Passeggiata da Cavana al Borgo Giuseppino

[AdlerTS]

Mea culpa, xe che alle volte son impulsivo e non medito qual poco de più che bastassi




Ve prego de perdonarme, starò più attento

[babatriestina]

me coverzo anche mi la testa de cenere che go scritto Biasoletto (meno mal che go zontado un "me par") xe la veciaia che go scambiado cola B in principio e che xe una farmacia, e SonoPiccolo che la ga messa nele case de canton me ricorda che inveze xe Basevi. Biasoletto xe anche quela una casa neoclassica con una farmacia sotto, ma la xe al Canal!

[AdlerTS]

Adesso arivemo in Piazza Cavana:
la casa in mezzo xe Casa Fontana, arch P Nobile 1828. In origine iera el magazzin del sal ( vedi via del sale ). Nel 1828 i ga apaltado per un portico de soto e casa de sora e Nel 1830 la ga ciolta i Fontana: soto el portico, per un periodo, iera la pescheria per cui la via laterale xe via del pesce. Adesso el portico xe serado, i la ga ristruturada e dentro xe una banca, ex Casa di risparmio adesso Unicredito, con i archi e le colonne a vista. Nei piani de sora, abita ancora dei eredi dei Fontana: la baronessa Lavinia Fontana ga sposado un baron Morpurgo e alcuni sui fioi e nipoti abita in un quartier là dentro

In via del Pesce 2, sul muro della scala interna, doveria esserghe ancora copia de una lapide a memoria della battaglia de Zeuta, decorada con un'aquila, che in latin disi :"L'Imperatore ordiò che fosse posta questa lapide per ricordare la pace riportata nel modo dall'onoratissimo Eugenio, Gloria a Te Dio Padre, Figlio e Spirito Santo." La piera originale jera in vista sul Magazzino del Sale demolito in loco nel 1821.
L'Imperator saria Carlo IV.

Se qualchidun riva a trovar 'sto porton ....

[babatriestina]

ecola del Zubini

no so se se rivassi a butarghe el ocio direttamente ,s e la xe in secondo pian, e po me par de ricordar che el ingresso adesso al palazzo xe al n 4 e no al 2.. de quando che de muletta gavevo conossudo al mia coetanea Donatella Morpurgo che stava là..

me par che anche qua la data xe ricostruibile cole maiuscole..
D C V M C I I V I I I I C V I D U C II L I D I D FILI D I I V I C
me par qualcheduna e troppo.. riordino:
M L C C C C C D D D D D V V V V IIIIIIIIIIIIII
troppa grazia! vegnissi el 2094 e senza contar la F.. me sa che i ga ingrandido qualcheduna de troppo.. o a ocio.. e po soto xe scritto 1897 data dela pitura

[Ciancele]

...... vardo una fontanella verde, e arivo in Piazza della Valle, cole sue casette cola faciata concava per adaterse ala piazzetta: la più bela e ben tegnuda

Baba Triestina, ti no te ga visto la caseta giala de piaza dela Vale nel 1945.
e via Madona del Mar in zo verso via Tigor iera, nel 1945-1953, sempre cusì. Iera una picola lateria-gelateria dove che mi e mio cugin xe misiaimo con una putela.
..... imaginè cossa che no gaverà pagado quei che i ga i pergoli "vista mare"! xe onde propio per un altro casermon cussì verso via Belpoggio alta... No sarà via Galeria? In alto iera bel, in baso, sui marciapie, iera i spini pai gati.
La salumeria in via Cavana iera del pare de Aurora.
..... Sempre piazza Hortis, stavolta semo al canton dove che xe Siora Rosa, ma no me fermo a magnar un panin o un cafè.
..... No vado su, ciapo inveze per via Torino ( una volta via Cavana. però no se capissi tanto ben come che la fussi stada la continuazion de via Cavana..): ..... A mi me par che otanta ani fa la se ciamava via Piteri (Pitteri) .....
Anca a mi me xe vignù un colpo co' go leto via Torino. De Pileri (Pilleri) in via Piteri 'ndavo a crompar s'cinche. Qualche ano fa iero a Trieste e la cartoleria esisteva 'ncora. Dopo la xe sparida e la ga ciapada el ristorante de zia Rosa. La paneteria (Zonta) verso piaza Venesia iera de un mio compagno de clase. Insoma de su pare (del padre).

[Nini Naridola]

Anche mi, Ciancele, me ricordo de aver comprà s'cinche in quela cartoleria vizin de siora Rosa; subito dopo, andando verso el museo Revoltella, iera un barbier e un picio negozio-studio de fotografo; la paneteria me par che iera là de fronte.

[Ciancele]

Bona domenica a te, caro Nini Naridola. La paneteria iera in fondo a sinistra, poco prima del (o de un) bar sul canton con piaza Venezia e la farmacia. In piaza Venezia iera fina a qualche ano fa ancora la vecia edicola. El negozio de fotografo me par de ricordarlo. In piaza Hortis 'ndavo (nel 1932) con mio nono col triciclo. Me ricordo che el me spelava un pomo cola falza. La casa sul canton de via Piteri con la via che 'ndava verso via de l'Università iera el dotor del comune, quel dele variole. In via Piteri de fronte ala cartoleria iera una oficina. Ma forsi anca confondo. Ciao.