Nini Naridola]

Va tranquillo, Ciancele! Ogi a Valmaura l'Union zoga cola Sanvitese che se trova nele parti basse dela classifica. Campo pesante (bon per zogar a rugby): mi prevedo o San Godeas o almanco un 0 a 0.

[Nini Naridola]

Nel dubio se xe meio esser in ansia, aver l'asma o un travaso de bile ... ecco el risultato Triestina-Sanvitese 2 a 3. No volermene!

[Ciancele]

Nel dubio se xe meio esser in ansia, aver l'asma o un travaso de bile ... ecco el risultato Triestina-Sanvitese 2 a 3. No volermene!

Nini Naridola, te go dito de eser clemente!!
Quel tutuu tataaa che senti e la luce blu intermitente che te vedi xe el pronto socorso che vien a farme sponte.

[Nini Naridola]

Per la Triestina, ogni domenica podessi far un "copia-incolla"!
Mi no trovo più espressioni di conforto pel povero Ciancele!

[Nona Picia]

Ciancele xe forte, el sopraviverà...al contrario dela triestina.....

[Ciancele]

Cari amici, bon giorno. Bon giorno a tuti. Go dormì ben. Go fato marenda, el tempo ga butà in seren, son de bon umor. Qualchedun (Nona Picia e Nini Naridola) me vol però rovinar la giornada. Se legio i post, tuti e do, me par de eser ala Boem: Cos’è quel andare, venire, guardarmi così? Parchè no me disè ciaro e tondo cosa che xe suceso?

[Nini Naridola]

Do a un (2-1) a Este. Ocori dir che la ga perso?

[Nini Naridola]

Ciancele! No sta farte vegnir le scalmane: la serie D gaveva turno de riposo!

[babatriestina]

Nini ne conterà meio, ma per una volta anticipo che la Triestina ga vinto 6 a 2 in casa con el Montebelluna

[Ciancele]

Nini ne conterà meio, ma per una volta anticipo che la Triestina ga vinto 6 a 2 in casa con el Montebelluna

La Montebeluna in clasifica la xe davanti. Te son sicura che la Triestina inveze de farli no li ga ciapai i gol?

Grassie.

[Nini Naridola]

Babatriestina la ga più fortuna de mi nel dar i risultati ... d'altra parte mi son un rugbista!
Comunque confermo i 6 (SEI) peri conzai al Monte e zonto anche un rigor sbaglià da Goseas!
Speremo che i greghi vadi avanti cussì

[Nini Naridola]

A Monfalcon: risultato finale 2 a 2 coi bisiachi.

[babatriestina]

svelta legio che ogi i greghi ga vinto 3 a 0 adesso zerco con chi... U:S Dro ( e chi xe???) che xe comunque un dei ultimi in classifica

[Ciancele]

svelta legio che ogi i greghi ga vinto 3 a 0 adesso zerco con chi... U:S Dro ( e chi xe???) che xe comunque un dei ultimi in classifica

Grazie Baba Triestina e bon giorno. El Dro xe penultimo con 20 punti. Domenica la Triestina gioga contro el Sacile che xe ben più avanti e ieri ga vinto in trasferta.

[Nini Naridola]

A Sacile l'Union fa un prezioso paregio per 1 a 1

[Ciancele]

A Sacile l'Union fa un prezioso paregio per 1 a 1

Grazie, Nini. Un paregio in trasferta xe sempre bon, specialmente contro gente che sta più in alto.

Te ga leto che la squadra de Francoforte ga paregià a Porto 2 a 2 e po al ritorno i ga ciapà tre gol (paregio 3 a 3) e i gol in trasferta i conta de più. E cusì nei quarti de final xe andai i portoghesi. Tuti se rosiga. Par questo digo che un paregio in trasferta ecc.

Ogi la gioga de novo contro el Stocarda. Se i fa i m... mio suocero li maledirà.

[Nini Naridola]

La Triestina xe stada venduda; i la ga comprada el svizzero-kosovaro Hamdi Mehmeti e l'italo-africano Pierre Mbock. Inveze che "i greghi" come li ciameremo adesso?

[Nona Picia]

"Internazionali"?

[Ciancele]

Caro Nini Naridola, bisognaria domandar adeso se xe bon o cativo. El mio amico napoletan me diseva: Nun se fanne le nozze coi fichi secchi (fonetico). In tedesco se parla del cagnolino che vol andar a spander aqua coi cani grandi, ma no i riva a alzar la gamba. Con do soldi no se combina gnente. Gavemo qua do squadre de proprietà de privati. Tute e do le xe in serie A e le vivi senza lodo e senza infamia. Insoma no le zoga pal titolo de campion, ma senza paura de andar in B. Tuti e do i sgancia cocuzze a non si dire. Milioni, e no de lire. Gavemo un’altra in seconda categoria, comprada de un arabo. De un sior arabo. Vedemo cosa che i farà a Trieste.

[Nini Naridola]

Pareggio per 2 a 2 con l'Union Ripa Fenadora di Seren del Grappa. I Greghi "multietnici" raggiunti nel finale.