Vie intitolade ai nemici de Trieste

[Piereto]

Secondo el mio modo de veder la ricerca de condizioni migliori de vita e de benessere, movi la storia, e certe ideologie e certi ismi no va d 'acordo col benessere de un popolo o de una città. Dipendi po' anche dal momento in cui se decidi de fare el revisionismo. Ogi guardando al pasato de Trieste, dovessimo cancelar più de la metà dei nomi de le vie. Nel caso dei comandanti veneziani i ga combatudo per la supremazia de Venezia, e i gà creado solo morti e danni per i triestini.

[Blues Briso]

Secondo el mio modo de veder la ricerca de condizioni migliori de vita e de benessere, movi la storia, e certe ideologie e certi ismi no va d 'acordo col benessere de un popolo o de una città.

Mi credo che gli "ismi" de solito nassi come una ricetta (più o meno nova) che qualche d'un se inventa per zercar un supposto benessere o migliorar le condizioni dela vita. Po quasi sempre a posteriori se pol criticar quela riceta. De solito xe tropo idealizada sta riceta per far che el risultato sia bon.
Comunque mi no me riferivo tanto a questioni opinabili, o ai ismi. Per mi D'alviano storicamente sarà stado sicuramente un grande capitano de ventura, mi questo no lo meto in dubio. E no ghe voio far de sicuro un processo morale con la filosofia che gavemo ogigiorno. Anzi. Il problema xe che per come la vedo mi, no ga de esser Trieste a dirghe bravo te intitolemo una via.

Dipendi po' anche dal momento in cui se decidi de fare el revisionismo. Ogi guardando al pasato de Trieste, dovessimo cancelar più de la metà dei nomi de le vie. Nel caso dei comandanti veneziani i ga combatudo per la supremazia de Venezia, e i gà creado solo morti e danni per i triestini.

Infati dalla pagina che gavevo linkado al inizio, i parla anche de Hortis e Valerio. Salem... Mi no voio meterme a far processi sull'ideologia, ma ripeto xe stai omini che ga fato ogetivamente del mal ala cità de Trieste, anche se xe passà mezo millenio. Che quela stessa Trieste devi dirghe bravi, me par sbalià.

[babatriestina]

Forsi ga ragion i newyorkesi, avenues per un verso e streets per l'altro e po un numero. Cussì no se discuti.

[Blues Briso]

Forsi ga ragion i newyorkesi, avenues per un verso e streets per l'altro e po un numero. Cussì no se discuti.

Mi no penso che fra un dozento/trezento ani, il giorno che i decidi de cambiar sistema, i ghe intitolerà una via a Bin Laden, ma oh, magari me sbaglierò

[babatriestina]

el problema per mi no xe fra zento o dozento anni, ma quei che dedica la vie sulle emozioni del momento o sulla base dela propia vision politica. Ricordemo sempre el " visto da destra, visto da sinistra"

[Blues Briso]

Ma forsi no me spiego ben.
Se vedi che xe tropo che no scrivo in dialeto...
Eppur go dito esplicitamente che no go meso insieme quei personagi che se possi veder sotto una luce diversa a seconda un de che parte el sta.
Mi go riportà personaggi storici de 500 ani fa, che xe ben documentado che i xe stadi nemici de la cità de Trieste. Nemici, nel senso che ga combatudo contro Trieste. Che i ga bombardà Trieste, i ga copado triestini. No go dito che i ga copado italiani, slavi, austriaci. I ga copado gente de Trieste. I ga esilià gente de Trieste. I ga distrutto Trieste.
No so che tipo de onda de emozioni pol portar a metter su una targa che ghe dà el nome a una via, proprio el nome e 'l cognome de ste persone che inveze ga vesado Trieste.
A mi l'unica roba che me vien inamente xe che iera qualche venezian importante che ga voludo far scontar a Trieste un'altra "beffa". Opur xe ignoranza.
Sta roba, no ga proprio senso dal punto de vista de Trieste, né se la vardo de destra né se la vardo de sinistra. Xe assurda, inveze.

[babatriestina]

sospetto che i gabi scelto perché i tentava de conquistar Trieste a favor de un stato che al epoca iera " italian". Che po Venezia xe stada subito dopo quasi el solo stato italian che gabi mantegnudo indipendenza dal Cinquecento in zo per secoli mentre i altri se li ga spartidi Francia e Spagna