Loghi comuni

[sono piccolo ma crescero]

Speso italian xe sinonimo de trapoler, de un che zerca de evitar le regole, imbroion, ecc. ecc. Deso me par che i se sia ricordai de meter i greghi con noi, ma questo xe un altro per de manighe.

Tedesco, invece, xe un drito, forsi tontolon, ma che no imbroia e che fa le robe ben, rispetando sopratuto le regole.

Però...

http://www.repubblica.it/motori/sezioni ... ef=HRER3-1

Xe inutile, co xe soldi de mezo, tuto el mondo xe paese...

[Nona Picia]

Tedesco, invece, xe un drito, forsi tontolon, ma che no imbroia e che fa le robe ben, rispetando sopratuto le regole.

Ma che quando le combina, le combina ben, come tuto quel che i tedeschi fa....

[babatriestina]

seguo poco i dettagli, ma leggendo oggi, qualche riflession la go fatta:
- i ga fatto un programmin assai astuto: co la macchina fa i test, tutto passa le regole, perchè i ridusi le emissioni dannose, co la va in strada, inveze no. Perchè??? perchè se se ridusessi le emissioni coi filtri, la macchian gaveria meno velocità, potenza, scatto. E xe quel che vol i consumatori, perchè se aparole i se preoccupa dela sicurezza e dela ecologia, in relatà in machina. i vol corer!
- riguarda i modelli diesel a gasolio, che qua me par che no xe la magioranza,
-xe sopratutto in America. Che po se go ben capido, xe emission de u n gas che no xe danoso ala salute umana ( a diferenza de quelc he riporta alcuni giornai) ma al atmosfera. Dito in America, dove che me par che ancora gnanca no i ga firmato del protocollo de Kyoto sul inquinamento atosferico...
- quel che xe bruto xe, se se vero, xe che el governo saveva e ga coverto el imbroiez. E alora tuto il mondo è paese.

Ultimo comento, de noi se disi sempre "all'italiana" e no xe mai un complimento, perchè vol dir fufignez. Ma credo che sia nato de un'estension del titolo de due film italiani, "divorzio all'italiana" e po me par anche un "matrimonio all'italiana", el primo satireggiava el fatto che no iera el divorzio, ma organizzando un delitto d'onore ( iera allora le attenuanti per el delitto d'onore) un marì se liberava facilmente del a moglie. Insomma, xe come sempre autocritica italiana. Semo i primi a far sbrodighezzi e po a autodenunciarse...

[sono piccolo ma crescero]

- riguarda i modelli diesel a gasolio, che qua me par che no xe la magioranza,
-xe sopratutto in America. Che po se go ben capido, xe emission de u n gas che no xe danoso ala salute umana ( a diferenza de quelc he riporta alcuni giornai) ma al atmosfera. Dito in America, dove che me par che ancora gnanca no i ga firmato del protocollo de Kyoto sul inquinamento atosferico...
- quel che xe bruto xe, se se vero, xe che el governo saveva e ga coverto el imbroiez. E alora tuto il mondo è paese.

Veramente me par che la magioranza dele vendite sia in Europa e in Asia. In America i parla de 500.000.

La mentalità puritana che, a parole, carateriza i americani li fa condanar chi che conta bale. In realtà, co xe soldi de mezo, tuti zerca de fregar tuti (i altri). Adeso i disi che vegnerà i auti eletrici. De un punto de vista del inquinamento, altra fregadura: sposto l'inquinamento dale cità nele centrali eletriche e vederemo, se saremo vivi, quante navi carighe de baterie vece che 'ndarà a fondo nei posti più impensai, ma tuti dove el mar xe sai fondo. Opur i impinirà l'Africa de vece baterie...

[Piereto]

No voio far cassandra , ma credo che ogi semo oramai abituadi a l'idea del riciclo, per cui no credo che el piombo de le baterie finirà in mar. Bisognerà veder se le materie plastiche contenenti i ioni al litio se poderà riciclar.Se le fabriche produrà automaticamente no ocorerà più che milioni de machine se sposti ogni giorno per mover i lavoratori, se questo sarà anche per i ufici alora no corerà più spostarse de casa, poderemo comunicar via internet, e le fabriche de auto farà bicieri. Ma milioni de persone no gaverà più lavor e i governi cascherà perchè mancherà chi che paga le tasse. No gaverà più senso eser in tanti e alora calerà el numero de omini sul pianeta e forsi riveremo a andar avanti per un altro miliaio de ani, se prima no se saremo copadi in una terza guera mondiale. Che tristezza. El logo comune che volevo propor xe che el governo xe ladro, e no credo che sia una affermazion sbagliada..

[Piereto]

Accanto e insieme al classico "governo ladro" trovo un altro luogo comune che va sai d'accordo . " popolo bue". El bue no ga i atributi e el governo aprofita

[sono piccolo ma crescero]

Legio su questo test che preria indipendente

http://download.repubblica.it/pdf/2015/ ... _FINAL.pdf

che tra quei che imbroia meno sui consumi effettivi dei auti xe la Fiat. Ciò, no ghe tocherà miga ai italiani de andar in Germania a lezion su l'arte de rangiarese?

[Piereto]

Me par che tuti sia boni de imbroiar le carte, ma ogni ano se vedi che i auti xe euro 1 po 2 , e ogi semo al sei, ma el motor a scoppio emetterà sempre inquinanti, xe ne la natura de la combustion, cioè ghe xe un limite altrimenti nol se ciameria a combustione interna, e credo che semo rivai sai vizin a sto limite. Certo vender una roba con de le caratteristiche che no la ga, xe un furto. Ma nissun che protestasi contro el malvezzo de farte pagar la pitura . Poso capir una volta che la produzion de vernice metalizada iera scarsa, ma ogi. E se parla sempre de 500 euro in più. Esisti anche case automobilistiche che te fa pagar la vernise bianca. Auti senza pitura noi te vendi. Un altro capitolo riguardante i furti, xe quei dei accessori. Xe quei che te fa pagar tutti i accessori a parte zontandoghe el montaggio, e su la qualità grossi punti de domanda,e i costi va su, fora controllo, e xe case che te vendi tutto compreso. No parlemo quando che i te prometi che i consumi sono i più bassi de la categoria. Misuradi come? e da chi? Co te le guidi ti xe tuttaltro.

[babatriestina]

mi so che co i me domandava Metallizada? e costava de più no i me ga mai ciapada. Mi ghe domandavo: su che color se vedi de meno el sporco?
E per el truco dele machine, legevo in un dei primi articoli che se le Volkswagen rispettassi le norme, in strada, le saria meno veloci, meno brilanti... cossa credè che voli el consumator medio? una machina che va svelta o una che no inquini? sì a parole el sarà anche ecologista, ma po...

[sono piccolo ma crescero]

Cara BT se te la vol metalizzada 500 euri per la metalizzazion, se te la vol bianca 500 euri perché i ghe dà per de sora una rifinitura special, se te la vol rosa 500 euri perché...

E comunque el grigio metalizà proprio no se vedi el sporco...

MI invece vado in bestia per certe robe che proprio no voleria e no se pol far de meno: paraurti e speceti in tinta che se te li vol cambiar perhé i xe roti te devi andar del carozier. Adeso po' i ghe meti anche sui speceti le frece, sempre per el steso motivo...

[babatriestina]

Cara BT se te la vol metalizzada 500 euri per la metalizzazion, se te la vol bianca 500 euri perché i ghe dà per de sora una rifinitura special, se te la vol rosa 500 euri perché...

no la mia bianca..no go pagado un centesimo in più del prezzo base... te vol che no gabio domandado??
adesso comunque stago rimetendo a posto la mia vecia bici, che xe perfin più vecia dela mia auto, per moverme in cità dove che xe serado al trafico automobilistico..

[Ciancele]

Le nostre machine ga tuto, specialmente quel che no servi, tipo temperatura esterna. E se te vol qualche extra che servi davero te devi cior una zaia de roba che no servi. Pagandola. A mi i mega dito che la machina ga anca el termometro fora. Mi ghe go dito che mi verzo el finestrin e meto fora la man. Se me iazo i diti vol dir che xe zima. I me ga butà fora. Mi ghe go dito che preferiria el riscaldamento centrale mezo davanti e mezo de drio. Un mucio de gente, anca mi, xe più sola che in compagnia in auto. De domenica però la machina xe piena, ma quei de drio bati broche. Te alzi la temperatura: lori sta ben, ma ti davanti te sudi. Insoma sempre condoto.