Strade che no xe piu`

de Trieste, cenni storici, immagini vece e nove, ricordi..
Regole del forum
Collegamenti al regolamento del forum in varie lingue ed alle norme sulla privacy in italiano.
Rispondi
ffdt
no montar in scagno
no montar in scagno
Messaggi: 3630
Iscritto il: domenica 25 dicembre 2005, 0:15
Località: Trieste
Contatta:

Strade che no xe piu`

Messaggio da ffdt » venerdì 13 gennaio 2006, 23:29

In "Architetura triestina-> Cossa xe sta roba?" http://www.atrieste.eu/Forum3/viewtopic.php?t=100 ghe xe un per de pupoli interesanti che i me porta a far una considerazion ... la fazo cua perche` no la c'entra con cuel argomento anche se la me nasi de la` ;-D


Intanto cua xe una piantina de come che xe la situazion a ogi ... piu` o meno, perche` le piantine no sempre le xe ben fate, pero` sta cua la me par bastanza giusta per cuela zona la` ...

Immagine

E adeso ve meto i pupoli che me ga fato pensar ... una xe una cartolina de MisterKappa (ande` a vardarla in te 'l suo sito che 'l ga una version granda che la xe sai interesante) ...

Immagine

... e cuel'altra le xe una stampa che go meso mi ...

Immagine

Se vardemo la stampa e la confrontemo co' la cartolina, vedemo che la scala che la va su a sinistra verso la via de 'l colegio la xe piu` larga in te la stampa de cuel che no la xe in te la foto ... come a dir che la via de 'l colegio la iera piu` larga una volta che no ogi. In efeti se vardemo el muro che la tien su el par un poco in strenzer de la parte de la cexa ... se vedi meio in te la foto granda che MisterKappa el ga in te 'l suo sito. Anche andando de persona su 'l logo se intuisi cualcosa ... ma vardar la foto xe piu` comodo ;-D ... se varde` el muro che tien su la strada vede` che no 'l xe paralel a cuel de 'l colegio, apunto, che xe cuela caxa longa subito a sinistra de la cexa.

Cuindi c'o i ga xbregado via el monte e tute le caxe che ghe iera per de sora i mati i ga fato finir in strenzer la strada che iera za prima. E cusi` la scala la xe vignuda fora piu` streta de cuel che iera cuela de prima.

A sto punto me xe vignuda voia de de andar a cucar se rivavo a capir de indove che vigniva zo cuela strada che i ga scavado via ... e per fortuna gavemo una sezion de vece cartine de Trieste http://www.atrieste.eu/Forum3/viewtopic.php?t=119 e, sempre per fortuna, cuela strada i la ga dixbratada tardi ... no me ricordo la data pero` xe opera fasista e cuindi dopo de 'l '18 e cuindi le cartine che gavemo le me xe utili a in sta ricerca.

Go ingrandido un toco de una de le cartine che ga meso babatriestina e vedo che la strada la se ciamava via de S. M. Magior ... che xe bastanza logico ;-D e me par de capir che la continuava per cuela che adeso la se ciama via de la muda vecchia.

Immagine

A dir el vero de la stampa no se capisi e cusi` mi me son fato l'idea che la gavesi podudo anche infilarse in passo costanzi, pero` riconoso che a vardar la piante che gavemo no par che sia stado cusi`.

Alora ... la strica viola xe come che iera piu` probabile che fusi la strada .. cuela blu xe come che la gavesi anche podudo eser ma che me par che forsi no iera. Pero` per eser sicuri ghe volesi vardar altre cartine ... perche` xe sempre el fato che no xe dito che le sia fate ben ... anche ogi ghe ne xe in giro certe che basta a vardarle e se vedi subito che le xe fate per circa ... ma fra 100 ani no saremo piu` vivi per dirlo.

Mi gavesi podudo domandarghe a mio nono, papa` de mama, se no fusi che 'l xe morto un tre an fa ...

Immagine

Me domandere` perche` che me ga ciapado de far sto ragionamento ... eh ... xe che cuela zona la me xe importante ... de muleto vivevo la` a rente ... e go ricordi importanti ... sai importanti :-)

Ciau a tuti :-)

Franco



Avatar utente
babatriestina
Capo postin
Capo postin
Messaggi: 36572
Iscritto il: domenica 25 dicembre 2005, 19:29
Località: Trieste, Borgo Teresiano

Messaggio da babatriestina » sabato 14 gennaio 2006, 15:50

Se te vardi le carte che ga postado Macondo, te vedi che la via S Maria Maggior continua in via dela Muda Vecia, andando sempre drita.
però nissuna de ste carte xe tanto detagliada de mostrar presempio la Corte Trauner o l'Androna della Marinella.



Avatar utente
Tirabaralla
citadin
citadin
Messaggi: 950
Iscritto il: lunedì 2 gennaio 2006, 16:49
Località: Firenze
Contatta:

Messaggio da Tirabaralla » sabato 14 gennaio 2006, 22:17

Ve digo solo che per colpa vostra stanote me go insognà de citavecia, de sta ciesa, de strade interote... un sogno asurdo ma in fondo dolze.


[color=crimson][b][i]...it's not easy to be me...[/b][/i][/color]

[url]http://tirabaralla.splinder.com[/url]
[url]http://polaris7.splinder.com[/url]
[url]http://www.fotolog.com/tirabaralla_0/[/url]

ffdt
no montar in scagno
no montar in scagno
Messaggi: 3630
Iscritto il: domenica 25 dicembre 2005, 0:15
Località: Trieste
Contatta:

Messaggio da ffdt » mercoledì 24 maggio 2006, 2:14

Tirabaralla ha scritto:Ve digo solo che per colpa vostra stanote me go insognà de citavecia [...]
Certe volte le colpe no le xe colpe ma meriti ;-) ... e capita piu` speso de cuel che no se podesi pensar ;-)

Ciau ciau

Franco



MisterKappa
vilegiante
vilegiante
Messaggi: 107
Iscritto il: giovedì 12 gennaio 2006, 22:17
Località: Roma
Contatta:

Messaggio da MisterKappa » giovedì 25 maggio 2006, 11:31

babatriestina ha scritto:però nissuna de ste carte xe tanto detagliada de mostrar presempio la Corte Trauner o l'Androna della Marinella.
ecco qua!
La piazzetta Trauner no xe scritta ma se la vedi.

Immagine


Salute e bori, e altro no ocori

Rispondi

Torna a “Quartieri e rioni”