Domenica cambia l'orario dei bus

[Nona Picia]

Ricordeve, chi che usa el bus, che domenica comincia l'orario estivo...

[Piereto]

E ghe sarà anche l'orario dei vaporeti, (cioè i do delfini ). Tra le tante promesse de sindaco no vedo nisun che ghe sia vignudo in mente de far in modo de equiparar el costo del biglieto del bus a quel del vaporeto. Mi son andà un per de volte a Muia col delfin, ma pagar el dopio del biglieto del bus xe tropo. la TT no posiedi i do delfini, ma li nolegia tramite la provincia, e quindi i costi lievità. Ma semo una cita de mar e amche turistica. Possibile che come che se compra bus novi ogni tre ani, no se posi comprar i do delfini. Trieste Muia xe una linea che pol funzionar anche d'inverno.

[sono piccolo ma crescero]

No voio pensar mal, ma penso che se TT comprasi do vaporeti ... i costi saria maggiori. Non oso pensar a quanto ghe costa el tram, unico mezzo su ferro che i ga, e per i due vaporeti i costi saria de più: sei capitani, sei uficiai de machina, un pochi de marineri, adeti all'ormeggio, manutenzion de far far fora, .... meio, da un punto de vista dei costi, darghe in man a privati che probabilmente se rangia, vado a naso e no go prove, pagando poco e fazendo far turni pesanti.

[Piereto]

No credo che influezi el costo del personale. Che su 300 dipendenti de TT , ghe sia 20 che ghe sta sta drio al tran o altri quindise per i vaporeti, penso sia ininfluente. Ma el costo del tran xe dovudo in massima parte alle spese per mantinir i standard de sicurezza, cioè alle indicazioni imposte da ordini professionali che fa el bruto e cattivo tempo in mancanza de ciare normative europee. (e In 60 anni te pol anche cambiar un toco de binario). Se per i autobus te li porti in officina per la manutenzion , per i delfini te va in bacin de carenaggio. E i autobus fa la revision ogni tot chilometri e meti rode nove. Le barche fa revision ogni tante ore de funzionamento de motor e po se pitura el scafo. Credo inveze manchi la volontà de far, e una richiesta de intervento in tal senso da parte dei cittadini. I privati dove che meti le man devi guadagnaghe suso perchè i gà de pagar un mar de tasse e i prezi xe più cari. Co iera tuto in man dei privati per anni no gavemo avù servizio de piccolo cabotaggio. E comunque ogni ano i biglietti tendi ad aumentar anche in deflazion, e resta sempre un mistero come che podemo cior autobus novi ogni tre ani.