Rozzol

[AdlerTS]

Una foto già vista, ma che me pareva bella:

[AdlerTS]

Gavè mai visto Rozzol scritto cussì ?

[Bilbo]

decisamente no.....

[Bilbo]

ecco el "Rion del Re"

qua i sta spetando l'arrivo del primo Tram, sula linea fata per sto popoloso rion



deso i varderia per television, de sicuno no i se amasa su scala bonghi

[babatriestina]

Pensar che co iero picia, abitando in centro, gnanca no savevo dove che fussi sti rioni, al massimo andavo a pie fin San Luigi o col autobus al Cacciator!
Ma Rozzol, che me par che scrito Rocol ( la u me sa de desinenza) sia oviamente el nome sloven, cossa vol dir? imagino in sloven, per cui me par che sia el modo original de scriver.
Per el rion del Re, la costruzion va del 1926 al 1930, e xe un dei primi rioni progettai a casette unifamiliari col verde intorno, per operai e piccola borghesia.
Nel 1919 el Consiglio Comunal gaveva proposto che "per solennizzare la liberazione dal dominio austriaco e l'annessione all'Italia fosse immediatamente costruito un quartiere-giardino da fregiarsi del nome di Quartiere della Vittoria", in realtà per mancanza de bori i ga cominciado dopo e nel 25 i ga deciso de dedicarlo ai 25 anni de regno de Vittorio Emanueele III, de cui el nome
PS Via Rozzol xe l'attuale via Revoltella

[Bilbo]

no go mai savù de una via Rozzol, ma de una strada de rozzol , che no xe la via revoltella, magari tempo indrio la gaveva anche una parte della via revoltella, ma che mi me ricordo, la xe sempre finida in via revoltella, poco più su de scala Bonghi. sula destra.

deso come deso , la finisi in via forlanini, ma quando al posto dela forlanini iera tuto bosco, la salita andava avanti e ala vifine la girava a destra e la strada finiva in bosco, andando avanti (per dove che no la iera asfaltada) me sembra che la finiva soto catinara.-

[babatriestina]

Attualmente la via de Rozzol se stacca de via Revoltella, forsi prima iera el nome dela prima parte de via Revoltella, ghe volessi veder i nomi se xe e quando stai cambiai.
Ma go un piccolo quiz: dove xe Rozzol???
ben savemo tuti dove che xe, ma la mia carta del 1910 , nel toco che no go postado, scrivi Rozzol nela zona fra via Sette fontane e l'Ippodromo. Anche perchè el rion del Re gaveva ancora de nasser..

[Bilbo]

quel zona la deso xe ciama Rozzol in valle, almeno cusì go leto su i cartei bianchi che te trovi su certe case vizin ai numeri.-

[ffdt]

[...]strada de rozzol[...] la finisi in via forlanini,[...]

Ghe ne xe de piu` ... e se se ga voia se pol farsela ancora cuaxi tuta fin a Catinara ... meio de inverno perche` la parte in alto la xe magnada de i radighi.

Comuncue se la pol ciapar in via Revoltella, apunto un poco piu` in alto de scala Bonghi, e se va in su fin a trovar via Forlanini. La continuava fin a trovar via de i Pellegrini ma adeso cuela rampa (che la iera bela impirada ) la xe stada taiada via per far via Forlanini ... a 'l suo posto i ga meso scalete, cuindi chi che xe a pie el pol traversar la strada (ma el punto el xe bruto) andar su per le scalete e trovar de novo strada di Rozzol ... che una volta i me dixi che la se ciamava Strada de Catinara, esendo l'unica che rivava fin la` ).

In cuel punto no se capisi piu` che una volta ghe iera un incrocio ... ma 'l ghe iera. Andando a destra se torna in via Forlanini perche` sta povera vecia strada la xe stada taiada in do punti ... pasando de novo oltra de via Forlanini se continua per la strada de Rozzol (anche se i ghe ga cambiado nome e no me ricordo el novo) e se va driti trancuili fin che no finisi 'l asfalto, proprio soto de la central telefonica. De la` in avanti la strada la ghe xe ancora ma la xe in tera (gnanche batuda) e le piante le la ga ciapada per bona parte ... xe restado solo che un sentierin che dopra cuei che i porta a pascolar i cani.

Se riva fin a la rede de le barache de 'l cantier de l'autostrdada ... cuele che i ga fato indove che iera le vide de la vila Melara ... pero` no so come che sia cuel toco perche` xe ani anorum che no ghe vado ... pero` in zima se vedi la fine de la strada che la riva cuaxi sora de la galeria de Catinara ... no sai distante de cuel grando distributor de benzina che i ga fato de recente.

Fusi cocolo de far un giro a far foto, ma mi per adeso no rivo


Ciau


Franco

[AdlerTS]

Ma Rozzol, che me par che scrito Rocol ( la u me sa de desinenza) sia oviamente el nome sloven, cossa vol dir? imagino in sloven, per cui me par che sia el modo original de scriver.

Se te cerchi el toponimo, sembra che la valle de Rozzol ciol el nome dal misero torrente che la percorreva. Questo iera quindi un riuzzo o riuzzolo, da cui appunto rozzolo e poi rozzol.

[AdlerTS]

Foto del 1981: la via Forlanini, che porta in ospedal, non xe ancora completa (me ricordo ancora la gente sentada in mezzo alla strada che se oponeva al progetto.) Su in alto, su quel retilineo orizontale, non xe ancora la stazion de servizio che ogi xe sempre piena. Villa Melara, a sinistra in alto, sembra ancora aver el soffitto integro (adesso xe crollado) ed el terren di fronte xe ancora coltivado. La scola del casermon (che ga un nome arabo che non me ricordo) la xe ancora in costruzion.

[ffdt]

Me ricordo che per ani la strada la xe restada ferma ... proprio in te la tua foto se vedi una diferenza de color in te la pegola ... la` de le grue ... eco ... xe perche` el toco piu scuro el xe piu` novo de un 5 ani (a memoria).

E 'l toco scuro i lo fato per de sora de le vide de la vila melara ... un dolor de cuor c'o i ghe xe andadi dentro co' le scavatrici ...

De muleto, prima che i finisi la strada, mi andavo fin la` su in bicicleta e me fermavo anche ore a vardar el panorama ... no ghe iera mai nisun

Andavimo a zogar anche in te i scavi de le fondazioni de le caxe de la parte verso vale ... poco piu soto pasa la strada per catinara.

Ciau ciau

Franco

[AdlerTS]

Foto del 1981: Villa Melara, a sinistra in alto, sembra ancora aver el soffitto integro (adesso xe crollado) ed el terren di fronte xe ancora coltivado.

Villa Melara, originariamente Villa Porcia, xe in via Forlanini 40 e iera casa de Alfonso di Porcia, governator de Trieste dal 1823 al 1835. Xe un neoclassico che gli intenditori definissi palladiano, iera nota soprattutto per la ricchissima biblioteca, i quadri allegorici e le epigrafi latine.




Una bella fontana verso la strada ed una cappella privata. Spesso Porcia invitava gli artisti del Teatro Nuovo per rappresentazioni in loco. Una lapide con lo stemma dei Porcia recitava
DEUS FELICITAS - HOMO
MISERIA
FRANZ SERAFIN DES HEIL
ROEM REICHS FUERST
VON PORCIA

La ga cambiado proprietà per lo meno nel 1846, nel 1921 e nel 1937.
All'inizio degli anni 70 la iera ancora presentabile, mentre dopo la creazion della moderna via forlanini e dell'esproprio del teren circostante, el declino xe stado totale ed irreversibile.
Oggi ghe xe un cartel de "pericolo di crollo" e pascola pecore tra le pareti della villa che fu.



A proposito della lotta dei abitanti de Rozzol contro la realizzazion de via forlanini, su una casa se leggi ancora delle scritte curiose. Una signora del rion me ga dito che risali al periodo della protesta slovena.
L'unica parola che se leggi ancora ben poderia esser DOMA, cioè casa, mentre per la prima parola se intravedi malamente una PU, che podessi esser un PUSTI, cioè "lassa star, molla."

[babatriestina]

Villa Porcia ga la caratteristica de eser la sola villa local con un annesso lateral ricurvo, una "barchessa" come nelle ville venete. La meritassi altra sorte.
( me vergogno a dir, ma no la go mai vista de persona.. )

[AdlerTS]

Penso de non sbagliar disendo che Strada de Rozzol xe la strada che anticamente portava verso Cattinara, prima che i fazessi via Revoltella.
Lungo el suo percorso xe tante case che ga, ad ocio, più de un secolo.
Adesso el comun ga fato una bona pulizia dei fraschi che cresseva lungo la via e se pol notar un "coso" che fin l'altra settimana non se vedeva:

semo all'altezza della fontanella, quasi all'altezza della traversale via Cambon, e se pol notar questo che per mi iera un pozzo. La parte sotto xe vistosamente più vecia, mentre el giro de mattoni sembra esser (relativamente) recente. Ripeto che el buffo xe che fin pochi giorni fa non se distingueva niente.

Coordinate 45.6414758505071623,13.810640489682555

[babatriestina]

A proposito della lotta dei abitanti de Rozzol contro la realizzazion de via forlanini, su una casa se leggi ancora delle scritte

Me xe stado fato osservar,a proposito de quel DOMA, cussì scritto in caratteri grandi, che el podessi esser stado sotto dele scrite del primo dopoguerra, e che fussi un vecio ROMA DOMA dei tempi del fascismo, a intimidir i Sloveni de Rozzol: forsi la M de Roma se intravedi sora e ste vece vernici ricompari de sotto, no so se ve ricordè che per tanti ani sui muretti dela strada de Opcina iera dele scritte DUCE DUCE in nero, i gaveva una vernice nera che no andava via..

[AdlerTS]

Son tornado a veder de persona, perchè sulla foto non se vedi.
la prima parole xe pressoché illegibile. Però una M se vedi. Forse che la version "del ventennio" xe giusta.
O forse i ga fatto una sora l'altra

[babatriestina]

Son tornado a veder de persona, perchè sulla foto non se vedi.
la prima parole xe pressoché illegibile. Però una M se vedi. Forse che la version "del ventennio" xe giusta.
O forse i ga fatto una sora l'altra

molto probabile la seconda ipotesi, e che i gabi fato una scrita aposta sora dela scritta del ventennio. Solo che, col tempo, quele vernici nere iera de più bona qualità, e le ga resistido meo e le vien fora, chissà se le iera autarchiche ?
( ti pensa al fascista che gaveva scritto e che te lo ga ciapado per una scritta slovena el se devi rodolar nela tomba )

[sum culex]

Son tornado a veder de persona, perchè sulla foto non se vedi.
la prima parole xe pressoché illegibile. Però una M se vedi. Forse che la version "del ventennio" xe giusta.
O forse i ga fatto una sora l'altra

molto probabile la seconda ipotesi, e che i gabi fato una scrita aposta sora dela scritta del ventennio. Solo che, col tempo, quele vernici nere iera de più bona qualità, e le ga resistido meo e le vien fora, chissà se le iera autarchiche ?
( ti pensa al fascista che gaveva scritto e che te lo ga ciapado per una scritta slovena el se devi rodolar nela tomba )

E se el fussi ancora vivo dove el se rodolassi?!?!
El pol gaver scrito co'l iera ancora assai giovine!
ciao
sum culex

[ffdt]

[...]E se el fussi ancora vivo dove el se rodolassi?!?!
El pol gaver scrito co'l iera ancora assai giovine![...]

Orpo de baco ... no te dira` miga che te ga scrito ti, no? ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D

Ciau ciau

Franco