Miramare: la Sfinge

[babatriestina]

El sito de Miramar ne proponi anche una vision del sfinge che al momento credo sia la migliore che podemo gaver (in atesa de far noi qualche foto).

no so , ma go come l'idea che no i ne lasserà più andarghe vizin.. - no resta che comprarse un bel obiettivo zoom grando come un canon, un trepiede, prima che qualchedun no ghe vegni l'idea de proibir de fotografar anche in tel parco.

[sum culex]

Ve meto ancora due pupoli senza pretese dela sfinge con un picio zoom, perche, come che xè za sta dito, no se pol andarghe vizin za de diversi ani.






ciao
sum culex

[sum culex]

Solo per la cronaca: le foto le go fate l'11 giugno 2005.
ciao
sum culex

[rofizal]

Stago cercando se xe qualcosa sul vecio forum. Perl el momento questa tesimonianza:

--
AdlerTS on Fri, 09 Dec 2005 13:00

...la sfinge non xe raggiungibile da anni..

--

e ierimo nel 2005, come le foto de Sum culex. Forsi i lo fa per protegerla... forsi.

[rofizal]

Ghe iera un breve topic de Babatriestina sul museo egizio, ma adeso no go el tempo per riprenderlo (lo faremo).

Poi ancora Babatriestina con una testimonianza ancora più datada:

babatriestina on Sun, 29 Aug 2004 12:54

la sfinge me par tutora inagibile pei lavori de soto del castel

[rofizal]

...e uno ancora qualche mese più vecio:


babatriestina on Thu, 20 May 2004 05:15

da mesi a causa dei restauri non si può raggiungere la Sfinge


Purtropo niente foto. Forsi go qualcosa mi, ma devo cercar e no son nianche sicuro de poderle meter (dovesi eser quele del matrimonio )

[babatriestina]

go una de novembre 2003, ancora de lontan perchè no se ghe podeva andar vizin. Ma l'anno scorso col mio potente zoom, che ghe fa concorrenza a Zoomy, go zercado de becarla al massimo che se podeva far, sempre de lontan, e questo xe el risultato, se vedi un poco meo el zoccolo

[AdlerTS]

Stago cercando se xe qualcosa sul vecio forum. Perl el momento questa tesimonianza:

--
AdlerTS on Fri, 09 Dec 2005 13:00

...la sfinge non xe raggiungibile da anni..

--

e ierimo nel 2005, come le foto de Sum culex. Forsi i lo fa per protegerla... forsi.

Me par che gavevo trovado qualche informazion su un obelisco egizian che stava a Miramar

[rofizal]

Me par che gavevo trovado qualche informazion su un obelisco egizian che stava a Miramar

Devo zercar. Sicuramente no in quel topic (che se ciamava "Turisti a Trieste").

[rofizal]

Son ribado a recuperar do foto dela sfinge. L'insieme no ve lo poso mostrar (privacy ), ma eco qua el frontal del monumento.

La fato xe del 1980.

[rofizal]

ed eco un particolar dela testa dela sfinge

[rofizal]

Le stese parti dela sfinge da un'altra foto. De meio purtopo no go.

[AdlerTS]

Vado a brazo... pol esser che go letto che qualcossa jera anche dove oggi xe el bar ?

Go trovado l'appunto: la targa che metti la sovraintendenza nel parco all'altezza del bar, che con un po' de enfasi i ciama "kafeehaus"

"Nei progetti di Massimiliano il kaffehaus doveva essere sostituito da un museo pensato per ospitare le sue collezioni di antichità. Di particolare rilievo la raccolta di reperti egizi rimasta a Miramare fino al 1883, poi trasferita a Vienna e dal 1891 conservata al Kunsthistorisches Museum."

Secondo la stessa tabella, la sfinge xe del III - II secolo a.C.

[babatriestina]

raccolta di reperti egizi rimasta a Miramare fino al 1883, poi trasferita a Vienna e dal 1891 conservata al Kunsthistorisches Museum."

anche questa i ghe ga cavado a Trieste!!
( )



(PS la targhetta al Museo disi che i la ga portada via nel 1878...)

[sono piccolo ma crescero]

Xe vero che la sfinge no xe più acesibile al publico e quindi le foto de ogi le manca, però i teleobietivi i diventa sempre più forti. La luce no iera granché. bisogneria andar là de matina, ma visto che iero





Se vedi ben l'efeto della mancanza de publico; no xe più i muleti che sentandoghese sora la forbi e i timbri dei cocai i resta là a perene memoria invece che vegnir portadi via dai capoti.

Questa xe la scrita. Me piaseria se Babatriestina provasi a legerla



quela sula piera, che me pareria grego, no quela in alto che go meso mi.

[babatriestina]

Questa xe la scrita. Me piaseria se Babatriestina provasi a legerla

Babatriestina no arivava a capir i caratteri, ma nei primi post Rofizal gaveva za scritto

la scritta (in greco): "ΠΑΡΕΛΘΩΝ - ΜΕΛΛΩΝ" (= "Passato - Futuro").

e no posso che confermar. Anche se mi son più abituada a legger el grego corsivo che el stampatello.
Posso zontar solo, per far veder che conosso i due termini, che parèrchomai xe el verbo che vol dir passar oltre e el suo participio aoristo ( che xe un tipo de passato) xe appunto sto parelthòn ( ve trascrivo foneticamente, cussì savè come che se leggi, anzi noi a scola pronunciavimo parelzòn) e méllo xe el verbo che vol dir "star per .." per cui el participio mellòn vol dir appunto futuro.
Tuti due, diria, nel senso de passato recente e futuro abbastanza prossimo, mi me dà come la sensazion.

[sono piccolo ma crescero]

Grazie, no gavevo visto che Rofizal gaveva meso la scrita; go vardà dove che iera le foto e no iera el testo.

Comunque, co vardo le statue dei egizi me domando sempre che voia che i gaveva de scarpelar, lavorar e lisar el granito. Credo che el sia più dificile de lavorar del marmo

[AdlerTS]

Anzituto la sfinge xe l'unica roba che resta dela importante colezion egizia de Massimiliano, che dopo la sua morte xe stada portada a Vienna e inserida nela sezion egizia del Kunsthistorisches Museum, che podè trovar (el museo) su:
Sito ufficiale del Museo (in tedesco e inglese)
Wikipedia italiano
Wikipedia inglese
Wikipedia tedesco

Questa colezion iera stada racolta nel corso dei anni, sia acquistando dal Console generale d'Austria in Egitto Anton Ritter von Laurin (prima del 1855), sia durante el viagio de Massimiliano in quel paese (1855) con acquisti o (forsi) in regalo dal Vicerè Sa'id Pascià.

go ritrovado quel che scrivevo sul vecio sito a proposito de Laurin, riportado dal Piccolo de qualche anno fa:

Due sono a Trieste i monumenti in granito che vengono dalla terra dei faraoni: al Civico Museo di Storia e Arte il sarcofago appartenuto allo scriba del re di nome Suty-nakht vissuto 3 mila anni fa. Molto più nota, la sfinge che, silenziosa, fa da guardiana nel porticciolo del castello di Miramare, voluta da Massimiliano d’Asburgo. Un terzo monolito egiziano in granito, una colonna con capitello alta complessivamente 13 metri, fu donata a Trieste nel 1847 da Anton Laurin, console d’Austria in Egitto. Il municipio accolse allora il dono, ma non trovò i fondi per coprire l’ingente spesa del suo recupero e trasporto nella nostra città. Avrebbe potuto innalzarsi in piazza Grande, ma è rimasta ad Alessandria.

[Golfoblu]

Cartolina dei anni '60..............

[AdlerTS]

Un terzo monolito egiziano in granito, una colonna con capitello alta complessivamente 13 metri, fu donata a Trieste nel 1847 da Anton Laurin, console d’Austria in Egitto. Il municipio accolse allora il dono, ma non trovò i fondi per coprire l’ingente spesa del suo recupero e trasporto nella nostra città. Avrebbe potuto innalzarsi in piazza Grande, ma è rimasta ad Alessandria.

Una conferma a proposito dell'Obelisco Laurin arriva da queste righe riscoperte dai giornai dell'epoca da Luciano Santin: a prposito della sistemazion della Piazza Grande el riporta che

speriamo pure che si riservi un posto all'obelisco egiziano donato dal signor cavalier Laurin alla città di Trieste, facendolo tradurre da Alessandria e mettendovi a lato due antenne per gli stendardi come nelle altre città marittime.[...] essi ricorderanno almeno le conquiste pacifiche del commercio e navigazione col futuro Canale di Suez.

El saria stado posizionado in posizion mediana tra la Luogotenenza e el Palazzo del Lloyd, dove sotto l'Austria jera le giardinetto.