Stock S.p.A.

[rofizal]

Recupero alcuni mesagi, dal vecio forum, che i compariva nel topic sula Baker, za recuperado a sua volta.

Andy :

Qua xe una parte del ex stabilimento stock, dove vigniva dele picole navi a scarigar alcool.

[rofizal]

Kasteliz :

Una dele prime publicità dela Camis & Stock (drio de un speceto de borseta).

Lionello Stock e Carlo Camis, a Barcola in via Bovedo, fonda la dita nel 1884: Distillerie a Vapore Camis & Stock. Ogi là ghe xe la carozeria Tlustos.

El primo cognac che i fa el ricevi l’apelativo “Medicinal”, che iera el masimo de bontà che un distilato de vin podeva gaver secondo el “Codex Alimentarius Austriacus”.

Nel 1906 Stock resta solo e dopo la Prima Guera, nel 1928, el verzi el stabilimento de Rojan con in Porto Vecio al Magazin 33 la produzion per l’estero.

Nel 1974 altro remitur e tuto se trasferisi in Zona Industrial. Nel 1995 la diventa tedesca.

[rofizal]

Servolo :

.......e questo xe un manifesto de Dudovich, del 1910.

[AdlerTS]

... e ogi cussì:

http://canali.libero.it/affaritaliani/e ... a1705.html

[trita]

bongiorno a tuti

se la squadra del vostro cuore ha' vinto, rallegratevi
(brindate) con stock.
Se ha perso consolatevi con stock.
Credo che semo sul secondo moto

auguri trita

[rofizal]

Questo xe el video completo del Carosello dela Stock del 1957 !!
Erminio Macario - Carosello 1957

[rofizal]

Forsi val la pena riportar anche quel che ga scrito chi ga postado el video (che magari pol sparir un giorno o l'altro):

Questo, con il grande comico torinese Erminio Macario nei panni del Signor Veneranda, surreale personaggio nato dalla penna di Carlo Manzoni (regista: Eros Macchi; sceneggiatore-soggettista: lo stesso Carlo Manzoni), è il primissimo filmato andato in onda nella storia di Carosello. Correva l'anno 1957. Notare come il codino pubblicitario (riguardante un noto brandy prodotto a Trieste, che sarà super-pubblicizzato da molti personaggi famosi anche nei due decenni di Caroselli a venire) non abbia, nello stile tipico di quei primi anni, alcuna attinenza con la scenetta comica che lo precede.
Grazie al sito www.mondocarosello.com

[babatriestina]

sulla Stock attual, ve segnalo sto articolo:
http://bora.la/2009/01/08/il-paventato- ... ment-96131

[LELA]

La terza foto de sto "topic" che la mostra 'na vecia locandina dela Stock (che tanta parte la gà avudo nela storia dela mia fameja), la gavevo postada mi in "TriesteMia" e ghe ne gò anca altre, sempre relative ala Stock e par la magior parte relative al stabilimento de Rojan, se ghe rivo (ma stasera me fà bazilar anca "imageschak") ghe ne meto qualcheduna:


Sta quà xe 'na vecia piantina e un dei cortili interni del stabilimento de Rojan, in via Lionello Stock n° 3, sede central dela "Stock S.p.A. per la produzione e l'imbottigliamento di Brandy, Grappa e Liquori";


Questa quà xe un'altra vecia locandina dela "Distilleria a vapore Camis & Stock" (per la produzione di acquavite di vino o cognac) come se ciamava agli inizi la Stok, parchè la jera stada fondada da L. Stock e dal suo amico veronese Carlo Camis, quando a causa dela "peronospera" i francesi i se fazeva spedir i fusti de vin da altri Paesi per produr el Cognac, nome riservado eslusivamente ai francesi co'i acordi del tratato de pase del 1947, e che a Trieste el gà ciapado en nome de "Brandy"

La prima "casa" la xe stada fondada el 26 dezembre del 1884 (da quà Brandy "Stock '84) - co'l prestito de 2.000 firorini che el gaveva avudo da suo papà - a Barcola in via del Bovedo, indove ogi se trova la "Carrozzeria Tlustos".

Le foto le xe trate da un libro de "Fabio Zubini", come anca le informazioni riportade che - spero - nò le sìa un dopion de quel che xe zà stado dito in merito in sto sito, se per caso cusì fusi, ghe prego a chi de dover de scancelar l'eventuale dopion.

Bon, par stanote asta cusì! Ciau a tuti, Lela.

[AdlerTS]

Interessante la prima

[LELA]

Bonzorno AdlerTS e grazie, ma dopo che gavevo postado e prima de serar el PC, son 'ndada a veder mejo (me gavevo impiantà cò go visto la locandina riportada da servolo) e gò visto che zerte notizie le gaveva zà mese Kasteliz (a proposito, no'l ghe xe più? Xe 'na persona che ricordo con grando piazer, anca par la sua cultura in tuto quel che riguardava TS: el jera 'na "enciclopedia ambulante") me dispiasi, dovevo controlar mejo prima de postar le notizie, anche se le "foto" nò le xe dopioni.

Ciau, Lela.

[babatriestina]

No state preoccupar, xe roba che Rofizal gaveva recuperado del vecio forum..
anche mi me dispiasi che Kasteliz gabi deciso de ritirarse a vita privata, ma son sicura che ogni tanto el ne leggi e el xe in bone coi veci amici e qualche suggerimento al momento giusto el lo passa
Inveze te fa ben a segnalar che le foto te le ga ciolte dl libro de Zubini, per question de copyright ( una citazion e una foto ogni tanto se pol, ma troppo no).. xe quel su Roian, no? i xe una fonte de informazioni magnifica.. e se li trova anche de seconda man un poco più bon prezzo in Citavecia

[LELA]

No state preoccupar, xe roba che Rofizal gaveva recuperado del vecio forum..
anche mi me dispiasi che Kasteliz gabi deciso de ritirarse a vita privata, ma son sicura che ogni tanto el ne leggi e el xe in bone coi veci amici e qualche suggerimento al momento giusto el lo passa
Inveze te fa ben a segnalar che le foto te le ga ciolte dl libro de Zubini, per question de copyright ( una citazion e una foto ogni tanto se pol, ma troppo no).. xe quel su Roian, no? i xe una fonte de informazioni magnifica.. e se li trova anche de seconda man un poco più bon prezzo in Citavecia

Sì, xe quel de Rojan. Mio fio più grando Gianfranco (ch'el xe tornado a viver a Trieste: beato lù, mi nò poso: mio marì el lavora 'ncora) e mio fradel i zerca sempre de recuperarme tuto quel che riguarda Trieste, parché i sà che ste robe le me piasi tanto e, co' rivo a vegnir - salude permetendo - a Trieste, anca mi vado in zerca de qualcosa; diverse robe bele relative a TS - tipo cartoline e altro 'ncora - e anca vece (par esempio gò trovado un "afila lamete" de quele che se doprava 'na volta e che nò gò visto gnanca su quel'altro forum - indove "stellina", che el xe del mistier, ghe ne gà infilado 'na spatafiada, ma quela nò e nò sò gnanca come che se la doprava) gò notado, se le trova anca zirando i vari mercatini a TS e dintorni.
Ciau e grazie ancora, Lela.