negozi che verzi, negozi che sera..

[babatriestina]

PS: ve ricordavi che Standa voleva dir "Società Tutti Articoli Nazionali Dell’Abbigliamento e Arredamento"

A mi i me gaveva contado che voleva esser Standard, ma che in epoca autarchica i ga dovudo italianizzar in Standa.
Certo che a Venezia, al Lido, la iera ben prima che a Trieste, za nei anni '50.

[AdlerTS]

Giovedì 16 ottobre 2008 a partire dalle ore 19 Bradipo Travel Designer celebra il suo arrivo a Trieste con un cocktail dinner nella nuova sede di Via Torino 34, all’interno di un palazzo storico nel centro della città.

La descrizion de sta boutique dei viaggi dal loro sito uficial:

Le Boutique Bradipo Travel sono veri e propri salotti cittadini, al piano nobile di palazzi storici delle principali città italiane, un ambiente distintivo e unico dove ogni dettaglio contribuisce a comunicare la passione per il viaggio. Gli ospiti della Boutique possono sentirsi come a casa, la loro e quella del Travel Consultant; un luogo riservato e ricercato dove assaporare la magia del viaggio ancora prima di partire attraverso un’atmosfera unica fatta di fotografie, libri di viaggio sapori, suoni e profumi di terre lontane Qui, il cliente potrà rilassarsi e incontrarsi con il proprio Travel Consultant con cui disegnare il prossimo viaggio su misura. La Boutique sarà il luogo di ritrovo per clienti ed amici, che potranno partecipare ad eventi e serate a tema dedicati al viaggio e al tempo libero; assaporare cibi e bevande raffinate che ricordano destinazioni vicine e lontane o; organizzare meeting di lavoro o feste private.

[rofizal]

I me ga dito che i ga verto anche un novo negozio de vestiti de cui no me ricordo el nome (una cadena nazional? o spagnola?), su quattro piani me par, là dove iera Beltrame.

[babatriestina]

I me ga dito che i ga verto anche un novo negozio de vestiti de cui no me ricordo el nome (una cadena nazional? o spagnola?), su quattro piani me par, là dove iera Beltrame.

alora, i piani xe 3, i la ga averta de un pochi de giorni e la xe piena de gente che ghe va dentro e fora. La se ciama H&M, no me ricordo de dove che la vien, (Nord Europa?), la spagnola xe Zara e i disi che la vegnerà là de Upim in Corso.
Sto novo negozio.

ga vestiti assai a bon prezzo, per curiosità go vardado le etichette: la più parte Made in China, meno un che iera Made in Turkey, go vardado la composizion dele stoffe, che per legge devi esser scritto: 75, 80% acrilico e el resto un poco de lana, in general.. , mi definissi un negozio de qualità modesta. Insomma, in version de lusso no tanto diferente de un negozio de cinesi

De Zara, go visto fora Trieste un magazzin: scartado subito per mi, roba zuzadina per mulette magre..

[Zigolo]

Bradipo Travel Designer celebra il suo arrivo a Trieste

Certo che con quel nome (gavè presente come che se movi un bradipo?) se sa quando che se parti, ma no se sa quando che se riva

Comunque me par de ver capì che se normalmente organizarse un tour in agenzia costa 10-20 volte de più che rangiarse sul posto (per ver le stesse robe), qua saremo circa 100-200 volte

[babatriestina]

ecove una foto de un per de giorni fa sula porta del novo negozio in Corso, presentazion elegante, senza dubbio, ma qualità..

[AdlerTS]

... e alberghi che verzi !

El 15 Dicembre inaugura l'Hotel Victoria in Oriani, 2 nel "Lo splendido palazzo storico risalente alla prima metà dellOttocento è caratterizzato da linee armoniose e raffinate, che racchiudono ambienti esclusivi e curati nei dettagli."

Notizia completa qua

[babatriestina]

... e alberghi che verzi !

El 15 Dicembre inaugura l'Hotel Victoria in Oriani, 2

giusto lo vardavo giorni fa vegnindo zo per via Madonina!!
bisogna dir che, almeno secondo mi che ghe passo spesso, la zona de Barriera xe cambiata in meo de cussì a cussì ( movimento de man che se gira). E anche la zona che qualchedun ciama Balkantown, fra Barriera e san Giacomo, per i prezzi bassi dei affitti che attira i imigrai, xe una zona de negozietti, artigiani.. piuttosto cocola.
E se volè auguri de Nadal vecio stile, li trovè in Barriera, di fronte al albergo , nela vecia cartoleria Paghi. Affretteve, perchè la signora che la la gestissi ga i sui anni..

[babatriestina]

.
El 15 Dicembre inaugura l' Hotel Victoria in Oriani, 2 nel "Lo splendido palazzo storico risalente alla prima metà dellOttocento è caratterizzato da linee armoniose e raffinate, che racchiudono ambienti esclusivi e curati nei dettagli."

eccolo qua illuminado


Me domando che ben che dormirà de notte i clienti, se le camere de letto ga ste finestre con tuta sta iluminazion. Mi no vedo nè scuri nè rolè... adesso sta deventando una mania far le case senza scuri.

[Nona Picia]

I ghe gaverà messo le tendine "FS" che sicuro costerà meno dei scuri e dei rolè.

[Nona Picia]

Zampolli in Viale ga chiuso.... McDonald al Giulia ga chiuso.....ma riaprirà.....e dove? Ma al posto de Zampolli, naturalmente! E Zampolli? Qualchedun me sa dir se riaprirà?

[AdlerTS]

In Acquedotto non manca gelaterie ...

[babatriestina]

In Acquedotto non manca gelaterie ...

vero, ma mi per anni o Zampolli o gnente..
che po xe altri due Zampolli in città, i xe omonimi ma no istessi gestori
Cussì iera 3 anni fa..

[Nona Picia]

In Acquedotto non manca gelaterie ...

Ti no te ga passado serate estive o ultimo giorno de scola de Zampolli!
Quela volta noi se la passavimo cussì!

[babatriestina]

e anche el gelato el dopopranzo dela Cresima!

[Zigolo]

Ti no te ga passado serate estive o ultimo giorno de scola de Zampolli!
Quela volta noi se la passavimo cussì!

Gianduia 110 lire, berlina 130.

E un camerier che diseva: "Onde evitare onde e spiacevoli inseguimenti, se pregai de pagar subito!"

[babatriestina]

Gianduia 110 lire, berlina 130.

pallina unica 70, doppia 120 e 120 anche el melon, gelato de melon in fetta de melon vero. Al principio del mese cola paghetta ghe la fazevo per quei de 120, ala fin del mese ripiegavo su quei de 70..

[LELA]

Che bruta notizia, ma come se pol serar 'na gelateria che la jera e la xe sempre stada un'istituzion in Aquedoto? Mi sinzeramente no' e frega un acidente de MacDonald e son pienamente dacordo su quel che gà scrito nona picia, babaTs e Zigolo!
Anca par mi, che pur no' gavevo tanti schei - comunque el gelato me lo ofriva le compagne de scola - jera 'na tradizion pasar par l'Aquedoto e fermarse de Zampolli ala fin del'ano scolastico.

Ciau ciau, sempre con simpatia, Lela.

[babatriestina]

pensè che mi, e no son l'unica dei forumisti qua, passavo per l'Aquedotto ogni giorno andando su e zo de scola ale elementari.. però le gelaterie serava de l'autunno ala primavera, e se consolavimo cole castagne roste in autunno, sui do cantoni dela scola. ma co verzeva Zampolli, fin marzo, primi de april, iera una festa!

[Zigolo]

pallina unica 70

In pìe al banco 50, diese lire in più per el cono speciale e, propio volendo sbregar, vinti o trenta lire de pana...