Società sportive

[AdlerTS]

La società sportiva più antica iera la "Società del Bersaglio", costituida nel 1799 al Cacciator da Francesco Sigmundt. Chiusa durante la parentesi Napoleonica, vien riverta nel 1814 con la presidenza de Paolo de Brigido. Nel 1857, in ocasion della presenza dell'Imperator Ferdinando al Ferninandeo, i riceverà anche la visita imperiale.
El Civico magistrato, però, se fa ciapar un poco tropo la man e sfratta la società per allargar el parco del Ferdinandeo. I vegnerà sostenudi economicamente dal mecenatismo del Barone Revoltella.
Nel 1859 cambia nome in "Società triestina dei Bersaglieri".
Nel 1922 diventa "Società triestina di tiro a segno" e nel 1934 i sposta el poligono de tiro a Opcina che, anche se se salverà dalla II guerra, vegnerà distrutto dal vandalismo nel dopoguerra.
Una trietina famosa in questa specialità xe Valentina Turisini, medaglio d'argento ad Atene.

La "Società Ginnastica Triestina", da sempre covo de passioni irredentistiche, vien fondada nel 1863 dal direttor de quella che iera za la "civica scuola di Ginnastica " voluda dal Stadion nel 1846, Giuseppe Paolina. Sciolta 5 volte dal governo austriaco, la xe sempre risorta, anche con nomi diversi. La sede attuale xe del 1871. Con la I guerra, almeno 500 dei soci diserterà per passar sul fronte italian.
Atleti formai alla SGT xe stadi Irene Camber (scherma) Laura Micheli (ginnastica) e Mario Ustolin (canottaggio), tutti olimpionici nel 1948. Alle olimpiadi del '60 se farà spazio Nereo Svara (atletica), Claudia Pasini (scherma) e Savino Rebek (canotaggio).
Nel 1997 la società ricevi el "Collare d'oro al merito sportivo" dal presidente della Repubblica.

[AdlerTS]

Per el "Circolo canottieri Saturnia", fondado 1864, xe el problema che tutti i documenti originali xe andadi distrutti sotto el fascismo, quindi per i primi anni esisti pochi dati certi. La sede originale iera presso la lanterna. La sede de Barcola vegnerà anche requisida dai nazisti che la userà come centro ricreativo.
Nei anni 60 i soci se tira su le manighe e realiza banchine, scogliera (anti libeccio), tira su piani...per costruir una sede che con la precedente ga in comune solo el perimetro.
Nel 1979 i ricevi la Medaglia d'oro del CONI per merito sportivo.
Alcuni sportivi della socità: Mauro Pace, Federico Bertoli, Riccardo dei Rossi, Sandi Pace e Fabrizio Cumbo.

La "Società canottieri Adria" nassi dall'idea del barone Alexander Von Schroeder de riunir le precedenti "Hamburger Ruder Club" (1844), "Carlotta" (1850) "Meteor" (1861) e "Themis" (1862). Iera una delle società con la più forte missianza de italiani, austriaci, svizzeri, ungheresi, greghi, francesi e sloveni.
La prima sede sociale iera una chiatta ormegiada in sacchetta, mentre la prima sede in muratura del 1881 sarà al Molo S. Teresa (oggi F.lli Bandiera). Nel 1902 i passa vicin la Lanterna, mentre nel 1914 i torna su una sede galleggiante. El governo alleato ghe realizzerà un specio d'acqua riservato al naviglio da diporto.

Lo "Yacht club Adriaco" xe recente, infatti el vien fondado nel 1903 da un comitato promotore riunido al Hotel de la Ville. La sede iera sul molo Sartorio, prima su un vecio barcon, poi su una più moderna sede galegiante e infine dal 1924 nella sede atuale.
Tanti i nomi famosi tra gli atleti: Antonio Martinolich, Luigi de Manincor, Tino Straulino, Nico Rode, Sergio Sorrentino, Piero Gorgatto e Annibale Pelaschier.Oggi l'Adriaco cura la Nation's Cup e el trofeo Fincantieri.

[babatriestina]

Nel 1859 cambia nome in "Società triestina dei Bersaglieri"..

per quanto tempo i ghe ga lassado el nome?

[babatriestina]

No dimentichemo le società alpinistiche: la prima xe stada, ispirada del alpine club inglese, la società austriaca dei Alpinisti, a cui appartegniva Kugy, e un per de anni dopo l'Alpina delle Giulie, italiana e de tendenza alquanto irredentistica, comunque no tanto che no se iscrivessi anche là el bon Kugy.

[babatriestina]

La "Società Ginnastica Triestina", da sempre covo de passioni irredentistiche, vien fondada nel 1863 .

e nel 1963, in occasion del primo centenario, i ga riesumado un costume de ginnasta de zento anni prima, con la scrita GINASTICA con una n sola sula cintura. La "modella" per l'occasion son mi

[babatriestina]

e questi tre xe tre cugini de mio papà, all'inizio del 900, immagino cola coccarda della SGT, mi son arivada a conosser, de veci, due de lori

[Tirabaralla]

Belisime ste foto, Baba.
I muli, po'...i par zovinetti greghi de altri tempi, no te par?

[babatriestina]

.
I muli, po'...i par zovinetti greghi de altri tempi, no te par?

se penso ai do pici veceti che go conossudo mi .. tuto meno che atleti greghi! el meo, che iera quel de destra, xe morto giovine ( de spagnola, forsi...). Però un loro nipote ( fio del fio de una sorella dei tre) xe tuttora un sportivo, fazeva motocross, kayak e go leto recentemente sui resoconti de arrampicate .

[AdlerTS]

La "modella" per l'occasion son mi

Ah, esser nato qualche anno prima te gavessi fatto le bele

[palpio]

e nel 1963, in occasion del primo centenario, i ga riesumado un costume de ginnasta de zento anni prima, con la scrita GINASTICA con una n sola sula cintura. La "modella" per l'occasion son mi

Sai cocolo el costume, e molto cocola la modella: complimenti Betta !!

[AdlerTS]

Come ricorda oggi el Piccolo, el motoclub triestin compi 100 anni, primo nato nella penisola.

La cartolina commemorativa su

http://xoomer.virgilio.it/mctrieste/cartolina.htm

E me xe arrivada una bolletta con sto timbro

[babatriestina]

e ecove un per de medaie comemorative, una dell'Alpina delle Giulie dei primi del novecento e due dela Ginnastica, quela d'argento xe del centenario 1963 ( co go fato de "modella"), l'altra pol esser anche più recente





l'ultima se vedi che la xe più recente perchè ghe xe nel imagine la palestra che dà su via Rossetti, fata apunto a metà dei anni 60.
La sigla SGT i iera molto fieri che D'Annunzio ghe gaveva proposto l'interpretazion stricto gladio tenacius

[AdlerTS]

La società sportiva più antica iera la "Società del Bersaglio", costituida nel 1799 al Cacciator da Francesco Sigmundt.

[AdlerTS]

Picio indovinel:

Qualchidun ga mai sentido parlar della coppia Cosani e Vezzani

[babatriestina]

Mai! ma no me son mai molto interessada de sport

[AdlerTS]

In principio del 900, forse galvanizadi dai racconti de Verne e dalla nova sensazion "el mondo xe picio" dovuda al progresso dei mezzi de trasporto, ghe xe stadi diversi atleti che se ga lanciado in imprese particolari:
La coppia de campioni triestini de podismo Cosani e Vezzani ga fatto el giro del mondo (stimadi 50.000 km), mantenendose con le offerte della gente che i incontrava. Lori per contro ghe regalava una cartolina a ricordo dell'impresa. Forsi Misterkappa podessi averghene una

Un'altra celebre camminada xe stada quella de Emilio Juch che nel giugno del 1900 xe partido per arrivar a Parigi a piedi, pareria col fio picio in carozela a seguito. El modo per farse pagar iera sempre ligado alle cartoline: in cambio del sostentamento el gaveva concordado coi collezionisti cittadini de spedirghene da ogni città sul percorso.

[AdlerTS]

La coppia de campioni triestini de podismo Cosani e Vezzani ga fatto el giro del mondo (stimadi 50.000 km), mantenendose con le offerte della gente che i incontrava.

Adesso non steme domandar chi xe uno e chi xe l'altra

[babatriestina]

In questi giorni la Società ginnastica Triestina festeggia i 150 anni.
Un grande passato e un presente abbastanza critico ( xe de pochi giorni fa problemi alla manutenzion del edificio stesso..)
ei ga fatto una mostra alla galleria Comunal. Passavo ieri.. i documento xe relativi soprattutto al Ottocento:

anche se me ga piasso una foto ( qua con riflessi orendi) del famoso maestro De Iurco, che ricordavo de picia, ala mattina la radio local trasmetteva le sue lezioni.. de ginnastica per radio! finalmente lo vedo de faccia..


ma nel ingresso ghe xe i due costumi de ginnasti ottocenteschi, su manichini

[babatriestina]

e co go visto questo..



xe quel che gavevo portado mi 50 anni fa!!
ancora una foto, anche col muletto che gaveva el altro

[Nona Picia]

Anche noi scoltavimo la ginastica del maestro de Jurco. Mia sorela la gaveva fato ginastica con lui, mi e mio fradel no, perchè no rivava più el spago ala fine dela guera. Però lo gavemo conossù lo stesso in un altra ocasion.