La calada

[babatriestina]

No gavemo messo el vocabolo calada. ( calàda) . E me go inacorto che xe triestini che no sa cossa che vol dir. Se lo dopra sopratutto per la " calda dalmata" un modo de parlare legermente cantilenante che andava de Fiume fin zo. Me ricordo che rider nei anni 60 un tassista a Ragusa/Dubrovnik parlava croato, ma le poche parole che el ga dito in italian7vento iera con una calada fortissima che in croato no ghe xe. Legio sul Doria Zper che ghe iera anche una calada de Citavecia e de rena Nova. e che la calada pol esser anche balando ( el tango ) un acentuazion dei movimenti. ( e anche , ma meno noto, un significato sessual- tipo scopare)
El momolo che se vantava de essere triestin credeva che fussi un termine scorretto per cantada
( per esempio nele Maldobrie iera " isteesso son cuntento...") o come la fiumana maestra di piano d i mia mamma sig Fradellich " o mia Biaaancaaa!!! o che tiii no ti me gaa studiaa!"

[sono piccolo ma crescero]

El termine calada xe la version dialettale del termine italian "calata". El Grande dizionario della lingua italiana del Battaglia (massima autorità per la lingua italiana con i sui 24 volumi, 24.000 pagine circa) disi

Calata, sf.
[omissis]
6. Cadenza, modulazione della voce; cantilena.
Montale, 3-47: Tutti parlavano in italiano, con grande distinzione, seppure con una calata paurosamente dia­lettale. Pasolini, 3-287: Il suo compagno... invece biondo, con gli occhi chiari e la faccia lunga, che parlava con la calata veronese

Anche el vocabolario Treccani, più picio e maneggevole, lo riporta e forsi meio

calata s.f. [deriv. di calare]
[omissis]
2. Particolare cadenza e modulazione della voce che caratterizza il modo di parlare di una regione o anche di una zona più ristretta: c. dialettale, regionale; una c. tutta toscana; la c. caratteristica della parlata ligure.

Quindi no diria tanto una parola specifica del dialetto, quanto una caratteristica de chi che vivi a Trieste. Me ricordo che quando lavoravo a Milan i me cioleva in giro fazendome el verso co la calada veneta, che mi no me sentivo e me son acorto de gaver solo quando me son sentì un mio intervento registrà. Tra l'altro, a casa mia no se diseva calada, ma cantada: la cantada veneta.

Comunque no saria in grado de distinguer tra la calada de Rena vecia e de Borgo san Sergio, però quando sento un muiesan che parla in dialeto ghe sento una calada diversa.

[Piereto]

Per mi la calada iera una cantilena tipica de dalmati quando i parlava in veneto, podeva eser anche el venezian forbido e colto, ma el piuù de le volte iera termini de uso popolare corente. Ricordo ancora delle gite fate a spalato e su l'isola de braza anni sesanta, e iera coccolo scoltarli. Ogi el mar croto yugo ga sepolto i veci che mastigava ancora veneto.
Qualcosa dovesi eser ancora recuperabile de la antica parlada nel teatro dialetale veneto (Baseggio Batistella) La Lucilla Morlacchi iera un bona atora e iera spassoso scoltarla

[babatriestina]

xe che mi gavevo parenti dalmati, quindi co li sentivo parlar notavo la cadenza e i termini che iera diferenti del triestin "la zia Paola la te iera 'ssai cocola..."

[Piereto]

ancke mi gavevo parenti dalmati da la parte nonni materni. iera bel scolttarli e qualchidun iera anche un profe de talian.che insegnava ne la sola croatta.in quel de Spalato.