• I Parisi

Al n 5 il palazzo Kalister, del 1881, e dal 1911 dei Parisi. E' opera dell'architetto Luigi Zabeo. Dal 1894 è pure proprietà Parisi.
Mi credo de esserghe stada una volta in visita de muleta, ma no iera dentro i Parisi, che po al epoca i iera za morti quasi tutti, ma solo la governante.

..ma i Parisi, almeno un pochi, xè ancora vivi....conosso uno che xè appassionà de treni....o xè un altro ramo dela famiglia?

Saluti

Tuco ha scritto:
ma no iera dentro i Parisi, che po al epoca i iera za morti quasi tutti
..ma i Parisi, almeno un pochi, xè ancora vivi....conosso uno che xè appassionà de treni....o xè un altro ramo dela famiglia?

sì, dovessi esser i cugini, che xe subentrai dopo la morte de Rodolfo deto Rodolfino nei anni 70 , se ben me ricordo finido soto un autobus a Londra. Un giorno tiro fora una publicazion dela ditta Parisi dei anni 50 e ve ricostruisso la storia.

ma no iera dentro i Parisi, che po al epoca i iera za morti quasi tutti

..ma i Parisi, almeno un pochi, xè ancora vivi....conosso uno che xè appassionà de treni....o xè un altro ramo dela famiglia?

Sì xè un apassionà de trenini el Dr. Stani (Stanislao) Persona veramete coccola e ala man almeno co mi lavoravo per lui.
L'ultimo Parisi che ga abità in quel palazo xè sta Rodolfo, come che gavè dito morto a Londra, e proprio qua xè stada alestida la camera ardente.
Se no sbaglio, nela spartizion del'eredità sto palazo, ghe xè andà ala famiglia Berio (me par mama de Rodolfo) che po lo ga vendù.
El ramo principal dela famiglia xè finido con Rodolfo. Lù el gaveva due zii, ogi entrambi morti: Giannio (Giovanni Battista) ex diretor dela dita F.Parisi e papà de Stani (fio dela famiglia dei conti Vaselli), l'altro, me par Nico, diretor dela filiale de Milan, papà de Franceso attuale diretor dela dita de spedizioni che xè stada fondada dai antenati de Rodolfo nel 1807, che ga la sede in viale Miramare 5.

Spero che ste notizie possi esaurir la vostra fame di sapere

perchè mi no me ricordo altro

Se xè qualche inesateza, me dispiasi, go scrito tuto a memoria.

Ciao
sum culex

Scusa...ma el dotor Stani quanti anni gà (circa...)?

Saluti

sum culex ha scritto:El ramo principal dela famiglia xè finido con Rodolfo. Lù el gaveva due zii, ogi entrambi morti: Giannio (Giovanni Battista) ex diretor dela dita F.Parisi e papà de Stani (fio dela famiglia dei conti Vaselli), l'altro, me par Nico, diretor dela filiale de Milan, papà de Franceso attuale diretor dela dita de spedizioni che xè stada fondada dai antenati de Rodolfo nel 1807,

El baron Giannio e l'altro iera dei cugini, i zii de Rodolfino, premorti a lui , iera el zio Pino Parisi, morto nei anni cinquanta, scapolo, che mi conosso dele foto e che me gaveva colpido perchè el iera un belissimo omo (anche Rodolfino iera famoso come playboy, ma el xe morto anca lu scapolo, e anche lui gaveva perso el papà che el iera picio, a poca distanza del zio). E po el gaveva due zie, Matilde e Margherita, Matilde gaveva sposado in seconde nozze ( senza fioi) l'on Fulvio Suvich, quel che xe stado per un periodo ministro in epoca fascista. Margherita se ga sposado con un Piussi e la gaveva due fie femine, quindi esisti ancora eredi diretti, ma per via feminil. Forsi anche dele fie de un primo matrimonio de Matilde Parisi.

Tuco ha scritto:Scusa...ma el dotor Stani quanti anni gà (circa...)?

Saluti

El dovessi aver ocio e crose,sempre se no sbaglio, torno i 40-45, credo. Forsi sum culex el saverà qualcosa de più.
Ciao ciao

OK grazie...alora xè quel che conosso de vista...

babatriestina ha scritto: Rodolfo deto Rodolfino nei anni 70 , se ben me ricordo finido soto un autobus a Londra.

Rodolfo, deto Rodolfino, e anca el 'contino Parisi' iera un mito per noi muli nei anni 70. El iera spesso al Tergesteo e el parchegiava la sua Roll Royce sul marciapie come se la fossi una volgare 500...
El gaveva anca avudo una storia con la Brigitte Bardot, che per noi iera el massimo.

La morte, banalissima. Nol xe andado soto el autobus, ma el speceto retrovisor del autobus ghe gaveva dado sula testa quando el caminava sul orlo del marciapie in una via de Londra....

Esatto, macondo. Se el fossi vissù, adesso el gavessi la mia età, ghe iera 10 giorni de diferenza tra mi e lui (più vecia mi, naturalmente). Mi lo go conossù che gavevimo circa 12 ani, all' ultima befana del'uficio che go ciapado e i lo gaveva costreto a far el primo discorsa publico dela sua vita.
Ciao ciao

Questa xè la prima machina che gaveva el baron Parisi e xè la prima machina che circolava in cità a Trieste (se no la prima, una dele prime sicuramente)! Quela volta girava ancora in carozza o landò chi che podeva: i altri a pie o coi primi tran a cavai!
Gavemo sta foto perchè l'autista del baron iera el nono de nona picia e de drio xè sentada sua fia (la mama de nona picia).

ciao
sum culex

Bel cimelio

sum culex ha scritto:[...]Gavemo sta foto perchè [...]

No c'entra co' i Parisi, ma cuei pra la` de drio de 'l auto i me da` de logo indove che i tien pecore ... te sa indove che la xe stada scatada e in che ano?

Grazie

Franco

ffdt ha scritto:
sum culex ha scritto:[...]Gavemo sta foto perchè [...]
No c'entra co' i Parisi, ma cuei pra la` de drio de 'l auto i me da` de logo indove che i tien pecore ... te sa indove che la xe stada scatada e in che ano?

Grazie

Franco

No so dove che i iera, penso de qualche parte in Carso e iera sicuramente tra el 1920 e el1925.
Ciao ciao

El monte drio paressi el Concusso

Qunado che Zoomy ga postado el feral del ingresso de Villa Parisi a Cedas, qua
https://www.atrieste.eu/Forum3/viewtopic ... 8758#18758
me se ga impizzado anca a mi una lucetta, e zerca che te zerca, go trovado a casa una vecia rivista anni 50 con qualche foto de quella villa, cussì ve mostro come che la iera quela volta:
la vila i disi che la xe neogotica fatta fra el 1820 e el 1840,per i Vivante, ma se vedi che in sti anni 50 i la ga rifatta al interno:
la villa
Immagine