6 maggio 1976

[AdlerTS]

In ocasion dei venti anni del teremoto, penso non sia altri dati "tecnici" da agiungere. Saria cocolo però veder se ve ricordè cossa fazevi quel giorno e cossa che gavè pensado, subito e nei seguenti.

Mi gavevo 4 anni, però me ricordo molto ben la paura e la mia corsa soto el tavolo del soggiorno. Poche altre robe me xe rimaste de quell'anno, ma questa xe dificile dimenticar.

[babatriestina]

Per cominciar, che iera ssai caldo, anomalo, quei giorni. Po che do giorni prima xe morto el mio vecio professor de italian, che me ga tanto dispiasso.
Quela sera ierimo tuti insieme, mi, papà, mama e nona dopo zena a tavola, nona povera in poltrona che la gaveva oltre 90 ani, ciacolavimo o zogavimo a carte.
Tutintun la casa se ga messo a tremar, ma noi ierimo in primo pian quindi no ne pareva tanto, la lampada oscillava e la pendola se moveva de destra a sinistra. Noi se gavemo alzado e se gavemo messo contro el muro vizin dele finestre, mama ga ciapado nona e la la ga strascinada cussì con tuta la poltrona. Gaverà durado un minuto, almeno cussì me ga parso. Po se ga fermado tuto e gavemo dito ara che xe teremoto... un per de minuti dopo me ga telefonado spaventatissimo un mio amico, che stava verso Villa Giulia in un pian alto e el me ga dito che ghe ga fato tanta impression el rumor che el ga sentido vegnir su dela cità. Ma mi me pareva un teremoto come che ghe ne gavevo visto za altri, forsi un poco de più. Solo la matina dopo co gavemo leto i giornai gavemo visto che tremendo che el xe stado. Se devo dir, me gaveva fato più impression anni prima la tragedia del Vajont.
Per quel de setembre, po, la scossa dela matina iero in strada e no go sentido gnente, co son entrada in una casa i me ga dito Sentido el teremoto? e la scossa dele 2 del dopopranzo iero a casa e vardavo el paseroto che gavevo a casa, i disi che le bestie senti i teremoti, ma la mia passera Emilietta iera normal e me vegniva a magnar dela man come sempre.

[Bilbo]

trenta ani, Adler, trenta xe pasai....

[refolo]

Mia mamma iera in visita a Trieste.....
La ghe ga' dito a sua sorella; GINA xe una scossa tellurgica? ma va la' te se insogni! be! mia mamma ghe rispondi (Le giogava a carte) dime el perche' la tavola, dalla credenza la se ga' sposta' fin alla porta del salotto?
Iera vero, due notti dopo le iera in piazza Grande coi materassi!
Mi che non podevo comunicar. Ghe credo, co la ga' conta' che ghe xe sta' piu' de 200 scosse!
Maria aka Refolo

[AdlerTS]

trenta ani, Adler, trenta xe pasai....

[Nona Picia]

Mi me ricordo ben de quela sera, iera parecchio caldo e noi ierimo in tavola che zenavimo.A un certo punto la sedia ga comincià a tremarme soto el sedere, la credenza fazeva vibrar tuti i bicieri e se sentiva un rumor come che fazeva mio fio co studiava in pian de sora e el bateva i piedi soto la tavola. In soggiorno el lampadario grande balava da destra a sinistra che pareva che el stassi per venir zò de un momento all'altro.Semo corsi fora, i cani iera tranquillissimi, ma se sentiva un rombo tremendo che no finiva più.
Poco dopo al tg nazionale i ga dà la notizia, ma no se saveva ancora un granchè. Per el teremoto de setembre, a mi me ga sembrà
anche pezo, perchè go visto i ipocastani che go in giardin che se moveva anche lori e gavevo paura che i podessi venir zò.
Ciao ciao

[Bilbo]

de magio me ricordo, me ricordo sopratuto el giorno dopo a scola, che ierimo pochi e zercavimo le crepe nei muri.

del setembre, el "vuoto più assoluto"

[refolo]

Bo!.........ghe ne gavemo avudi anche a Trieste, un nel 26.....ma quel che me ricordo mi' e...

spero che qualched'un dei veci.....come Coce ( la scusi) de qualche anno piu' de mi' se ricordi anche quel del 39-40....durado poco ma sufficiente per tremar.
Ga' sconbussola' da San Luigi fin in Cavana, e sora le due case dove ghe xe l'Arco de Riccardo. Sotto la finestra della cusina mia zia gaveva un'apertura quasi de 4 centimetri. Tante volte penso, con mio mari' che ste robe, pol aver dado usufrutto a tutto quel chei ga' scoperto ultimamente de sotto.
Maria aka Refolo

[Nona Picia]

del setembre, el "vuoto più assoluto"[/quote]

Quel matina no te ieri a casa, ma la note prima, con la scossa precedente, te xe saltà fora del leto, perchè te ga visto verzerse le porte dei armadi de camera tua e uno te lo gavevi sora el leto!
ciao ciao

[babatriestina]

Una mia amica, la ga ciapado tanta paura del primo teremoto, che la tegniva sul sgabel un per de biceri un vizin l'altro, cussì se vegniva teremoto i scassava e la sveiava e la iera pronta a scampar in strada.

[torziolona]

Anche mi iero muleta, però me ricordo ben.
Un gran rumor, me pareva come un forte refolo de bora invernale: de colpo tuto tremava e son corsa in pergolo a veder. Iera za tuti in strada, qualchidun in pigiama, e i me zigava de vignir via.
Un paio de lori per far in furia se ga anche serado fora de casa.

[ffdt]

Mi iero in leto che legevo giornalini e tut' in t'un sento el leto che se scasa de bruto ... go pensado che fusi mia sorela che la me fazeva scherzi e ghe go zigado tuto rabiado ... c'o go sentido che la me rispondeva de l'altra parte de la caxa go capido che no la iera stada ela ;-D ;-D ;-D ... poco dopo ga cominciado cuei de caxa a baterne la porta zigando che scampemo perche` iera 'l teremoto e un per de minuti dopo iera tuto 'l rion in piaza ... mi e mia sorela gavesimo voludo andar anche noi perche` i gaveva l'anda de divertirse sai stando zo tuti insieme ma mia mama la ne ga dito "gnanche per idea ... doman matina mi go de andar a lavorar e voi a scola ... filar in leto!"

E difati la matina dopo noi semo andadi a scola e ela in uficio ... e iera ancora gente in piaza che no iera tornada a caxa. Mi li go invidiai perche` i muleti cuel giorno no i xe andai a scola

Ciau

Franco

[Tirabaralla]

Sì, Franco...ma ...con tutto il rispetto...la tua mamma era criminale

[Nona Picia]

Caro Franco,
anche Bilbo e suo fradel i xe andai a scola el giorno dopo!
Ier più de una mama criminale!
Ciao ciao

[babatriestina]

anche mi son andada a lavorar el giorno dopo

[Nona Picia]

Ghe iera anche qualche prof. criminale!
Ciao ciao

[Tirabaralla]

Non parlavo del giorno dopo...parlavo del fatto di restare in casa durante probabili scosse di assestamento :-O

[Nona Picia]

Noi quella sera eravamo tutti in strada e ce la siamo anche passata bene, nonostante la tragicità del momento.
Ciao ciao