Te fa ben ad aver dei dubbi.

Ripassando il presente tema scorgo qualcosa di suggestivo degno di approvazione: Come sono stati protetti gli alberi da eventuali danni durante il lavoro….

Xe da tanto ormai, do anni?, che la Fiera xe stada venduda a un grupo austriaco e che i devi far qualcosa de novo. I lavori doveria ribaltar tuto, la Fiera ma anche la viabilità.

Alora nel marzo 2018 go pensà de ricordar come che iera le robe fin a quel momento.

L'ingreso



co la sua insegna ormai malandada



Di fronte el piazal Degasperi col campo giochi e, ogni tanto, le giostre

Sul fianco via Rossetti col senso unico verso el piazal





e de l'altra parte l'incrocio tra via Rossetti e via Revoltella.



e dentro tuto deserto

Perché scrivo tuto questo? perché i ga comincià a disfar le robe e tra un per de anni doveria eser tuto diverso.

Una belissima autogrù rossa



ga cominciado a portar via la roba. Co go visto le plafoniere tute ben impilade in pachi regolari





Go pensado "Ciò se vedi che xe i austriaci drio". Altra roba però iera meno in ordine



Se i lavori va avanti e gaverò tempo e voia ogni tanto ve conterò come che va avanti le robe e ala fin, se sarò ancora vivo e co la testa a posto, varderemo come che xe cambià el mondo dela Fiera confrontandolo con le foto de desso.

Tuti che pianzi pensando ala Fiera ovio, solo a co i andava a magnar luganighe e bever bira. Chissà cossa che farà sti novi proprietari

No go capido: I buta zo la vecia fiera par farla nova o chi sa cosa che i farà? I farà la fiera in altro posto? Sicome che vigniva tanta gente de l’Austria, par quel luganighe e bira iera sempre. Dele fiere me ricordo ancora quela de Padova, che vigniva qualche giorno prima de quela de Trieste, la Smau, quela de Milano. Nel 1953 a Trieste iera legno e cafè. Mi go fato nel 1953 la fiera de Francoforte, padiglione Italia. Vin e cafè, poche altre robe. Un per de volte quela de Hannover, ‘sai importante. A Milano go fato quela dele machine utensili. Ma no se pol confrontar el 1953 col 2019. Xe sesantasie ani de diferenza. Nel fratempo xe vignude nove fiere, a causa dele nove tecniche, e altre xe sparide o xe stade spostade. Le fiere ga una organisazion che costa un mucio de bori, no solo i stand ma anca alberghi. La fiera xe una cità a sé. Se va fora solo a dormir. E no tuti dormi i alberghi de zinque stele. Ghe vol anca albergheti e camere BB. E strade par quei che no dormi a Trieste. No xe cusì semplice. Mi a Hannover fazevo 80 chilometri la matina e 80 la sera. Bagordi solo l’ultima sera. Una sola volta go dormì a Hannover una note. Intun buso che me pareva de eser in guera. Ma o cusì o in giardin. Xe logico che una cità con una fiera importante se pol bater una man sul peto.

anni 50 la fiera iera come che te conti ti, anche anni 60. Po se andava in fiera solo che per magnar luganighe e bira de sera. nei anni 70 non me ricordo chi me ga pregado de star a un stand dela Fiera, no ricordo gnanca de cossa, iera solo de star là iera un tavolin con con publicità e basta. Mi legevo i primi volumi dela recherche de Proust. Nissun me domandava gnente e no gavessi savudo risponder. de anni no i fazeva più gnente in Fiera e un austriaco ga comprado la zona ormai abandonada. No so cossa che i farà sti novi propietari.

De sicuro par che ghe sarà una modifica dela viabilità, per cui qua

doveria vignir una rotonda. Se vegnerà su per via Rossetti e se 'nderà via per una strada nova dentro la ex fiera. Po' i parla de suermercati e altro, ma ga cambiado tante volte le vosi che ala domanda "cosa i farà" rispondo "Mi no me pronuncio, mi fazo din don".

Me ga incuriosì sti sachi bianchi che se sta imuciando



Le machine fotografiche moderne ga zoom sai potenti e usì rivo a leger quel che xe scrito



Amianto: el bon vecio eternit che gaveria dovu durar per sempre e che inveze ga fato durar de meno chi che lo fazeva. E 'deso no se sa più dove meterlo e come tratarlo. So che xe la polvere quela che fa mal e che co'l xe serado in sti sachi no'l doveria dar problemi, però prima che i li porta via e prima sarò contento...

I la sta smontando toco per toco. Go visto andar via camion che portava via i tochi de aluminio e cavi de rame, l'eternit xe serado in sachi, i panei de plastica xe tuti impiladi,





Un poco de tristeza me fa, però la iera la abandonada.

Ah, me dimenticavo: una dele prime robe che i ga fato xe sta .... taiar i alberi!

intanto me documentavo, e go trovado sti pupoli che adesso i ghe disi rendering de come che dovessi vegnir.
Cossa ch e i farà e quando, no so..

Ieri un ordegno de cantier che par un dinosauro



ga comincià a mastigar i infissi de quel che iera el palazo dele nazioni



e a sbregar via dei panei che coverzeva certi travi.

E come che el ga tirà via sti lamierini xe vegnu fora quel che iera sconto soto: la scrita Austria



Me ricordo che co ierimo muli 'ndavimo a ingrumar depliant e sognavimo de andar in giro pel mondo.

Ogi, comunque, el vecio "Palazo dele Nazioni" el xe cusì



El par una vecia senza denti.

sono piccolo ma crescero ha scritto: ↑mer 15 gen 2020, 12:15

Me ricordo che co ierimo muli 'ndavimo a ingrumar depliant e sognavimo de andar in giro pel mondo.

anche mi ingrumavo depliant ma i ne vardava de bruto. Perché no i pensava che iermo in fondo i clienti de doman. me xe restade alcune cartoline de navi del Lloyd

Qualche mese fa iera cusì



Ogi xe cusì



Xe sparida l'insegna.

I ga ricomincià a lavorar per butar zo la Fiera.

Su via Rossetti dava un edificio fato de aluminio e panei de plastica. L'aluminio i lo recupera, la plastica no so...



E cusì se vedi come che iera la truttura dell'edificio