...zogatoli in tergesteo...

a Trieste, dele grandi industrie el negozietto soto casa: de una volta e de oggi
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
spritz_bianco
vilegiante
vilegiante
Messaggi: 68
Iscritto il: lun 11 giu 2012, 14:34
Località: Trieste --- francesco.tolloi [at] gmail.com

...zogatoli in tergesteo...

Messaggio da spritz_bianco »

....ve ricordè la botega de zogatoli in tergesteo? Mi me ricordo che andavo a cior i soldatini dela "Atlantic": qualchidun sa per caso in che anni ga serado?


_________
Francesco Tolloi
Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Re: ...zogatoli in tergesteo...

Messaggio da Zigolo »

Go un ricordo vago. Me par che se ciamava H0 (accazero) e che i iera specializai in modelismo. Pol esser?


Avatar utente
spritz_bianco
vilegiante
vilegiante
Messaggi: 68
Iscritto il: lun 11 giu 2012, 14:34
Località: Trieste --- francesco.tolloi [at] gmail.com

Re: ...zogatoli in tergesteo...

Messaggio da spritz_bianco »

Come te ga ditto el nome me se ga impizado la lampadina! Verissimo! Mi lo ciamavo "acca-o"...solo cresendo me go reso conto che jera la denominazion de una scala! Sì xe vero: jera specializado in modelismo anche de trenini!


_________
Francesco Tolloi
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: ...zogatoli in tergesteo...

Messaggio da Nona Picia »

Ecome se lo ricordemo el mitico HO...mio marì gaveva la passion per i trenini e i più bei zogatoli per i fioi li gavemo ciolti là...


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
spritz_bianco
vilegiante
vilegiante
Messaggi: 68
Iscritto il: lun 11 giu 2012, 14:34
Località: Trieste --- francesco.tolloi [at] gmail.com

Re: ...zogatoli in tergesteo...

Messaggio da spritz_bianco »

...quanto volentieri tornaria a quell'epoca... :-)


_________
Francesco Tolloi
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ...zogatoli in tergesteo...

Messaggio da babatriestina »

Savè che quasi no me ricordo? mi andavo de Orvisi..


"mi credo che i scrivi sta roba per insempiar la gente" ( La Cittadella)
Avatar utente
spritz_bianco
vilegiante
vilegiante
Messaggi: 68
Iscritto il: lun 11 giu 2012, 14:34
Località: Trieste --- francesco.tolloi [at] gmail.com

Re: ...zogatoli in tergesteo...

Messaggio da spritz_bianco »

mi credo che rivassi a descriver sforzandome anche come jera disposta la botega dentro...


_________
Francesco Tolloi
Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Re: ...zogatoli in tergesteo...

Messaggio da Zigolo »

babatriestina ha scritto:Savè che quasi no me ricordo? mi andavo de Orvisi..
No de Buchbinder? :-D


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ...zogatoli in tergesteo...

Messaggio da babatriestina »

Zigolo ha scritto:
babatriestina ha scritto:Savè che quasi no me ricordo? mi andavo de Orvisi..
No de Buchbinder? :-D
de quel andava mama.. no son cussì vecia!
certo che mi el pianista Buchbinder, che me par sia specialista de Schubert e che ga sonado un per de volte alla Società dei Concerti,, me vegniva de ciamarlo Orvisi! :-D


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: ...zogatoli in tergesteo...

Messaggio da sono piccolo ma crescero »

babatriestina ha scritto:
Zigolo ha scritto:
babatriestina ha scritto:Savè che quasi no me ricordo? mi andavo de Orvisi..
No de Buchbinder? :-D
de quel andava mama.. no son cussì vecia!
certo che mi el pianista Buchbinder, che me par sia specialista de Schubert e che ga sonado un per de volte alla Società dei Concerti,, me vegniva de ciamarlo Orvisi! :-D
Mi devo esser più vecio de ti :-D perché me par de ricordarme la scrita Buchbinder in un color forsi sul maron su un fondo avorio. Ricordo confuso dei primi anni de vita.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Re: ...zogatoli in tergesteo...

Messaggio da Zigolo »

sono piccolo ma crescero ha scritto:
babatriestina ha scritto: No de Buchbinder? :-D
de quel andava mama.. no son cussì vecia!
Mi devo esser più vecio de ti :-D perché me par de ricordarme la scrita Buchbinder in un color forsi sul maron su un fondo avorio. Ricordo confuso dei primi anni de vita.[/quote]

Mi son più giovine de voi ma de Buchbinder ghe andavo con mia mama.

Dovevo però esser 'sai picio perché i me ga contà che disevo Bubìnde :lol:


Piereto
eximio
eximio
Messaggi: 2935
Iscritto il: ven 24 set 2010, 19:38

Re: ...zogatoli in tergesteo...

Messaggio da Piereto »

Me ricordo de HO ,che iera a conduzion familiare della familia Russian. Credo a causa dei afiti i ga molà el tergesteo a metà ani 90. El fio del proprietario per un per de ani el ga verto un altro negozio de giogatoli all'inizio de via milano. Ma ga comincià a calar la vendita de zogatoli, credo perchè se ga fato strada i gioghi de ruolo del computer co le playstation de Nintendo , e po perchè i modelini de trenini xe diventai sempre più cari. Tuti se movi in machina,in treno va sai pochi,nianche più i noni coi nipoti,e cusì i aquirenti de trenini cala .Le migliori case iera quele gnoche e el marco no aiutava le vendite de Marklin e Fleishman .Poi se vignudi Roco e Klein austriaci,meno cari,e se ga fato strada la Lima italiana ,mentre Rivarossi de Como iera sempre careto. Ogi i trenini xe un setor de nichia. Ricordo che de HO incontravo el compositor Mario Bugamelli grande appassionato de feromodellismo.


molighe el fil
ixolan
ixolan
Messaggi: 232
Iscritto il: ven 2 ago 2013, 21:59
Località: Trieste - quasi San Giovanni

Re: ...zogatoli in tergesteo...

Messaggio da molighe el fil »

Piereto ha scritto:Me ricordo de HO ,che iera a conduzion familiare della familia Russian. Credo a causa dei afiti i ga molà el tergesteo a metà ani 90. El fio del proprietario per un per de ani el ga verto un altro negozio de giogatoli all'inizio de via milano. Ma ga comincià a calar la vendita de zogatoli, credo perchè se ga fato strada i gioghi de ruolo del computer co le playstation de Nintendo , e po perchè i modelini de trenini xe diventai sempre più cari. Tuti se movi in machina,in treno va sai pochi,nianche più i noni coi nipoti,e cusì i aquirenti de trenini cala .Le migliori case iera quele gnoche e el marco no aiutava le vendite de Marklin e Fleishman .Poi se vignudi Roco e Klein austriaci,meno cari,e se ga fato strada la Lima italiana ,mentre Rivarossi de Como iera sempre careto. Ogi i trenini xe un setor de nichia. Ricordo che de HO incontravo el compositor Mario Bugamelli grande appassionato de feromodellismo.
Nei ani zinquanta iero za grandeto e me piaseva sai i modelini de auti dela Dinky e dela Corgi e el più grando asortimento i lo gaveva in Cartoleria Roma dei Tumia e in un negozieto de via Galatti sul canton con via Trento (credo de ricordarme giusto).
Ognidun de queste due boteghe gaveva una vetrina con solo autini
I primi autini no iera bei come quei de adeso che ga i finestrini, le porte che se verzi ma iera poco meio dei autini de lata che i me regalava co iero picio.
Dopo tanti ani li go trovai in tante scatole che gavevo portà in cantina.
Iera quasi dozento anche de altre marche (Mercury, Solido, Penny, Matchbox e altri) ma quei che iero più afezionado iera sempre i Dinky e i Corgi.


sbriso
vilegiante
vilegiante
Messaggi: 60
Iscritto il: gio 20 nov 2008, 0:28
Località: Kanton Zug

Re: ...zogatoli in tergesteo...

Messaggio da sbriso »

er "primo" Accazero lo ricordo metà ani '60 (prima iero tropo picio per ricordar con precision) alla fine dela crose (una sola vetrina con porta a fianco); dopo i se ga ciolto el lato longo dela crose fino al canton dove (me par) iera una vetrina sui due lati (prima me par ghe fussi un negozio de arredamento, o me confondo ?). Te entravi a metà del brazo dela crose, a sx i zogatoli, a dx el reparto modelismo.

In via Galatti angolo via Trento nel 1969 (?) go comprà la mia seconda locomotiva Märklin (la prima iera in un set completo con vagoni e binari), una diesel pagada 11.500 lire. Negozio semplice, ma pien de ogni ben de Dio (modellisticamente parlando).

Altro negozio ben fornido iera in via S. Francesco in basso, vis à vis dela "Croce Rossa/Guardia Medica" a fianco de un paruchier; ogi xe un negozio de strafanici.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: ...zogatoli in tergesteo...

Messaggio da Piereto »

In via Galatti iera el negozio de Dotti un genovese trapiantà a Trieste. Xe tante le volte che son pasà rente e go comprà marklin. In Via San francesco guardavo solo le vetrine, e me par che el tiniva anche minuterie tipo trafilati e ottimi acessori per costruir modelini anche de navi e aeroplani.. El se ga trasferì nei ani 80 ciamandose Tom Hobby in via Crispi . Anche Buchpinder-Orvisi vendeva in secondo pian trenini.


Torna a “Industrie e comerci”