Beltrame ed altre sartorie

[rofizal]

Qulachidun ga salvado la foto che go fatto dell'insegna ancora presente in Corso nel negozio oggi conossudo come Coin?

Ara... solo perché te son ti!

(xe tanta ancora la roba da recuperar dal vecio forum ma xe un lavoro un poco noioso anche se utile, portè un poco de pazienza )

[rofizal]

A quela foto con domanda ripondeva Kasteliz:

Da Kasteliz on Fri, 10 Dec 2004 20:20

Iera forsi el primo “Grandi Magazzini” de Trieste in Corso 16, dopo, tra la fin dei ’30 e i primo ’40 el cambia in Tessilia S.A. (solo vestiti e straze). In seguito Grandi Magazzini Coin che tuti conosemo.

Upim xe al 18 del Corso.

[rofizal]

E ancora Adler su un altro negozio (no so se la ga za rimessa su sto forum):

Da AdlerTS on Sat, 01 Oct 2005 20:15

Altra tabella che sta scomparendo, via S. Nicolò.

[AdlerTS]

E ancora Adler su un altro negozio (no so se la ga za rimessa su sto forum):

Su Rauber go fato un topic apposito

Grazie per Öhler: in 'sta foto se distingui (un poco malamente) el nome sulle tende esterne.

[macondo]

Se pol notar un poco mejo cambiando el contrasto...

[AdlerTS]

Grazie

[AdlerTS]

Questa se vedi 'bastanza ben

[Zigolo]

E perché quel ga le rece de mus?

[Rawa Ruska]

No se lui. O se un pupolo su la vetrina o qualcosa altro...

Rawa Ruska

[Zigolo]

Mi pensavo che ghe le ga messe el maestro perché ga sbalià i compiti (che el vien de scola xe ciaro parché el ga un quaderno sotobrazo )

[AdlerTS]

Ancora Oehler .... piazza della Borsa ???

[AdlerTS]

Mi scrive un amico domandando altre informazioni su Beltrame, sui componenti della famiglia e qualunque ricordo utile per ricostruire la provenienza di questa famiglia. Se qualcuno può aiutare .....

[babatriestina]

gli ho già risposto privatamente, visto che ha scritto anche a me.

[Ciancele]

De Beltrame go comprà qualcosa dopo la guera, ma poco, perché i vestiti per noi, tuti mas’ci, mia mama li fazeva far de un sarto, un artigian senza nome, ma no’l iera malvagio. La stofa la compraimo de ani sempre de un sul canton de via Mazini co’ le rive. De solito Zegna, che quela volta iera ai principi. Le scarpe le fazeva mio zio, su misura, co’l xe tornà nel 1946 dopo la prigionia in Chenia. Un poco con lu, un poco con Tarzan go imparà a parlar suaheli. Se no me sbaglio o confondo, Öhler iera in corso, sula sinistra, sul canton de l’ultima casa. El gaveva, se ben me ricordo, do o tre grandi vetrine. Nel 1938, co’ ga comincià le dimostrazioni contro i ebrei, i ne ga mandà fora de scola a far dimostrazion. Mi go visto che un tirava sasi contro le lastre e un comeso zercava de parar, come Striuli, ma senza suceso. No so se Öhler iera ebreo. Me ricordo che se diseva che Öhler regalava sempre un balon ai pici. Se contava alora: Te sa che diferenza che pasa tra l’ospedal e Öhler? In ospedal te va col balon e te vien fora col fio, de Öhler te va col fio e te vien fora col balon.
Chedderidder : clapping_213:

[Piereto]

Co iero a Graz,anche de recente, ghe xe anche la un negozio de vestiti Ohler.Che fusi sta sempre el steso verto in più cità dell'impero ex AU ?

[Nona Picia]

quando iero muleta e andavo a Graz ogni anno, ghe iera un grande magazin a più piani con all'ultimo un ristorante, che se ciamava Kastner und Oehler.L'ultima volta lo go rivisto nel 1965.

[sbriso]

(...) mentre el magazzini Trieste dovessi vender pruncipalmente abiti confezionai, maie, etc..

... i iera tutti istriani e esuli (nel senso che i gaveva lassado tutto e i se gaveva trasferido a Trieste)...

Difati mia nona diceva la la gaveva comprà quela certa roba "là dei esuli" ...

[sbriso]

Beltrame iera un'istituzion a Trieste: quel grande negozio in Corso iera per anni sinonimo de eleganza.
Paroni Umberto e Giovanni Beltrame. La ditta non iera solo in Corso, però: in via Besenghi, per esempio, iera la sede dove i fazeva le divise per i tranvieri, le guardie municipali e i dipendenti in genere del Comun. Chissà dove i se rifornissi oggi ?
All'inizio iera più strettamente sartoria, dopo coi anni se ga evoludo in negozio de abbigliamento. Nei anni de massimo splendor, i titolari andava in giro per l'Europa a procurarse i modei da realizzar qua a Trieste. Iera spesso persone importanti della città che se riforniva de lori.
Credo che sia stado dichiarado fallimento nel 1994.

Metà ani '80 andavo là a farme cior le misure dela divisa dele FS (iero capostazion) che dopo ritiravo in segreteria sul lavor; ma no i le fazeva lori, i iera solo un intermediario, l'apalto lo gaveva el Gruppo Finanziario Tessile (GFT) che, se ricordo ben, iera conossù per el marchio Facis. Mia moglie (anca ela in ferata) dizeva che iera veramente bona roba.

[Nona Picia]

Mio papà e anche mio marì se fazeva i vestiti là....e là mi de picia go conossù el mitico maestro De Iurco

[AdlerTS]

Ancora su Öhler .... questo xe un dettaglio del volantin pubblicitario della mostra de queste settimane a palazzo Gopcevich sulla Trieste del 1913