Piaza Goldoni e dintorni

de Trieste, cenni storici, immagini vece e nove, ricordi..
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

per la casa Liberty, go avudo un per de informazioni de un amico esperto :wink: :
la casa precedente xe demolida nel 1922 e l'atual xe del 1926. Ghe stava sia el studio Ghira, architetti specializzai in liberty con cemento armato, ma anche Umberto Nordio l'architetto. Xe probabile quindi che la gabi costruidi i Ghira magari in colaborazion con Nordio.

Per le costruzioni in piazza, copioincollo:

la caseta a pagoda a sinistra in canton iera un “luogo di pubblica decenza”, no solo un vespasian perché la gaveva anche “camerette separate” per casi de magior importanza.

La colona dela elettricità, come quela ogi là del Tergesteo, la iera sul canton verso el Corso.

Quela quadrata verso el Ponte dela Fabra la iera una magnativa, forsi anche un bechèr, come quela compagna che iera in Ponterosso.


Avatar utente
Tirabaralla
citadin
citadin
Messaggi: 950
Iscritto il: lun 2 gen 2006, 16:49
Località: Firenze

Messaggio da Tirabaralla »

Essò che fazo la figura dela superficiale...ma...a sentirve parlar cussì tanto de sta piaza...go voja de frapèèèèèè!!!
Qualche bona anima me spediria una bicer? :P


[color=crimson][b][i]...it's not easy to be me...[/b][/i][/color]

[url]http://tirabaralla.splinder.com[/url]
[url]http://polaris7.splinder.com[/url]
[url]http://www.fotolog.com/tirabaralla_0/[/url]
Avatar utente
pastafasoi
vilegiante
vilegiante
Messaggi: 73
Iscritto il: lun 2 gen 2006, 15:47
Località: trieste

Messaggio da pastafasoi »

E questa xe Piazza Goldoni anni '50Immagine


green,green grass of home....
Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

Belisima foto!!! Notar che Cremcaffé ancora no i lo gaveva verto e al suo posto ghe iera el Ristorante alla Luna (quel famoso con le crepes suzettes flambee) che dopo el sará in via Carducci e dopo ancora in Piazza Goldoni pero dell'altra parte...Vedé anca la prima foto dela prima pagina de el thread a:

https://www.atrieste.eu/Forum3/viewtopic ... 46&start=0


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Quel che xe restado xe el bar Venier , un poco rinovado, ma sempre là sul canton, po l'edicola i la ga cavada pochi ani fa e la xe di fronte al ristorante alla Luna ( ma te son sicuro che nol sia al posto dela ex taverna Murago adesso ristorante turco?). Xe ancora Bosco , trasformado in un supermercato con prezzi bassi, qualità mediocre e orari molto estesi e anche l'oreficeria gaverà cambiado gestion ma la xe ancora là.


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

babatriestina ha scritto: Per le costruzioni in piazza, copioincollo:

la caseta a pagoda a sinistra in canton iera un “luogo di pubblica decenza”, no solo un vespasian perché la gaveva anche “camerette separate” per casi de magior importanza.

La colona dela elettricità, come quela ogi là del Tergesteo, la iera sul canton verso el Corso.
Qua le se vedi tutte due....Foto bastanza vecia: notar el tram de cavai e el edificio del Teatro (Armonia??) che se vedi sul canton in alto a sinistra.

Immagine


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Qua manca quela costruzion centrale :?:


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

AdlerTS ha scritto:Qua manca quela costruzion centrale :?:

Per fortuna! E po' quela volta! no esisteva i cd :atletici24: :atletici24:
Ciao ciao


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

AdlerTS ha scritto:Qua manca quela costruzion centrale :?:
Mi calcolo che ghe xe almeno 20 o 25 anni tra le due foto...


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

L'ultima cartolina xe de prima dela guerra che la casa del Piccolo xe ancora intiera, prima del incendio durante la prima guerra, po no i ga ricostruido la parte de sora.
L'altra gavemo el 26 come data inferior ( la casa de via Zudecche) e prima del 32 perchè no xe la fontana de Montuzza e gnanche l'alabarda, quindi disemo anni 30


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

el discorso del cine xe stado spostado qua


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Una cartolina moderna che riprendi una vecia de Piazza Goldoni:
Immagine
xe abbastanza facile datarla: xe za galleria sandrinelli, quindi semo dopo el 1907 ( se no sbaglio la data) ma el Piccolo xe ancora coi ultimi piani, quinidi xe prima che i lo brusi nel 1915.
Xe i vari chioschi e chioschetti che zercava Adler, un per de tram elettrici, con signore cole cotole longhe davanti, drio dela scaldei giganti xe la via Fornace o Piccola Fornace, con un alto camin, che posdessi esser apunto dela fornace e che magari ga dado l'ispirazion dela fontana messa dopo.
Ovviamente no xe la casa tardo-liberty de via dele Zudecche, per cui se vedi i giardini e campagnette soto de l'ultimo toco de via del Monte, dove che se vedi solo che 3-4 case-ville.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Me xe stado fato osservar, de chi che ghe ne sa più de mi, che el camin no xe più dela fornace, ma iera una torre piezometrica del aquedotto


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

un giorno me spieghere` come che fe a capir cualcosa de ste foto cusi` pice ... mi ingrandiso fin a veder i pixel che i diventa puntoloni enormi e isteso no rivo a distinguer tuti sti particolari ... ma voi gave` altre foto?


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ben, sì, almeno in questo caso, le rimpicciolisso per postarle, la cartolina me par che questa sia dela mia collezion, altre le xe dela collezion dela mia amica e le go salvade col scanner a dimension più grande. Però per la torre, xe informazioni de chi che ghe ne sa più de mi.


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

ah bon ... ma alora meti anca el particolar, no? ;-D basta cuel tochetin de camin/tore/trampolin/o cos' che 'l xe :-) ... eh ... che se no dopo come femo a cucar tuti? ... diventa cultura per pochi ;-D e a le mase ghe resta solo che 'l nozionixmo ;-D ;-D ;-D ;-D ;-D ;-D


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

ffdt ha scritto:un giorno me spieghere` come che fe a capir cualcosa de ste foto cusi` pice ... mi ingrandiso fin a veder i pixel che i diventa puntoloni enormi e isteso no rivo a distinguer tuti sti particolari ... ma voi gave` altre foto?
Franco (ma questo val ben per tutti), una bona parte de cartoline le xe riprodote come 'vere forografie' e cussi le xe de elevada resoluzion. Fazendo la scansion a 600 dpi te otien una imagine enorme e te pol veder tuti sti particolari...


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ma la mia no iera foto "vera foto" de quele che disi Macondo, e gavevo anca scritto che la xe una riproduzion de una vecia, eco comunque el particolar a dimension original dela mia scansio, che xe comunque un ingrandimento dela cartolina:
Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

grazie, ma isteso la me par picia :-) ... i oci no i me iuta a capir sai ... :-) ... me la vardero` con calma :-)


Avatar utente
rofizal
Eximio
Eximio
Messaggi: 3396
Iscritto il: dom 1 gen 2006, 18:56
Località: Terra

Messaggio da rofizal »

Recupero dal vecio forum de Trieste Mia:

Da babatriestina
Inviato: Mer, 21 Dic 2005 16:14 Oggetto: Galleria Sandrinelli story
I la ga fata ai primi del Novecento, a memoria diria 1907 se no me sbaglio, va ben. 50 ani dopo la podevo percorer a pie che no spuzava tanto e la iera ricoverta de piastrele quadrate lustre bianche, come che nei stessi tempi iera rivestido el métro de Parigi. Po in quei ani i ga rifato el rivestimento con tesserine de mosaico, nove, bele, lucide, iera un piazer vederle.... passavo volentieri là dentro inveze che col filobus, e po iera anche averti i do brazzi laterali e se podeva passar de Viale Sonnino al teatro Roman... e po.. no i ga fato altro, una trentina de ani fa no se rivava più a andar a pie no tanto per la spuzza ma per el fracasso che fazeva ale orece el rimbombo dei motori, e anche adesso ogni tanto se impizza la luceta rossa che disi che la xe proibida ai pedoni perchè la spuzza tropo.
Ma ogi che la percorevo cola 29, vardavo el sufito: la xe nera , nera, nera de fuligine, piena de busi che se vedi fin le piere... mi me domando: ma perchè ogni anno ,anche qualche setimana fa, i la sera de note e i disi che i fa lavori?? Cossa saria sti lavori che mi la vedo sempre pezo? zontar ancora un per de busi??
Costassi tanto lavarla e magari meter qualcossa per far circolar l'aria dentro? cussì el sindaco gavessi un altro nastro de taiar... :D :wink:


Da macondo
Inviato: Mer, 21 Dic 2005 15:05
Ecco Betta, qua mi go proprio un bel buso nella mia memoria. Infati, go un vago ricordo de la galeria laterale che vigniva su del teatro romano e un'altro ricordo de la picia galeria laterale che vigniva de via Pondares. No me ricordo assolutamente de gaver visto ancora verta quela che andava in viale Sonnino. Ghe xe qualche dun che se ricorda quando le jera verte?


Da babatriestina
Inviato: Mer, 21 Dic 2005 15:48
Mi no so gnente de quela de via Pondares, ma l'altra apertura sbocca tuttora se no me sbaglio, più o meno dela parti del Capitol , che fra l'altro sta serando sti giorni. Se passo, te fazzo una foto. Mi devo eserghe passada fra el 55 e el 60 , diria.


Da macondo
Inviato: Mer, 21 Dic 2005 16:56
babatriestina ha scritto:Mi no so gnente de quela de via Pondares, ma l'altra apertura sbocca tuttora se no me sbaglio, più o meno dela parti del Capitol , che fra l'altro sta serando sti giorni. Se passo, te fazzo una foto. Mi devo eserghe passada fra el 55 e el 60 , diria.
Quela de via Pondares iera stada usada come rifugio aereo durante la 2 guerra e mi ghe iero passado nei primi anni dei 50.
Cussi disi el libro dei Sotteranei di Trieste...El stesso libro menziona anca la galleria de Viale d'Annunzio, che la iera stada costruida come rifugio civile antiaereo prima o durante la seconda guerra. El bunker de piaza Puecher iera/xe la presa de aria de sta galeria che se colegava con quela de San Vito. La dentro i gaveva trovado la caroza de Zimolo del funeral de Ferdinando de che gavevimo za parlado.


Torna a “Quartieri e rioni”