Largo Piave

[macondo]

Anno 1941-42. Version gigante qua sotto:

https://www.atrieste.eu/FotoMacondo/piavelge.jpg

[babatriestina]

In quei anni, in uno de quei quartieri in via Beccaria stava, coi mii noni, mia mama prima de sposarse ! verso la fin dela guera la me contava che iera vizin una caserma de "domobranci" e la li sentiva cantar canzoni melanconiche, ma a ela ghe meteva i brividi!
Cossa xe el segnal de divieto?

La casa d'angolo, quela che xe soto la farmacia, xe Casa d'abitazione progetto Ghira, 1931- 33
L'edificio del Dante che se vedi de fianco xe del 1934 36 architetto Privileggi, el porticato doveva fra de pendant a quel di fronte in via Giustiniano che doveva esser l'Opera Nazionale Balilla, che po no i ga rivado a far.

[macondo]

El divieto xe forsi per i mezzi pesanti (??)

Me domando dove saria stada la caserma dei domobranci. Mi savevo che i gaveva una a San Giovanni, ma sicuramente i gaveria magari un posto piú picio proprio qua nel cuor de la 'picia Berlin'...

[Bilbo]

no so cosa sia i "dobromanci" ma so che una caserma iera al posto de l'atualeP.za Oberdan. poderia eser quela?

per le foto stasera, se rivo.-

[babatriestina]

no so cosa sia i "dobromanci" ma so che una caserma iera al posto de l'atualeP.za Oberdan. poderia eser quela?

per le foto stasera, se rivo.-

I Domobranci iera una milizia jugoslava aleada dei Nazi, come i ustascia e i cetnici.
la caserma che ti disi iera quela austriaca ( trasformazion de un precedente ospedal) e i la ga butada zo dopo la I guerra, salvando solo el picio tochetin dela cella de Oberdan incamerandola nel novo edificio- casa del combattente -U Nordio 1929 1934.
Mi me ga l'idea che i gavessi requisido el Dante, ma no go in sto momento soto man el libro dela scola coi problemi dela guera. Spiegassi perchè mama li sentiva cantar, visto che i gavessi avudo la corte in comun ( dove che nei anni 60 el dante ga costruido la seconda palestra).

[babatriestina]

Go ritrovado la storia dela caserma al Dante:
nel 43 co xe arivai i Tedeschi i ga requisido el pianoterra dela scola per doprarla lori e al primo pian i ga messo quei che mia mama ciamava Domobranci e che secondo el anuario del Dante iera aleati ucraini dei gnochi. Intanto le classi nei piani de sora fazeva lezion, e i dirigenti gaveva una paura mata che i militari no gavessi messo armi e che la scola ghe sciopassi con tuti i fioi.
Po el 25 aprile 1944, i gnochi ga requisido tuta la scola er bon, disendo : Gavè esattamente 24 ore per sgombrar! I ga sgombrado in 24 ore ( coi gnochi no se scherzava) e i ga messo el material un poco ala Felice Venezian in via del teatro Roman, un poco in giro, e le classi ga fato lezion al vecio Petrarca del Aquedotto.
Andai via i tedeschi, se ga instalado i titini e po i Aleati, insoma i ga dovesto spetar el 1950 circa per riaver la scola, cola cusina nel aula de chimica, la sala de ballo in Aula Magna (Larry, te ghe ga balado anca ti, là? ) la preson nei spogliatoi de ginastica...

[babatriestina]

Sempre per Largo Piave, un per de anno fa i ga pensado ben de meterghe una targa al autor dela Canzon del Piave ( che triestin po no iera..)

[macondo]

Un' altra inquadratura de Piazza Piave, con la vista verso via Fabio Severo. Via Nizza xe logicamente l'atual via Coroneo. La foto la dovessi esser dei anni 40 ...O adiritura ciapada el stesso giorno de quela che xe al inizio del thread



La consueta version gigante la podé scarigar qua soto:

https://www.atrieste.eu/FotoMacondo/piagra.jpg

[AdlerTS]

Te sa che l'insegna DROGHERIA in basso a destra la xe ancora là?

[Capuzi garbi]

Sempre per Largo Piave, un per de anno fa i ga pensado ben de meterghe una targa al autor dela Canzon del Piave ( che triestin po no iera..)

Infati el jera "napulitane" e el gaveva scrito fra le tante sue canzoni, Santa Lucia luntana e Balocchi e profumi

[AdlerTS]

Te sa che l'insegna DROGHERIA in basso a destra la xe ancora là?

Per l'esatezza, xe una drogheria ancora funzionante ma sulla parete xe solo le ombre dell'insegna, e comunque diversa

[AdlerTS]

Me dirè: cossa c'entra sta foto con largo piave ?

Beh, slonghé i oci e ve accorzerè che xe l'incrocio tra via Fabio Severo e via Coroneo. Largo piave se vedi in lontananza.

[babatriestina]

La trattoria "Poldo" sulla destra ga quasi de campagneta... el Tribunal par cominciado, quindi la datassi, a ciorla larga, fra el 1910 e el 1930..

[babatriestina]

Secondo un amico esperto che ne segui de fora , la foto dovessi esser del 1932- 33 perchè la casa in costruzion drio xe stada finida nel 1934.
E ingrandido vedo meo che el Tribunal xe finido.