Go fato un giro

[ffdt]

Mi son andado un per de volte a S. Maria Magior, ma i te buta fora con orario de uficio e cusi` me rangio a caxa mia ;-D ... go trovado un cantonzin e se la divinita` la ga piazer de scoltarme la lo fara` isteso

Per Orvisi, inveze, go zontado in " Industrie e comerci" https://www.atrieste.eu/Forum3/viewtopic.php?t=300

Franco

[ffdt]

Cua xe via S. Lazzaro, tra via delle torri e via paganini ...

[ffdt]

... e cuesto xe el pavimento ... lo go ciapado per xbalio, ma za che 'l xe ve lo mostro:

[ffdt]

... cueste le xe ciapade in via paganini, stando su 'l canton con via S. Lazzaro e vardando verso de 'l mar ... le xe con diverse espoxizioni ... sielieve cuela che ve piaxi de piu`

[ffdt]

Anche cuesta la me xe vignuda mal ... la xe in via S. Lazzaro ma un poco piu` avanti ... rente de 'l canton con via Torrebianca ... se la intravedi ... xe la prima traversa ... in fondo xe via de 'l torente ... che adeso i ghe dixi via Carducci ;-D ... a dir el vero la se ciama Carducci de cuando che mi me ricordo ma no me xe mai rivado a entrar in testa ... ... me confondevo sempore el nome con via Battisti e no rivavo mai a darghe le nome giusto a la strada giusta ... de cuando che go savudo che prima le se ciamava via de 'l torente e corsia Stadion no me son piu` xbaliado ... e no go fato a posta ... giuro ;-D ;-D ;-D ;-D ;-D ;-D ;-D ;-D ;-D ... ste robe le me vien sole ;-D

[ffdt]

Voi save` che mi go fato sto giro gavendo in testa un saco de ricordi ... loghi ... persone ... robe che no xe piu`.

Son contento che sta foto de via Torrebianca la sia vignuda ben no perche` in fondo ghe xe le finestre de 'l mio uficio, ma perche` una sera de no tropo tempo fa me son trovado a caminar per de la` con una sensazion belisima ... una sensazion che volesi gaver sempre con mi ... e spero che una palida idea la pode` gaver anche voi vardando sta foto ... la strada la xe curta e in pochi minuti se riva fina in fondo ma vista cusi` la par che no la gabi mai de finir ... ben ... se no la finiria mai mi forsi fusi ancora la` a caminar con cuela bela sensazion ... inveze son cua ... ma el tempo no 'l sta fermo e va ti a saver ...

Ma lasemo perder ... godeve la foto

[ffdt]

Per la serie "noi no ghe femo publicita` a nisun" ;-D ve mostro un posto che conosi tuti ... xe un negozio de robe de plastica in via de la zonta ... sicome che iero la` son andado a vardar per veder cos' che i gaveva come padele antiaderenti ... vigni` con mi o spete` fora?

Oh ... se vignui dentro ... bravi ... eco .. cua semo in te la parte de i caxalinghi ... scometo che se ve conto che xe tovaie no ve meravilie`, xe vero?

Pol parer strano, o almeno a mi me par strano, de che valor afetivo che posi a gaver i negozi ... xe cuele robe che de fioi se da` per scontade ... c'o se cresi se le considera normali e dopo ... dopo ... ben sara` per l'eta` che go ma mi me sento tuto che me scampa fora de le man ... e 'l gaverghe fato sta foto a cuel posto la me da` un poco el senso che go fermado 'l tempo ... o anzi ... che volevo fermar el tempo ... ma lu el me ciol pe' 'l fioco e 'l continua a corer ... a mi me resta solo che la foto. Ma almeno la me fa tornar in a mente un saco de ricordi ...

Spero che i vostri i sia bei ... i mii i lo xe

[ffdt]

Eco cua ... sempre el steso negozio ma la parte de i ordegni e de la roba sfuxa ...

[ffdt]

Cua inveze xe ancora lori ma la parte de i articoli stagionai ... e xe za fora le robe de nadal ... ve meto un poche de foto senza comenti ... no fusi bon de farli perche` ve garantiso che tute ste foto per mi le ga un motivo de eser stade fate ... ma se ve digo che le go fate perche` iero emozionado voi no me crede` ... ve ricorde` che no iero solo, xe vero ... gavevo con mi persone ... e anche tuti voi ... probabilmente gnanche mi no gavesi credudo se i me lo gavesi dito anche solo un pochi de mexi fa ... epur i caxi strani de la vita i ne fa provar sensazioni che mai no se insognasimo de poder a gaver ... e cusi` ecove cua la vetrina ... roxe finte ... orseti de peluches ... caxete pe' 'l prexepio che tanto le me fa vignir in a mente la caxa, i afeti, el star in poltrona davanti a 'l camineto involtizadi in t'una covertina ... si, si ... so ... no dovesi scriver ste robe ... pero` cosa vole` farghe ... mi sto giro lo go fato co' sto spirito cua e cusi` mi ve lo conto ... meto in piaza trope robe ... ma se savesi voi cuante che le me gira dentro ...

Bon ... save` cosa? ... femo un giro pe' 'l negozio ognidun per conto suo in santa paxe, vardemose le robe che i vendi, lasemose involtizar de i ricordi, de i sogni, de le speranze e dopo se trovemo tuti cuanti fora ...

[ffdt]

[ffdt]

[ffdt]

[ffdt]

[ffdt]

[ffdt]

[ffdt]

[ffdt]

Fora de via de la zonta se riva in via valdirivo, che xe cuesta:

[ffdt]

Pasada la via Meracadante se riva in via Milano ... giremo a destra e vedemo cuel che resta de la via Milan, la via de 'l torente (al secolo G. Carducci) la via Coroneo de l'altra parte de 'l incrocio ... noi anderemo un poco avanti e 'po traverseremo a sinistra su le striche ... me racomando ... che cua i cori ... ste 'tenti un drio un e tuti su 'l scalin ;-D

[ffdt]

Cuela macia ciara cuaxi in mezo de la foto xe i portici de Chioza ... no se vedi ben ... xe la caxa iluminada drio de i auti che i vien in cua ... in fondo ... se struche` un pel i oci rive` a vederla ... ;-D

[ffdt]

Andando avanti per de cua, alontanandose de i portici de Chioza, se riva in piaza de la caxerma, adeso dedicada a Wilhelm Oberdank ... sara` in ricordo de i veci tempi, ah, visto che de la caxerma i ga tignudo in pie solo che la parte indove che i dixi che ga dormido, apunto, Oberdank ;-D ;-D ;-D ;-D ;-D ;-D Si, si .. so ... no doveeeesi scriver ste rooobeeee ;-D ;-D ;-D ma save` come che la penso in general de exerciti, guere e compagnia bela, no ... comuncue cuesta xe la piaza ...