Aperture domenicali

[babatriestina]

In questi giorni i sta discutendo a livello regional sul numero de domeniche de apertura dei negozi.
Paressi che i volessi limitar el numero.. cossa pensè?

http://trieste.rvnet.eu/2008/10/27/ddl- ... consiglio/

ovviamente ghe xe i pro e i contro a ogni soluzion:
Riposo domenical contro spesa domenical, negozi per turisti dele crociere ( ma i turisti vien solo per comprar o anche per veder?), lavoro in più per i lavoratori o posti de lavoro in più part time i giorni de festa... xe tanti aspetti dela question

[Nona Picia]

Mi go sempre pensà che el riposo domenicale sarìa giusto. Però oramai xe cambiade tante robe e adesso tornar indrio me par che farìa tanti danni. Anche perchè la gente che ghe toca andar brontola brontola, ma soto soto ghe sta ben ciapar qualche soldo in più o el giorno libero in mezo ala setimana. E po, ragionandoghe sora i se dovessi dir:" E se perdo questo, cossa fazzo che lavor in giro no ghe xe?"
E pensandoghe ben, el riposo domenicale xe più dovudo a una question religiosa, che per tanti ga importanza, che a altri motivi. Xe la tradizion che ga fato che de domenica no se lavora, se va a messa tuti insieme e se xe a tavola con la famiglia completa. Tranne che per conduttori de treni, autobus, infermieri, dotori e tanti altri. Dovessi star a casa anche quei?

[sum culex]

I disi che poderia restar verti de domenica i negozi del centro storico. El confin del centro storico xè via Carducci; a parte che dovessi serar el Giulia e le Torri, ma una roba assurdissima xè che Godina dovessi serar mentre per esempio ex Valerio, ogi Bassetti, poderia tignir verto, perchè un xè de una parte a l'altro xè de l'altra parte del confin del 'centro storico'.
ciao
sum culex

[AdlerTS]

E pensandoghe ben, el riposo domenicale xe più dovudo a una question religiosa, che per tanti ga importanza, che a altri motivi. Xe la tradizion che ga fato che de domenica no se lavora, se va a messa tuti insieme e se xe a tavola con la famiglia completa.

Magari... me par che questo fattor gabbi poca importanza oggi giorno: ghe saria i obietori de coscienza della vendita al dettaglio !

[carsolin]

No xe solo el fato de'ndar mesa e a pranzo ala domenica.

1) Mi lavoro in botega e go do fioi. Sicome lori i va scola a tempo pien (fin le 16.00) mi li vedo solo la sera co torno (ale 20.00) e questo per 30 minuti (i va dormir ale 20.30). Me permeterè de star con lori almeno la domenica, che no xe scola? O no?

2) Lavorar la domenica per chi? Parlando con muli che lavora in negozi che tien verto de domenica, i me ga dito che no xe vero che la zente de domenica compra. I va i zentro comercial perche no i ga bale de cior l'auto per 'ndar fora. I se fa i gireti, i varda ma no i spendi.

3) Con la nova lege regional (quela che limita le domeniche) la posibilità de tignir verto de domenica in centro storico no vien tocada, ma feve un giro in centro de domenica e contè quanti negozi xe e bar xe verti, po i me vien dir che Trieste xe una zita turistica? I turisti no vien qua pe'ndar ale tori o al giulia.

4) I prezi. I prezi dele robe a Trieste xe alti, più che in altre parti. Se go de far 100 km per vignir a Trieste a far compere son mona. In Friul e in Slovenia ghe xe posti dove che trovo de più meno.

5) I bori. I comesi che ciapa de più lavorando la domenica xe solo quei che xe stai asunti aposta per le domeniche. I comesi fisi dei negozi, no i ciapa de più, i dovesi recuperar la giornata persa, ma sicome i comercianti de Trieste i xe curti de maniga, no i asumi nisun e quindi el pesonal no basta e el recupero te se lo fa co te va in pension (se te ghe rivi).

Tanto per spiegar come xe la testa dei botegeri de Trieste; un per de ani fa go ciolto quatro setimane de ferie in setembre (o giorni che vanzavo da ani eh, miga regalade) e gavevo fato do setimane in agosto perche el paron ga deciso che se sera. Bom a dicembre el me ga dito che el dovesi darme solo metà tredicesima visto che son sta casa tanto tempo in setembre, nianca che fosi bori sui!

[sono piccolo ma crescero]

Ragiono in teoria: mi penso che sia giusto un giorno de festa ala setimana proprio per star co la famiglia e magari anche i amici e, per chi credi, anche signor Idio. La rivoluzion francese gaveva previsto un giorno de festa ogni 10 giorni, nel suo calendario, ma la roba no se ga mai difuso.

Mi penso, alora, che se per tignir verto la domenica se asumi qualchedun de più, pol starghe, se invece xe un modo per far lavorar oto giorni su sete i comessi, no me mar che vadi ben.

Dito questo, mi ve confeso che tacà de casa mia ghe xe due supermercati che tien verto la domenica e i ga la fila fora e qualche volta ghe son andà anche mi (e no son in centro storico). Un de sti supermercati se vanta, nela publicità, de serar solo due giorni all'anno: un xe Nadal e l'altro no gavemo capì qual che el sia. I comesi, co paso ala domenica, no i me par sai de bon umor e me par che ghe sia un turn over batsanza elevato.

E po' go un problema: se tien verto la domenica e el lunedì? se sera? Cusì femo scontenti tuti: i musulmani lavora anche el venerdì, i ebrei lavora anche el sabato e i cristiani la domenica, ma tuti insieme apasionatamente, ghe femo far festa al lunedì? Viva la globalizzazion!

E comunque, pensando a quel che ga scrito carsolin, el moto con cui vigniva domandada la setimana de 48 ore, iera "Ogni giorno oto ore per lavorar, oto per dormir e oto per no far gnente. E festa la domenica." No voleria, visto che el lavor xe poco, che stemo andando un poco indrio...

[Ludisia]

volevo scriver un discorson ma no go pazienza.
Me piaseria solo che qualche volta qualchedun pensasi anche al personal, che xe sempre quel (perche xe crisi ...quindi no se pol asumer altri) e se finisi con le fiabe che saria piu asunzioni.
Oggi a Udine ga serado Coin ...del centro commerciale Citta' Fiera. Ghe lavorava 35 persone .....domeniche comprese....eppur ga serado. Quando xe crisi....xe crisi anche de domenica....e chi che compra la domenica....no compra el lunedi.
Ovviamente i politici.....per cui la domenica xe sacra....no pol capir

[serlilian]

Mi qualche rara volta vado a far la spesa, de domenica, in un supermercato vizin casa mia. E ghe vado volentieri perchè el xe SVODO. Niente gente che te sburta, niente file ala cassa. Me domando come che i fa a pagar le spese. Devi costarghe più la corente eletrica de quel che i incassa.

[rofizal]

Credo che se verzer la domenica portasi più posti de lavoro (come dovesi eser) saria positivo. Ma sembra che cusì proprio no sia. Legevo tempo fa (se trovo ve paso el link) dele discusioni de gente che lavorava 7 giorni su 7 !! e per poche lire. No me par che questo sia proprio giusto. Tempo fa i voleva far la setimana de 36 ore e xe gente che lavora el dopio? Ma stemo scherzando? E poi in certe dite ghe xe limiti ferrei pei straordinari e in altre... dove sta l'uguaglianza?

In america i tien speso verti molti servizi 7 giorni su 7 e 24 h al giorno. Ma i ga i turni e xe un altro discorso. Paura de lavorar no ghe devi eser, ma sfrutamento nianche.

Quanto ala convenienza de tinir verto, credo che meriti dove se ga clientela lontana, tipo internet, no dove che la devi recarse sul posto, a meno che no se gabi articoli particolari e alora un vien anche da lontano perché no li trova in altri loghi. Comunque sta convenienza devi valutarla el gestor o el proprietario, che sia un singolo o un società. Ma el devi far un confronto costi/benefici, se el ga quasi solo benefici e i costi li ga i dipendenti... mah...

Dal lato utente oviamente xe bel gaver negozi verti sempre, se va quando se ga voia o quando se riva. Ma non per questo devi eser qualchedun che ghe rimeti. Comunque no xe vero che la gente no spendi de più se i negozi xe più verti. Perché magari un va a far un giro e compra qualcosa che forsi no gavesi comprado. Per quel mi preferiso no andar tropo per negozi... Me digo sempre: se te vol comprar qualcosa conta fino a 30 e se dopo te ga ancora el desiderio... conta de novo! Me scuso coi negozianti, ma de robe inutili se ghe ne compra sempre trope (anche mi).

[rofizal]

Eco quel che gavevo leto:
Fantozzi
xe alucinante, se xe vero, e non credo che riguardi solo quela società (che peraltro ga boni prezi e prodoti convenienti, ma...).

[rofizal]

Ho letto su un altro sito che qualcuno , riferendosi all'articolo citato, faceva giustamente notare che risale al luglio 2006, cioè più di due anni fa. Si spera che le cose nel frattempo siano cambiate, ma è proprio sicuro che non succedano ancora, magari altrove? Speriamo di no, ma non ne ho la certezza, e comunque lì, magari due anni fa, sembra succedessero.

[AdlerTS]

Gavè visto come i ghe la ga ficada alla region ? Adesso semo Città d'arte

[Ludisia]

Semo cita' d'arte si......arte de cosa? de comprar? I musei xe tuti verti?
Gavemo musei che no xe verti neanche i giorni feriali.....

[AdlerTS]

A mio parer le bellezze artistiche ghe xe. Ne manca la cultura adatta a valorizzarle e renderle attrattive.

[Ludisia]

Ma sicuramente!!! Gavemo tante robe artistiche veramente stupende che andassi valorizade. Ma no xe certo tegnindo i negozi verti che le vien valorizade. Xe solo una scusa patetica dei comercianti!!

[Nona Picia]

A mi me par che xe più una scusa dei paroni dei centri commerciali e grande distribuzione che dei negozianti cittadini, perchè co iera le domeniche libere, iera assai pochi i negozi del centro e dintorni che iera verti.

[sono piccolo ma crescero]

Da "Il Piccolo" on line: Trieste, il Tar blocca lo shopping di domenica

http://ilpiccolo.gelocal.it/dettaglio/t ... dRegionale

[AdlerTS]

Esisterà sicuro un anti-tar

[carsolin]

Si, la naftalina

[AdlerTS]

Su il Tuono de fine luglio i rispolverava qualcossa a proposito de aperture domenicali .... come funzionava a Trieste nel 1905 ? (Riassumo):

I fiorai potevano lavorare, come anche per le latterie. I barbieri potevano lavorare fino alle 4 pm, fino alle 3 nel circondario.
I pasticceri potevano vendere, ma non confezionare dolci, così come i macellai ed i salumieri avevano orari differenti per vendita e confezione a seconda del periodo dell'anno, con una tabella ordinata, ma complicata. Tutti questi commerci erano liberi nei giorni di fiera, di sagra, la domenica prima di Natale e nell'ultima domenica delle Palme. Rimanevano nel diritto degli operai di queste aziende i riposi compensativi nelle domeniche successive ed i permessi per assistere alle funzioni religiose delle rispettive confessioni.

Quindi non una politica generale de chiusura/apertura, ma uno studio mirato delle attività utili, divise per concentrazion de abitanti e stagion dell'anno