Lajnarji

[babatriestina]

Lajnarji : mai sentido nominar?
per mi xe la prima volta, iera ieri un articolo sul Piccolo dedicado a sto picio rion che saria fra Roian e Pischianzi, se go ben capido.
Insomma dove che sum culex ga trovado i camini, più o meno...
(PS el nome dovessi voler dir organetto in sloven)

[Nona Picia]

Mi stavo de quele parti (Vicolo delle Rose) ma no go mai sentì quel nome.
ciao ciao

[Tirabaralla]

Mai sentito, ma è molto suggestivo, come nome.

[macondo]

E que ve domando a tuti un aiuto a ricordar...

Mi me ricordo che un amico me gaveva parlado de una specie de belvedere dove se podeva goder de una vista unica su Trieste. La vista la iera simile a quela che se vedi del Obelisco, ma piu vicina ala cittá.

Mi son dado una sola volta, piú de 30 anni fa...ma no posso ricordarme dove. Piú in su de via Comerciale, son quasi sicuro.

[Nona Picia]

Iera forsi dale parti dela cesa de Cologna?
Ciao ciao

[macondo]

No saveria....Credo de ricordarme che ghe iera come una picia teraza, niente de special, de tera batuda e logicamente no ghe iera alberi o graie davanti. E la vista la xe stupenda e me par che certe cartoline panoramiche le podessi esser stade fotografade de la. Ripeto, xe piu o meno come la vista che se ga del Obelisco, ma piu in basso e piu vizin a la zitá.

Son sicuro che sto posto se bastanza ben conosudo, sopratuto per quei che vivi in quela zona.

[AdlerTS]

E que ve domando a tuti un aiuto a ricordar...
Mi me ricordo che un amico me gaveva parlado de una specie de belvedere dove se podeva goder de una vista unica su Trieste. La vista la iera simile a quela che se vedi del Obelisco, ma piu vicina ala cittá.

De come te lo descrivi pol esser quel che noi muleria ciamavimo Hollywood, un spiazaleto senza pretese, ma con vista magnifica soto Conconel. De solito de sera iera sempre morosetti che andava apartarse con l'auto

[AdlerTS]

Benvenuti a Lajnarij

[AdlerTS]

Son andado a far un giro Domenica e son andado a colpo sicuro: non conossevo el toponimo, però savevo dell'esistenza de sto angolo de mondo che con Trieste non ga niente a che far.

[AdlerTS]

Per spiegar in maniera facile dove che xe: co ciapè el tram de Opcina, a un certo punto passè la cesetta de Colonia. De solito le machine gira a destra e va sulla strada per Opicina. El tram inveze va drito, con una strada laterale più streta, per rivar in Strada per Opicina all'Obelisco.
Se in sto ultimo tratto de tram (cesa de Colonia-Obelisco) guardè verso el basso, la valle sotto xe Lajnarij.

[babatriestina]

Se in sto ultimo tratto de tram (cesa de Colonia-Obelisco) guardè verso el basso, la valle sotto xe Lajnarij.

e che mi credevo che fussi za Pischianzi

[AdlerTS]

Le stradine non xe consigliabili se gavè un auton largo e longo, xe più roba da Fiat Panda
Non rivo capir però perché privarli del nome: in fin dei conti in giro per el Friul go visto abitati ben più pici con tabela e nome !
Se ghe dava fastidio le "J" bastava scriver Lainari ! Ripeto che de città non ga proprio niente, xe un borgo a se stante !

[Tirabaralla]

Una roba bela che Trieste e Firenze le ga in comun: basta alontanarse un momento de "la cità" e sembra di esere in un'altra epoca
Sto borgo me manca, me sa...vojo ndar!

[babatriestina]

Lajnarij :(PS el nome dovessi voler dir organetto in sloven)

el mio dizionario tascabile de sloven no riporta la parola, ma me par de ricordarme che mia povera mama me diseva Finissila con quela làina ! solo che mi go sempre pensado che sta làina fussi la version triestina del italian lagna. ( e forsi anca xe ?)

[babatriestina]

e ieri, vardando bottiglie triestine de vin in vetrina, me xe cascado l'ocio su questa:

[babatriestina]

un per de giorni fa sul Piccolo ghe iera una nota su Pischianzi e la sua piazzetta, mi go una foto che corrispondi esattamente ala foto che Adler ga messo come lajnarij

Un'altra immagine mostra verso la ferrovia e l'Obelisco

Quindi resta sempre el dubbio:
Dove xe el confin fra Pischianzi e Lajnarij??
seconda osservazion, anche el Piccolo ricorda che se scrivi Pischianzi ma se leggi Pis-cianzi o se preferì Pis'cianzi. ( ve confesso che mi gavevo sempre sentido pronunciar come Piskianzi, ma no son de quele parti).
Questo per confermar ancora una volta che la ch nei nomi xe una vecia convenzion per la c dolce, voleria dir la c cola pipa, ma no se riferissi solo a nomi sloveni, ma anche furlani, che i rendi con cj, credo che se poderia scriver Piscjianzi o simili,

[Nona Picia]

Mi che stavo la vizin, prima via delle Quercie e dopo Vicolo delle Rose,go sempre sentì parlar de Pis'cianzi e per mi ancora ogi xe cussì.

[carsolin]

Comunque el nome xe Lajnarji e no Lajnarij (inpronunciabile anca in sloven).

[carsolin]

L'origine del nome (cussi come per Piscianzi) deriva dal cognome che gaveva quei che i se ga stabili in quel posto (Lajnar) apunto.

[AdlerTS]

Comunque el nome xe Lajnarji e no Lajnarij (inpronunciabile anca in sloven).

Ops