presentazioni e saluti

[granzo]

Benvignuda Belvedere

[ffdt]

Ciau Belvedere, ben rivada ;-D ;-D ;-D ;-D


Franco

[MisterKappa]

Un altro povero naufrago ga trova' terra. Ben trovadi a tutti e saludi a quei che no conoso

MisterKappa (ex Franco K cusi' no fazemo confusion)

[babatriestina]

Ben ritrovado anche in pubblico!
saremo pochi, ma boni!
e per chi che ancora no lo conossi, andè a visitar el suo sito, che xe una miniera de informazioni! lo trovè sul suo profilo, ma meritassi de meterghe un link aposta nei link triestini

[AdlerTS]

Onorati della sua presenza

[Tirabaralla]

Ben arivado anche da parte mia, MrK "quel dei francoboji"
E anche ai altri che me go desmentegà de saludar!

[ffdt]

Un altro povero naufrago ga trova' terra. Ben trovadi a tutti e saludi a quei che no conoso

MisterKappa (ex Franco K cusi' no fazemo confusion)

Ciau, ben rivado ... mi te conosevo come Franco K, ma no gavevo visto el tuo sito de cartoline sai bel

Visto che l'ixola la xe granda ciolte pur el tuo toco de tera e fate la caxa come che piu` te piaxi

De novo ben ritrovado.


Ciau

Franco

[Bilbo]

Un altro povero naufrago ga trova' terra. Ben trovadi a tutti e saludi a quei che no conoso

MisterKappa (ex Franco K cusi' no fazemo confusion)

ben arivado, me son permeso de meter el link del tuo sito nel nostro picolo elenco de siti amici e/o interesanti per trieste

https://www.atrieste.eu/Forum3/viewtopic.php?t=33

[fluido]

ciao a tuto el forum,
quando no go trova più triestemia me xè venù un colpo, per fortuna xè sta ripristinado almeno el forum. ma cossa xè successo?

fluido

[babatriestina]

Trope baruffe, e a un certo punto Sergio se ga stufado ( in sintesi).

Ben ritrovado!

[fluido]

come da subject;))
tutti i dati e la roba vecia? tuto perso? e pensar che grazie a triestemia iero entra gratis nel aquario de monterey ))

che roba... va ben che iero novo e no me piasi far barufa, ma no me jero proprio 'corto de niente

fluido

[babatriestina]

come da subject;))
tutti i dati e la roba vecia? tuto perso? e pensar che grazie a triestemia iero entra gratis nel aquario de monterey ))

fluido

la roba vecia, Sergio ga dito che el se ga salvado un backup, no se sa mai ... e del resto, chi che voleva podeva sempre salvarse a proprio uso e consumo quel che ghe interessava.
Contine sta storia del aquario de Monterey!

[Bilbo]

ciao a tuto el forum,
quando no go trova più triestemia me xè venù un colpo, per fortuna xè sta ripristinado almeno el forum. ma cossa xè successo?

fluido

Ciao Fluido, benritrovado....
come ga za Scrito babatriestina, Sergio ga chiuso per vari motivi, non ultimo i costi..... ma questo non xe el forum de Tsmia, xe completamente novo anche se sulla falsariga de quel.-

[granzo]

Ciau fluido, bentornado...confermo quel che ga dito i altri....la volonta` de portar avanti un forum su Trieste iera cussi` grande che....econe qua

[AdlerTS]

Ciao, felice de averte tra noi

[sum culex]

I° Mi son 'sum culex': xè un sopranome che me gaveva dà el professor de letere ancora co' andavo al'Oberdan circa 50 ani fa, in sto modo podè veder che la veciaia incombi!

II° El giorno dela memoria. Che nissun me vegni a dir che quel che ghe xè sucesso ai ebrei durante la seconda guera mondial no xè vero, lo go provado mi sula mia pele. Premeto che mi son cristian catolico anche se no osservante, iera mia mama che iera ebrea.
Una bruta matina de setembre '44, ale sei de matina, se ga presentà le SS, i gà la imbragada e i la ga portada via. De quel mometo la xè leteralmente scomparsa e no se ga mai più savudo gnente de gnente: nè dove nè come. Mi gavevo poco più de 5 ani, ma me ricordo come se fussi ogi, quel furgon tuto nero che andava zo per la strada con ela dentro e per sempre.

Go scrito questo perchè ricori 'el giorno dela memoria': per sta volta perdoneme ste robe tristi: chiedo umilmente venia; vederè che de solito no son cusì.

Salve, arivederci, ciao, saluti, bona giornata ogi e domani e cussì avanti a tuti

sum culex

[AdlerTS]

Bongiorno Sum Culex, benvenuto !

el nostro sito servi sopratutto per conservar i ricordi, e anche questo merita el suo spazio e rispetto.
Non posso gnianche imaginar el tuo dolor de fio e go pietà per tua mama.

Una sola avvertenza: per esperienza noi evitemo de parlar dei ultimi 50 anni de storia, sopratutto politicamente, perché nella nostra città xe trope feride ancora verte e se rischia de far vignir fora discussioni pericolose.

[babatriestina]

ben, me stavo apunto domandando l'origine del tuo nick, anca a mi el prof, ma al Dante, una quarantina de anni fa el me ciamava tarma.. semo là...

Per tua mama, mi sinceramente, co penso a sti orori, no go trovo parole e me ricordo che propio la signora Schreiber, che vegniva nele scole a contar l'esperienza dela persecuzion razial a Trieste come che la la ga vissuda ela ( e per fortuna la xe arivada a scampar via ) , la diseva che per anni nissun voleva gnanca parlar, po i ga dito no, bisogna farse forza e contar che se sapi e che no se ripeti mai più!
In mia famiglia xe morta a Auschwitz tuta la famiglia de un cugin de papà, triestini trapiantai a Milan, e papà a 80 ani el se meteva a pianzer parlando de lu, copadi cussì per cativeria gratuita.
Ma, come che disi anche Adler, nel ultima guera ghe xe stadi tanti e tanti de quei orori, e purtroppo adesso i li dopra anche per baruffe politiche atuali, per cui qua zerchemo de no parlarghene..
Giusto stamatina me domandavo perchè xe le bandiere a mezasta..

[Nevada]

Benvenuto Sum.

[sum culex]

Ringrazio tuti dele parole de benvignudo e voio tranquilizarve per quel che riguarda la politica, la storia dei ultimi 50 ani e robe del genere. Ogi iera una giornada particolare, per quel go voludo contarve quela vicenda e tuto finissi qua, no me saria mai più sognà de impiantar argomenti del genere!
Mi de politica no me son mai e po' mai minimamente ocupà e sicuramente no comincerò dopo vecio e quel che go scrito no gaveva assolutamente nissun secondo fine.
Poderò parlar de fiori del Carso, de fotografia, contarve barzelete (pian e ben: no spinte, se capissi): robe che mi me piasi 'ssai e poderemo trovar anche altri argomenti in comun (no in municipio) per ciacolar insieme, ma no ogi.
Ve saludo e ancora ve ringrazio per la vostra pazienza.
sum culex