Go trovà questo articolo sul corriere della sera web dove che, almeno per la diossina, la ferriera de Trieste xe citada come industria modello (e ghe ne go trovai anche altri meno recenti).

Meto qua l'articolo perché no go trova una discusion sula ferriera anche se me ga fato assai strano. Se me son sbaglià, spostè pur l'intervento. Grazie

sono piccolo ma crescero ha scritto: Meto qua l'articolo perché no go trova una discusion sula ferriera anche se me ga fato assai strano.

curiosamente, me par anche a mi che no ghe xe una discussion sula ferriera. Forsi perchè se la trova ormai su tutti i siti triestini e no semo de base un forum dedicado al dibattito sul attualità triestina.

E ghe xe anche due ( ma perchè due??) post intitoladi Servola in quartieri e rioni, che ga dentro anche la feriera.

Mi diria che la andassi nella sezion industrie e commerci opur Trieste, el futuro. Dipendi del taio che ghe demo ala discussion: la prima xe piutosto dedicada ala storia della ferriera ( me ricordo de gaver visto su Triestemia una vecia cartolina dela ferriera) , el secondo invece de come che la vedemo col futuro della cità. Dove te la mettessi ti?

Tu duca, tu signora, tu maestra!

La roba che me pareva interesante e sconcertante (dal nostro punto de vista, ma qual xe el punto de vista bon?) iera el fato che la feriera vignissi citada come modello da imitar.

sono piccolo ma crescero ha scritto:La roba che me pareva interesante e sconcertante (dal nostro punto de vista, ma qual xe el punto de vista bon?) iera el fato che la feriera vignissi citada come modello da imitar.

Dal che te capisi quanto se se pol fidar de giornai e giornalisti.

rofizal ha scritto:

sono piccolo ma crescero ha scritto:La roba che me pareva interesante e sconcertante (dal nostro punto de vista, ma qual xe el punto de vista bon?) iera el fato che la feriera vignissi citada come modello da imitar.

Dal che te capisi quanto se se pol fidar de giornai e giornalisti.

E de sindaci e assessori.....

Comunicato stampa ANSA:

TRIESTE, 14 NOV - Servola - oRE 11.Conferenza stampa Lucchini Spa per presentazione progetto per la realizzazione di una nuova centrale termoelettrica a ciclo combinato.

Una volta i Triestini la pensavano in un modo molto differente:

"Viva l'Austria con sete camini:
sie che fuma e un che sbrufa fiorini"

(Saggezza popolare)

Gavè sentì che sembra che in ferriera i smaltissi rifiuti tossici? I ga messo ai domiciliari due responsabili....

el Piccolo disi che "ai domiciliari perché avrebbe disposto e consentito lo smaltimento di una parte dei rifiuti pericolosi dello stabilimento classificandoli al contrario come ”normali"
El direttor della Ferriera, el responsabile dei settori ecologia e ambiente e el responsabile local de una società che opera all’interno della Ferriera.

non xe tutto oro quel che luccica.....PARbleu.....

Cartolina

Ecco due immagini suggestive.

Ciao a tutti

gitriolo ha scritto:Ecco due immagini suggestive.

non le vedo, ci dev'essere stato qualche problema con gli Allegati

Si troppo grandi devo lavorarci su e spero che presto riuscirò a postarle scusate.

Siamo sempre al braccio di ferro, posti di lavoro/inquinamento. L'esempio dell'ILVA di Taranto trascina le polemiche anche qua. eccola in una vecchia cartolina bianconera

e la scorsa estate dal mare, il momento dello sbuffo bianco

La fumada dela ferriera vista da Villa Revoltella



ciao
sum culex

Mi gavevo un conoscente che gà lavorado in feriera 30 ani fa e za quela volta el me contava che i gvevo meso su dei filtri ottimi contro i fumi, solo che dopo un per de mesi i iera de cambiar e no ghe iera bori per farlo per cui.... Ogi legio che de novo a Taranto continua el tira e mola tra magistratura e comissari governativi per continuar a tinir verta la feriera . Taranto xe la seconda acciaiera europea per produzion. Perchè sucedi ste robe in Italia? Perchè no esisti un baston de comando. Semo un paese indistrializato? ocori 3 acciaierie , no ghe pol eserne 20, e tre devi restar verte. Gavemo 5000 comuni , be credo che almeno 4000 gabi zone artigianali o industriali all'interno del comun. Xe trope? Se xe el baston de comando se ne tien verte quele che funziona e che fa aumentar el pil, e resto se sera perchè le sta falindo ad una ad una, e i tereni se riconvertisi ala agricoltura. Nel nostro paese la conduzion del paese xe lasada all'improvisazion. Savemo che gavemo un patrimonio storico e culturale enorme e un turismo penalizado da mancanza de investimenti nel setor culturale. Xe questa la nostra vera prima industria che inveze no traina l'economia del paese. E come el solito manca el baston de comando. Ve faria volentieri l'elenco de tuti i provedimenti per sollevar l'industria turistica. Savemo che manca archivisti,restauratori, custodi etc savemo anche che xe ani che nisun fa più cocncorsi de asunzion e la lista dei laureadi disocupadi aumenta. No gavemo manutentori perchè le scole dove che se impara una profesion no le esisti più, e anche el personal insegnante no esisti più. Ma vedo che stago alontanandome da la feriera. El privato tira fora i bori se el pol guadagnar, lo Stato tira fora i bori se i ghe xe, e alora pol tinir in pie anche una industria improdutiva. Eco la feriera pol eser una industria modello se i guadagni consenti de eliminar gli inquinamenti. Opur el baston de comando la ritien strategica per l'Italia e alora te la tien verta anche contro l'intervento de la magistratura.

Prosegui la storia : si, la inquina, no, no la inquina. Go promeso che investo 130 milioni per pasar dal caldo al fredo, e i me ga dà anche una concesion fin al 2060 per usufruir de la parte proprietà dell'ente porto. No voio che se continui a dir che inquino. Laseme lavorar. Pecà che xe 30 ani de promesse e che nel fratempo le polveri, el benzopirene e quant'altro xe sempre presenti. Adeso anche el governo nazional se ciama fora e el ghe scariga i radighi a la Serachiani . Come dir se non è zuppa è pan bagnato.

Par che le polveri el benzopirene e quant'altro anderà ancora avanti....perchè per far i lavori de modifica de la feriera ghe vol i permessi de un ministero (mesi e notaben che i bori ghe xe), mentre la magistratura pol blocar tuto , e el via de la regione pol no rivar. Sempre la solita inefficenza nazionale.

Dipenderà tuto de che colo grosso che xe de drio....