Go fato un giro
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
Go fato un giro
Iera el 19 novembre 2005 ... gavevo fato un giro ... a pie per cita` per andar a vardar l'espoxizion de i dolci tipici e me iero portado drio la machina fotografica per far un poche de foto per strada.
Xe tuto roba che gavevo publicado za su TriesteMia e ve asicuro che 'l andar a vardarme sto argomento me fa tornar in a mente piu` de un ano de vita che go pasado scrivendo in cuel logo ... e ancora me fa mal de pensarghe ... me par de andar a caminar tra le macerie de cuela che xe stada anche caxa mia ... e no ve digo de i fantaxmi che incontro e de le lagrime che i me evoca.
Fin 'deso no go avudo el coragio de ciorme de novo fora la roba che gavevo publicado la` ... perche` xe tuto robe che la se porta drio dei significati emotivi bei forti ... ma proprio per cuel motivo no poso gnanche lasarli sconti ... e cusi` adeso meto cuesto ...
Xe un giro che gavevo fato con cuela de mostrarghe a tuti de come che xe Trieste ... "amor per la cita`" gavevo scrito cuela volta ... e lo so perche` de i argomenti piu` recenti me iero tignudo la copia anche de i testi ... solo che no li copio cua cusi` come che i iera perche` no ga piu` senso ... xe cambiade tante robe ... trope robe ...
Chi che gaveva leto cuela volta sa de cos' che parlo, sa per chi che iera e sa de cuanto che son cambiado anche mi ... adeso no ghe digo piu` a nisun "vien con mi ... te porto a spaso ... te mostro come che xe Trieste adeso" ... adeso digo "eco ... te se ricordi? ... gavemo fato un bel giro ... xe stado bel" ...
Per intanto meto de novo la piantina co' 'l giro segnado per de sora ...
Xe tuto roba che gavevo publicado za su TriesteMia e ve asicuro che 'l andar a vardarme sto argomento me fa tornar in a mente piu` de un ano de vita che go pasado scrivendo in cuel logo ... e ancora me fa mal de pensarghe ... me par de andar a caminar tra le macerie de cuela che xe stada anche caxa mia ... e no ve digo de i fantaxmi che incontro e de le lagrime che i me evoca.
Fin 'deso no go avudo el coragio de ciorme de novo fora la roba che gavevo publicado la` ... perche` xe tuto robe che la se porta drio dei significati emotivi bei forti ... ma proprio per cuel motivo no poso gnanche lasarli sconti ... e cusi` adeso meto cuesto ...
Xe un giro che gavevo fato con cuela de mostrarghe a tuti de come che xe Trieste ... "amor per la cita`" gavevo scrito cuela volta ... e lo so perche` de i argomenti piu` recenti me iero tignudo la copia anche de i testi ... solo che no li copio cua cusi` come che i iera perche` no ga piu` senso ... xe cambiade tante robe ... trope robe ...
Chi che gaveva leto cuela volta sa de cos' che parlo, sa per chi che iera e sa de cuanto che son cambiado anche mi ... adeso no ghe digo piu` a nisun "vien con mi ... te porto a spaso ... te mostro come che xe Trieste adeso" ... adeso digo "eco ... te se ricordi? ... gavemo fato un bel giro ... xe stado bel" ...
Per intanto meto de novo la piantina co' 'l giro segnado per de sora ...
Eco via Pauliana ... stago andando in zo e cuela che se vedi la` davanti xe la stazion de la meridional ... ogi i ghe dixi Trieste Centrale.
A sinistra xe el palazo Economo, cuel de la sovrintendenza a le bele arti ... a destra xe una caxa che i ga fato un cuatro ani fa ... prima iera oficine mese in costruzioni che ancora prima iera magazini e stale che le ga rexistido per tanti ani e dopo le xe stade butade via per far sta caxa nova ... le gaveva un certo fascino ... le gradele de le finestre le xe ancora in vendita de un strazariol in via udine
A sinistra xe el palazo Economo, cuel de la sovrintendenza a le bele arti ... a destra xe una caxa che i ga fato un cuatro ani fa ... prima iera oficine mese in costruzioni che ancora prima iera magazini e stale che le ga rexistido per tanti ani e dopo le xe stade butade via per far sta caxa nova ... le gaveva un certo fascino ... le gradele de le finestre le xe ancora in vendita de un strazariol in via udine
Eco piaza de la liberta` ... vardando verso via Cellini, che xe cuela giusto davanti. La caxa zaleta in fondo, inveze, la xe in via Ghega ma se la vedi fin de cua.
Ghe xe un lampion subito cua davanti ... poco piu` a sinistra de 'l lampion, tra i alberi, se intravedi un toco grixo ... xe de cemento e xe 'l de drio de 'l monumento a Sissi.
Ghe xe un lampion subito cua davanti ... poco piu` a sinistra de 'l lampion, tra i alberi, se intravedi un toco grixo ... xe de cemento e xe 'l de drio de 'l monumento a Sissi.
Cua traversemo la via Cellini ... drio de i alberi xe la stazion e se intarvedi anche el monumento a Sissi.
Ancora in piaza liberta` eco la sala Tripcovich, ex stazion de le coriere che ogi le se ferma in pian tera de 'l "silos".
Ghe xe piturado per de sora el sipario ... magari no 'l parera` un gran che ... ma mi ghe paso speso cua davanti ... lo go in te i oci e in te 'l cuor.
Ghe xe piturado per de sora el sipario ... magari no 'l parera` un gran che ... ma mi ghe paso speso cua davanti ... lo go in te i oci e in te 'l cuor.
Adeso lasemo piaza liberta` ... cua semo su 'l canton con corso cavour.
A sinistra se vedi el canton de la banca d'Italia ... cuel palazo in piera bianca che in alto ghe bati contro el sol ... prima iera la banca de stato de la defonta, la banca d'austria, la ga fata i Axburgo e chi che xe rivado dopo la ga trovada za bela che pronta, come tuto cua intorno. Anche el palazo a destra, che xe catasto e altri ufici de la res publica no 'l xe cusi` novo come che 'l vol far creder.
A sinistra se vedi el canton de la banca d'Italia ... cuel palazo in piera bianca che in alto ghe bati contro el sol ... prima iera la banca de stato de la defonta, la banca d'austria, la ga fata i Axburgo e chi che xe rivado dopo la ga trovada za bela che pronta, come tuto cua intorno. Anche el palazo a destra, che xe catasto e altri ufici de la res publica no 'l xe cusi` novo come che 'l vol far creder.
Cua semo in corso cavour. In sta foto, fata co' 'l zoom stando la` de 'l jolly hotel, se vedi un toco de piaza duca degli abruzzi, riva 3 novembre, el teatro Verdi e se intuisi che ghe xe anche piaza Tommaseo.
In piaza Tommaseo ghe xe el cafe` Tommaxeo.
In fondo se vedi le caxe che xe su 'l cole de S. Vito ... che se no me confondo de tropo una volta i ghe dixeva "sanza" ... cuando che 'l iera ancora coverto de campagne e de ulivi ... tropo tempo fa ...
In piaza Tommaseo ghe xe el cafe` Tommaxeo.
In fondo se vedi le caxe che xe su 'l cole de S. Vito ... che se no me confondo de tropo una volta i ghe dixeva "sanza" ... cuando che 'l iera ancora coverto de campagne e de ulivi ... tropo tempo fa ...
Andando apena un poco piu avanti se la pol veder stando in piaza duca degli abruzzi.
In sta stesa piaza ghe xe anche el palazo de le Generali, ma mi ve stago mostrando cuel che go visto mi caminando ... per veder ben el palazo de le generali gavesi dovudo andar la` de 'l distributor de benzina, che pero` no iera in te 'l giro che stavo fazendo e cusi` per adeso gnente generali.
In sta stesa piaza ghe xe anche el palazo de le Generali, ma mi ve stago mostrando cuel che go visto mi caminando ... per veder ben el palazo de le generali gavesi dovudo andar la` de 'l distributor de benzina, che pero` no iera in te 'l giro che stavo fazendo e cusi` per adeso gnente generali.
Cua xe el canal e palazo Carciotti visti de 'l canton tra via Rossini e piaza duca degli abruzzi ... el xe una caxa granda ... la ciapa tuto 'l ixolato.
In te la parte davanti de palazo Carcioti ghe iera la capitaneria de porto per tanti ani, ma de cuando che i ghe ga fato i ufici novi in te 'l idroscalo i xe andai via e adeso el xe xvodo.
In te la parte de drio iera ufici de l'ACEGA ... adeso i ghe lavora dentro per rimeterlo in sesto ma no so a che punto che i xe rivadi.
In te la parte davanti de palazo Carcioti ghe iera la capitaneria de porto per tanti ani, ma de cuando che i ghe ga fato i ufici novi in te 'l idroscalo i xe andai via e adeso el xe xvodo.
In te la parte de drio iera ufici de l'ACEGA ... adeso i ghe lavora dentro per rimeterlo in sesto ma no so a che punto che i xe rivadi.
Cuando che la go scatada go avudo un' impresion ... intanto che fazevo la foto me xe vignudo in a mente el discorso de 'l canal che 'l xe un aprodo ... un logo de indove che se parti ma anche indove che se riva ... e lo gavevo scrito in t'un post de 'l MittelcioK ... e lo go riportado tale e cuale perche` el me iera importante ... el xe cua https://www.atrieste.eu/Forum3/viewtopic ... rt=30#1067 ben ... visto de cua cuela volta el me ga fato vignir in a mente che xe un posto indove che se riva ... a destra e a sinistra se intravedi le bite ... e cusi` ghe go fato ancora cualche foto ...
Cuesta, ciapada co' 'l zoom stando sempre su 'l ponte "verde" rente de piaza duca degli abruzzi ...
Cuesta, ciapada co' 'l zoom stando sempre su 'l ponte "verde" rente de piaza duca degli abruzzi ...
Via Rossini ... cuela volta gavevo scrito "le bite che de cualche parte de sto canal le xe ancora che le speta ... le speta perche` le ga fiducia e le sa robe che noi gnanca no se imaginemo ... ve le mostro con piazer ... se le speta lore poso ben spetar anche mi" ... adeso no lo scrivesi piu` ... lo go meso solo per cronaca e per ricordo de un momento