La famiglia Milic e la locanda in Punto Franco Vecchio

[maxitergeste]

Ciao muli,
me presento: son Massimiliano Milic, figlio del giornalista Sergio Milic. Sto girando un documentario sulla famiglia, in particolare su mio nonno Drago Milic.

In breve, la storia fino alla prima guerra della mia famiglia:
Karel Milic e Helena Zigon, i genitori de Drago, fa parte della minoranza slovena. I xe una famiglia benestante e verso fine '800 decidi de andar in porto franco vecio e verzer un albergo ristorante/locanda (ciamada forsi Albergo Ristorante Posta?) situato all'attuale magazzino n.6 (che ga la stessa numerazione de 115 anni fa). Co la prima guerra mondiale essendo che gaveva fatto dei prestiti con le banche per rinnovar i immobili i falisi e perdi tutto in quanto le attività commerciali del porto xe ferme.

Volessi saver se qualchidun de voi ga foto de questo magazin n.6/locanda/albergo dei primi del '900 e se gavè notizie de questo albergo.

grazie se podè risponderme,
massimiliano

[Nini Naridola]

Dei Milic mi conossevo quei de l'albergo, tratoria de Borgo Grotta Gigante (el vecio Max, el fradel che adesso no me vien el nome -che el gaveva studià per maestro, i sui due fioi, Ivan e Peter). dopo iera i Milic de Rupin piccolo (anche osteria Milic) e anche un architetto o ing. de Opicina..
El magazzin 6 in Punto franco vecio iera (e xe ancora) dopo el molo 3° lato mare. La locanda iera (xe bastanza tempo che no passo de là) in testa sud del mag. 6. NB: le locande in porto xe adibide a mensa e no ad alloggi. L'ufficio postal in porto no iera tanto lontan: in pratica, entrando in piazza Libertà subito a destra drio del mag. 5. Subito dopo xe la palazzina con la direzion dei Magazzini Generali e dopo ancora el mag. 6

[maxitergeste]

Quindi te savevi de questa locanda (che ga chiuso tra el 1914 e el 1918) per sentito dir de parenti o amici?