L'altro giorno go fato un 4 passi verso Marina, aprofittando del sol
Ecove el Museo del mare , de fora piutosto mal messo e dentro i me disi ben ( ani anorum che no ghe vado)- iera una parte del primo Lazzaretto del primo porto de epoca teresiana
4 passi nele androne , com la pavimentazion de piera e le vece casette e le vece fabbriche
e un bel portal
e giro e rivedo verso el mar e el grataciel de Campo Marzio
Drio la sede del Piccolo xe la zona ex fiat dove che i volessi costruir un novo centro residenzial e i atuali residenti no vol novi palazzoni, ma quei che xe za no scherza!
forsi i ga paura de perder la vista mar che i ga lori
un poco più su el giardineto de piazza Carlo Alberto xe abastanza in disarmo, ghe vol vederlo col glicine fiorido
anca la fontana xe suta e in lavor
e le madonnine de una volta xe stade cavade
Un'ociada a una casa Anni 30 in via Murat (Umberto Nordio 1934) con tanti pergoli curvilinei come i fazeva alora
Umberto Nordio lo gavevo conossudo, un vecio sior alto coi cavei bianchi, ma comovente iera sua moglie, che , vecia e vedova, guardava i palazzi disendo Questo ga fato el mio Umbertin!
Un cuck dentro al porton, e buto l'ocio su altri affreschi de Sbisà de l'epoca
Arivo a viale Romolo Gessi
e xe i veceti che se scalda al sol
el panorama no xe proprio el optimum
Villa Haggiconsta xe ben al sol
e la fontana oviamente xe suta e i fioi ghe va su e zo
Una porta serada ricorda una villa de altri tempi
per arivar al postmoderno del LLoyd adriatico
e una statua de Carà mostra verso el Taiano inevado ( xe là che adesso i se beca per un novo distributor de benzina)
Concludo col LLoyd e el polo natatorio, ciapo la 9 e rientro a casa
)
... spera in ben per mi e forsi saremo contenti in due, ah ;-D ;-D ;-D ;-D
