Pasqua e sue tradizioni

[AdlerTS]

In mancanza de un posto più preciso, meto qua:
Tradizioni del Setimana santa de una volta

Una roba che me incuriosissi xe che a dispetto dei pochi "praticanti" che va in cesa ogni Domenica, la procession della Via Crucis venerdì iera molto affolada. Sembra un paradosso.

Per i auguri, anche se me pareva che se li semo fati da un'altra parte, rinnovo i miei: BUONA E SERENA PASQUA DI RESURREZIONE.

[sum culex]

Ve rinovo ancorauna volta i mii auguri de BONI OVI.

Sta piovendo

E perchè che no ve dimentichè dela piova de ogi, co tornerà el sol, ve meto un per de foto cole joze!

Sui rami ancora spogli dela betulla.



Anche sui rami del'abete xè pien de joze







Come se usa dir? Piovi: governo ladro!
E se no piovi, come xè el governo? (sempre ladro!! )

Ciao
sum culex

[giuli]

6 forte!!!
Auguroni a TUTTI anche da parte mia!

[rofizal]

Auguri de Bona Pasqua a tutti anche da parte mia !

[granzo]

...quaxi quaxi auguri de lunedi` dell'angelo

[granzo]

Rutteri conta che la muleria meteva per strada dei pici presepi de stagno e domandava soldini, ecove el mio, che iera de mio papà., el gaverà zento ani:

No gavevo mai sentido ne` visto del prexepio de Pasqua. 'Ssai interessante. Oltre al sepolcro e ale guardie, i altri elementi che lo componi xe solo le candeline e i fioreti?

Intanto se preparava i ovi duri, a casa mia rigorosamente rossi, e le pinza pasquali, i presniz e le titole.

A caxa mia i fazeva el presnitz, inveze pinze e titole se comprava. Ovi duri de tuti i colori anche se personalmente me piaxi de piu` quei rossi o meio quei colorai co'le scorze dela zivola. Un ano mi go provado a far le titole, 'ssai bele de veder, peca' che no so far lievitar la pasta per far pinza...cussi` me xe vignu` piu` che altro un biscoto a forma de titola.

La matina de Pasqua se trovava i ovi, portai del Coniglietto pasqual ( tradizion nordica) e biosgnava zercarli, a mi in casa i me li scondeva drio i mobili, ma chi che gaveva campagna organizzava una spece de caccia al tesoro ai ovi duri sconti in giardin.

Mai fata 'sta cacia al tesoro, pensavo che la fossi anglosassone. Pero` go provado stamatina coi oveti de ciocolata co' le fie e devo dir che le se ga divertido a zercar per caxa

Adesso po sta deventando de moda far el "albero de Pasqua" con ovi impicai..

Xe anche questa un'uxanza nordica? Devo dir che i albereti o i rami de Pasqua coi oveti decoradi me piaxi.
Ani fa gavevo comprado ovi de plastica (cussi` no i se rompi ) e li gavevo decoradi con vari disegni pituradi con penel e acrilici. Qualchedun go provado al decoupage e qualche altro formandoghe una rede fata a uncineto e tuti col suo nastrin colorado per poderli impicar.

[refolo]

Gave' ragion tutte e due, da quel che leggio, con una differenza d'eta'.
la tradizion dei ovi nei campi xe celtici, dove che abito mi' xe almeno el 20% de Scozzesi Irlandesi, senza contar che la cittadina la ga' messa in piedi un per de signori Londonesi.

Comunque, la muleria de oggi non tien tradizioni, se non ghe xe qualche veciotto che ghe conta cossa che fazevimo noi co ierimo pici.
Ve basti saver chei Ovi pasquali i xe stadi messi in vendita alla fine de Dicembre, e adesso tra un mese, el piu' grande Emporium de Melbourne fara' xa l'esposizion per el prossimo Nadal.....I ciama Xmas di meta' anno.
con svendite del 30/40%.

I ga' tutti una furia cussi' precoce che xe de pianzer. Mi go' compra' una Colomba, non fazo piu' dolci, e nianche presnitz, mi e mio mari' se gavemo messo a cantar la canzonetta del vecio Sergio Endrigo.......
"" Siamo rimasti solo in tre', il Cane Io e te'"" una roba solo posso, dir che dovessi ametter che son stada' mi a insegnarghe che se fazeva:- ""NATALE COI TUOI E (CAPODANNO? NOOOOOOO) PASQUA con chi vuoi"" e cussi' tutti ga' ciapa' l'aereo e i xe andai verso el caldo......ma go' magna' de sbuffarme, ma come sempre el giorno dopo una bona dieta.
Ciao Maria aka Refolo

[babatriestina]

[No gavevo mai sentido ne` visto del prexepio de Pasqua. 'Ssai interessante. Oltre al sepolcro e ale guardie, i altri elementi che lo componi xe solo le candeline e i fioreti?.

me sa che, per una didattica dela liturgia dela messa, iera anche ogetini de stagno tipo accessori liturgici, no el calice o la patena che dopra el prete, ma le ampolline per l'acqua e el vin, el portaincenso.. no dimentichemo che quela volta i muletti vegniva ciamai spesso a servir messa, cola liturgia preconciliare

Intanto se preparava i ovi duri, a casa mia rigorosamente rossi, e le pinza pasquali, i presniz e le titole.

A caxa mia i fazeva el presnitz, inveze pinze e titole se comprava. Ovi duri de tuti i colori anche se personalmente me piaxi de piu` quei rossi o meio quei colorai co'le scorze dela zivola. Un ano mi go provado a far le titole, 'ssai bele de veder, peca' che no so far lievitar la pasta per far pinza...cussi` me xe vignu` piu` che altro un biscoto a forma de titola..

fidite dei consigli de NonaPicia e te vederà che la pasta lievitada no gaverà più segreti per ti

Per Refolo:se voi se restai in tre, mi iero in due: mi e el gato... ma per fortuna go i amici e el pranzo de Pasqua iero con lori.E go fato bela figura cola pinza su rizeta de Nona Picia
Per concluder: la colomba inveze no xe mai stada tradizional qua, la xe de un per de decenni che la gira, qua i la meti nei supermercati più o meno apena finido carneval. Se andè inveze nei paesi tedeschi, gnente colombe ma Osterhase ( coniglio pasqual) a tuto spian!

[Tirabaralla]

A proposito della colomba: il mio babbo mi spiegava proprio ieri che è un dolce "inventato" di sana pianta negli anni '30...mi pare dal signor Bauli insieme ad altri...

Felice Pasquetta...

[refolo]

Fazo le PAVLOVE! con differenti Frutti Tropicali!, el Tiramisu', e i crostoli......un portento.
ma no dirme de Pinze o altre robette Pasquali! la Maria xe Taboo! cioe' per dolci son alquanto insignificante!
Mia mamma, che lea resti in pase, la iera una coga per tradizion, ma non per far dolci; come mi'!, me ricordo che le prime pinze che la gaveva fatto la ghe le ga' portade al panificio in via Parini, SIORA Amalia, come xe le mie Pinze?
ela ghe rispondi......siora Elena, me dispiasi, ma le pezzo de tutte! COSSA LA ME DISI? """iera come la barzeletta de CECHELIN!!!!!!
Si' le xe ridotte al stato semi-diminuede.......zo de quel che ciamemo lievitado!!!
Mia mamma iera cussi' incazzada che la ga' fatto de tutto per dimostrar che quelle no iera sue.
E difatti con un controsegno legale messo sotto el tovaiol, ze risulta' che quelle nostre iere le piu' belle e bone.'Dopo de sta storia non la le ga' fatte piu', la diseva che non val la pena. El panetton Motta iera bon lo stesso!
Maria aka Refolo

[refolo]

Capisso che gavemo ripercussioni religiose per tutto el mondo, ma cossa semo diventai? paurosi de farse i Auguri per le Palme?.......

almeno qua' in Australia dopo 3 anni che mancava, xe torna' de novo con una grande richiesta e applauso, la procession delle Palme! con tutte le Ciese che gavemo a Trieste proprio nessuna lavora???????? o son anticipada? sull'orario?

Maria aka Refolo

[Nona Picia]

Anche de noi ieri xe stada in diverse parrocchie la preocession dele Palme. Mi son andada a messa con mia nipote al S. Vincenzo e là i la ga fata partindo de piazza Perugino e la cesa iera tuta adobada con le palme. Devo dir che xe sta assai bel.

[babatriestina]

procession no go visto, ma ieri in città iera pien de gente cola palma in man, complici anche un per che vendeva per strada palmette de quele coi santini e i nastri colorai. Mi credo che tanti no xe religiosi, no va in cesa, ma una palmeta benedida.. no se sa mai.. mal no pol far...
sto anno po casca Pasqua tuti insieme, cattolici, ortodossi.... domenica festaggia tuti

[AdlerTS]

Mi credo che tanti no xe religiosi, no va in cesa, ma una palmeta benedida.. no se sa mai.. mal no pol far...

Infatti ieri come gente in cesa ghe ne jera el triplo del solito. Xe quei che va Nadal e Pasqua. Forsi però mejo che gnente.

Bone Palme a tutti, alora !

[refolo]

Beh! forsi che la gente ga' timor de offender quei de differenti religioni...






BONA PASQUA


Maria aka Refolo

[AdlerTS]

A proposito de tradizioni: tra gli usi che xe andadi persi a Trieste nel dopo ribalton ghe xe quel de metter in casa per Pasqua un vaso con rametti primaverili, el Osterbaum, con impicadi i ovi coloradi, i Ostereier.
I ovi coloradi se usa anche in Italia, però da noi se ga perso anche la tradizion per la quale i bambini va a caccia de sti ovi per casa, che xe stadi nascosti dal Osterhase, el coniglietto pasquale.
Forsi Nona Picia i ghe fazeva qualcossa del genere in famiglia.

[babatriestina]

a casa mia sti " alberi de nadal pasquali" no se li fazzeva mai, ma la ricerca dei ovi sempre. E un amico dei mii genitori fazeva un ricevimento pasqual e ala mattina noi fioi vegnivimo invitai a zercar sti ovi duri colorai sconti in una zona del giardin.
Nei paesi tedeschi no xe che sto Osterhase anche adesso e i ignora la colomba, che anche qua nissun conosseva, fin che no la ga reclamizzada le case produttrici de dolci.
A casa mia i ovi de Pasqua iera tradizionalmente solo che rossi, e vista la tradizion de una nonna grega, se fazeva la " bataglia coi ovi" che no me ricordo come che la ciama i Greghi, se urta i ovi un co l'altro e vinzi quel che ghe resta intiero. Son stata un per de volte per Pasqua grega a Atene e go visto i ovi rossi come quei de casa mia.
Mia nona festeggiava la Pasqua ale 11 ( o mezzogiorno) del sabato Santo, el Gloria la lo ciamava, perchè soto el Austria i lo gaveva spostado a quel ora per no gaver gente in giro a mezzanotte, imagino.

[Nona Picia]

A casa mia no se fazeva l'Osterbaum enianche la caccia ai ovi,perchè non iera soldi nianche per quei. Però ovi sodi colorati e messi a decorazion sula tavola e tra i fiori, tanti. Inveze mia zia a Graz per Pasqua la preparava l'albereto de rami dei cosidetti "gattini", quei ramenti de salice che ga le "balete de pelo grigio" co ovi colradi e svodi impicai su.

[Golfoblu]

Una BONA PASQUA a Tuti !!!!!!!!!!!!!!!

Come in altre ocasioni, una data comerciale per vender ovi e affini.

Per i cristiani, la setimana dela morte e resurezion de Nostro Signor.

[AdlerTS]

Come in altre ocasioni, una data comerciale per vender ovi e affini.

Per i cristiani, la setimana dela morte e resurezion de Nostro Signor.

Permetteme do righe su sto discorso religioso: mi per primo go avudo una adolescenza da agnostico, mentre adesso son cattolico praticante, quindi accetto ogni opinion, anche l'ateo.
Però quel che me fa pensar xe che mentre i miei dubbi nell'adolescenza podeva esser robe tipo considerar inverosimile la ressurezion, oppur aver schifo per le mille malvagità fatte nel mondo in nome della religion, oppur domandarme come podessi esister tante robe brutte nel mondo, vedo che ogi giorno chi se allontana dalla religion lo fa essenzialmente perché non accetta che ghe sia trope robe "che se devi e non se devi far". Quindi xe solo un estrema volontà de non aver "costrizioni". Lo trovo riduttivo.