Piaza Puecher (Piaza del Fontanon)

[AdlerTS]

Sempre pensando ai ns. amici lontani da Trieste, volessi riprender el discorso fotografico che gavevo iniziado sull'altro sito a proposito de zone pedonali nove e modifiche dell'arredo urbano:

Questa xe la piaza in oggetto:

[AdlerTS]

Ve assicuro che iera pien de muleti e gente che legeva el giornal sula panchina: go dovudo fadigar per rispetar la loro privacy

[AdlerTS]

El comun ga fato barufa perché voleva abbater el condoto de aerazion delle galerie antiaeree: ga vinto la sovraintendenza e cussì i ga messo un pochi de fioreti intorno

[babatriestina]

ah ben, mi iero in genaio e i la gaveva apena finida, iera ancora transenne arancion e per questo no go publicado gnente.. iera foto proppio bruttine, vedo che i ga messo un per de fioretti e un alberetto... meti se te ga la pavimentazion che xe el zogo del porton.la fontanela xe moderna, ma cocola, no me ricordo se e come la iera prima. Sta piazzetta la go scoperta miga tanti anni fa, se vedi che no iera zona che frequentavo. e dir che là vizin xe un centro civico ottimo e senza code

[AdlerTS]

Questa la targa che ga voludo la circoscrizion:

[Tirabaralla]

Ghe iero un anetto fa (circa), che gavevimo deciso de far un ziro de ste entrade et similia dei tunel soteranei! La iera tuta diferente...coi auti parchegiai.
Me par sai mejo cussì...e i ga fato benon a no tirar zò quel che per me xè un monumento.

[refolo]

Me da' tutto dei famosi Funghi che iera in Piazza Hortis...
mia zia stava in Via Sergio Laghi....

la me go' fatto una notte in rifugio senza poder vegnir fora, mi e mia mamma e centinaia de persone.

gavemo dovesto spettar quei dell'Umpa e semo vegnudi fora con una scala interna,perche' el rifugio, co l' entrata dove che se giogava el tennis,

xe stada distrutta dalle bombe......comunque grazie, bellissime, se la fontana xe nova ancora meio, mi non la gavevo mai vista.

maria aka refolo

[refolo]

Se parle de viale D'Annunzio, sotto la Galleria de Via Molin a vento? allora non ghe iera ne fontane , ne funghi!

La galleria, co mi andavo al Carniel, iera la riserva de tutto quel chel popolo ga' dona' al partito fascista.

Rame-Otton- e tante altre robe......

maria aka Refolo

[babatriestina]

Caveme una curiosità: de quando xe Piazza Puecher? perchè mi nele mie cartine de inizio secolo no la vedo... e come mai del Fontanon, che via del Fontanon iera l'atual via Felice Venezian ( e me par che se legi ancora de qualche parte el vecio nome..) ? ghe iera veramente un fontanon? esisti foto? Rutteri no ghe ne parla, ghe par forsi una zona poco nobile, qualchedun ga el solito Zubini?

[refolo]

Me go' sbaglia', credo che quel del tunnel iera P.zza Carlo Alberto?

ma gavevo solo che 9 anni, dove' scusarme.

Comunque, go dado tutte le mappe nove della citta' a mio zenero, ma non me ricordo de aver visto, sia chel nome Puecher e nianche Fontanon!

Ma siccome manco tanti anni tutte le vie xe stade rinominade.

Maria aka Refolo

[babatriestina]

Refolo, no penso che te sia cussì vecia de gaver visto tute le piazze dal 1918 in poi!
mi nela mia piantina del 1910 no la vedo..
comunque, de sti sfiatatoi ghe ne xe sia un in Piazza Puecher sia un in Piazza Carlo Alberto

[Capuzi garbi]

Orca, devo eser piu` vecio de quel che me sento. Ai mii giorni, e senza dubio a quei dela mio periodo, demoghe o cavemoghe dieci ani, la piazeta jera ciamada piaza dei Giuliani. e si, ghe jera un fontanon, anche se personalmente no me lo ricordo.



In ogni modo sta foto lo mostra 'bastanza ben. Quel che me ricordo ciaramente xe el sfiatatoio de cemento e el mercato de fiori e verdura cussi` indafara` che se trovava su sto posto.

In fondo la via Caprin che la jera blocada dele colonete per fermar el trafico. Sta via jera cariga de fritolini, e pasando se sentiva sto bon odor pe pesse frito, che ancora ogi rivo a sentir e che me stuziga el palato. La sfociava in via dela vento vizin ala piaza Goldoni.

[babatriestina]

bela foto, grazie!