Corridoio V

Via nave, via treno, i tram, i autobus, ... tuto
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Corridoio V

Messaggio da babatriestina »

Piereto ha scritto:Mi go fiducia che forsi i nostri nipoti riverà a veder che la stazion de Trieste dela linea veloce sarà quela de Opcina,e la smonterà chi che vien da Lione,da Venezia se i vol far presto, o da Kiev.Poi i ciaperà se i vol el tran de Opcina o una navetta feroviaria che li porta zo per Rozol in stazion de Sant'Andrea, che tornerà a funzionar.Xe anche el percorso più curto. .
Digo istesso anche mi de anni. Vardè Lione, la stazion TAV xe lontana del centro..


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Corridoio V

Messaggio da Piereto »

El WWF colpisi ancora. :doh_143: Ogi go inteso una intervista radio a Predonzan, dove che el disi che lu no xe d'acordo,che xe una conventicola de aministratori regionali che sburta per far la alta velocita ,ben savendo che 7,5 miliardi de euro no i li toverà mai per realizar l'opera,e inveze i xe invischiadi ne la costruzion de autostrade. Me par un discorso per niente lucido. Se no te va le autostrade te devi doprar la ferovia,ma alu no ghe va nè l'una nè l'altra. Poi i ga presentà una sfilza de altre oservazioni sui lavori,i clasici bastoni fra le riode,disendo che manca quel documento,che i calcoli xe fati mal, etc etc. Ora mi digo : no xe nè la regione,nè l'italia che vol l'alta velocita ,ma xe un piano della UE. I verdi disi che no ghe xe i benefici a fronte de i alti costi. Ma quando mai. Adeso i ragiona come capitalisti quando che ghe fa comodo. Le opere publiche molte volte le vien fate anche in prospetiva de svilupi ulteriori,cioè per el futuro. Po i disi che scavar 14 chilometri de galerie se rovina el carso. Esisti i mezi tecnici per sorpaasar qualsiasi buso che se dovesi incontrar. Xe molto strano che i parli adeso soto elezioni, e no xe per niente strano che la radio e i giornai ghe daghi spago sempre a chi che protesta,e minimizi quel che fa chi che inveze aministra. Ogi ghe iera anche una altra perla per radio ,e la meto qua,.Save che el bon Maresca gaveva un miliardo de lire che ghe vanzava per el porto,e lo ga adoprà per restaurar un magazin el 23 che nisun doprava, (forsi per darghe una man a qualche costrutor). Ben adeso Sgarbi xe d'acordo che se podesi scarigar in sto magazin una sucursale de la bienale de Venezia. Diseme se anche questa no xe una mosa eletoralistica. Logicamente la MOnassi xe pronta a sospender el punto franco per far aceder i futuri spettatori. E caschemo ne la solita storia vecia come el porto. Ghe xe un porto e se devi falo funzionar come un porto.Se no te son bon o bona,te va via. Xe tanto dificile trovar una scova nova.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Corridoio V

Messaggio da babatriestina »

Piereto ha scritto:Save che el bon Maresca gaveva un miliardo de lire che ghe vanzava per el porto,e lo ga adoprà per restaurar un magazin el 23 che nisun doprava, (forsi per darghe una man a qualche costrutor). Ben adeso Sgarbi xe d'acordo che se podesi scarigar in sto magazin una sucursale de la bienale de Venezia. Diseme se anche questa no xe una mosa eletoralistica. Logicamente la MOnassi xe pronta a sospender el punto franco per far aceder i futuri spettatori. E caschemo ne la solita storia vecia come el porto. Ghe xe un porto e se devi falo funzionar come un porto.Se no te son bon o bona,te va via. Xe tanto dificile trovar una scova nova.
I ga fato el Porto vecio ala fin del ottocento e za soto l'Austria dopo un poco i se ga inacorto che nol andava bene e i ga cominciado el Porto Novo, col Molo Settimo finido apena nela seconda metà del Novecento. Insoma sto Porto vecio come porto nol va ben e come porto dovessi eser el porto novo. Ma el xe blocado anche dei vincoli del portofranco, quindi come porto no, che ghe xe el novo aposta, come non-porto gnanche e po i se lamenta che el casca in tochi e paressi che el servi solo a qualchedun per farse i afari sui a costi bassi. Sbaglio in qualcossa? 8)


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Corridoio V

Messaggio da Piereto »

No te ga tuti i torti. Tuto el fronte mare de la cità xe aministrà dal porto e no dal comun,perchè le navi scarigava dapertuto e su tute le banchine,una volta ai tempi de l'A. Ma i fondai del porto vecio xe sui 13 metri e i xe ancora atuali. Quel che manca xe i trafici,perchè sia el governo central,che i capitalisti italiani no se gà mai interesà de comerci col centro oriental europa.Quel che adeso sta fazendo Capodistrtia. Unicredit ga bori che vol far frutar,e dove che xe le condizioni migliori la i li impiegherà. Xe tanti magazini in porto vecio,che i xe in parte svodi e in parte pieni e che no i ga manutenzion de almeno 60 ani. Xe magazini fati su più piani ,ogi che va tuto per container. e le merci se scariga porta a porta e no se li lasa tropo tempo in porto. Ma aTrieste el porto xe nato anche per trasformar le merci. Per manipolarle. Xe questa la potenzialità de Trieste che non vien fata sfrutar. Un pochi de magazini se pol butarli zo e trasformarli proprio perchè xe una zona industriale e la sovrintendebnza dovesi star zita. Inveze pasa tuto per archeologia,perchè xe tuto fermo.Prima la guera freda,poi la concorenza dei altri scali nazionali,la mancanza de linee de navigazion,e el disinterese dei operatori capitalisti italiani per l'oriente europeo. Ma anche la soluzion de eliminar el porto vecio per far case de abitazion ,bareti, pasegiade e edifici publici,con una cita de meno de 200000 abitanti che resta più o meno stazionaria xe una soluzione solo per i costrutori,sempre che i trovi chi che ga bori per comprar o per ormegiar barche che pesca tre metri su fondai de 13 . Xe un riuso che no porta trafici e richeza per trieste,ma solo per chi che costruisi. Se se vol far funzionar le robe bisogna darghe el porto a chi opera con i trafici, ale grose case de spedizioneri come che iera e xe ancora Shenker ,Maersk,Evergreen. Quando che Marsk xe viniù per aministrar el molo7 ,i ghe ga meso le bombe. E alora ?.


VetRitter
Citadin
Citadin
Messaggi: 1165
Iscritto il: mar 13 ott 2009, 16:25
Località: Piacenza (provincia)

Re: Corridoio V

Messaggio da VetRitter »

no vivo in cità, e non conoso niente de l'economia politica regionale e provinciale. Doverosa premessa.
Piereto ha scritto:trasformar le merci. Per manipolarle.
ma se poderia far queste robe quasi in centro cità? magari le trasformazioni no le saria inquinanti come una Feriera, però lo steso xe un spazio fracà tra mar e ferovia, con dificili colegamenti con le autostrade, a meno de pensar a prodoti de uso locale.
no se risciaria de butar via altri bori?
forsi per sfrutar i fondali e la ferovia i podesi pensar a struture per navi pasegeri, se ghe fosi compagnie de navigazione e turistiche che ghe interesasi Trieste e tuta l'area intorno, digo fin Viena e Lubiana..
saluti


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Corridoio V

Messaggio da babatriestina »

ve dirò che xe tante robe che no sempre capisso.
El portofranco de Trieste xe nato con una città tuta portofranco ( ghe iera el dazio ai bordi dela città) e no la gaveva collegamenti boni per terra, solo per mar: fin a metà Ottocento el idea iera che le merci rivassi in porto a Trieste per nave e de là con altre navi le rivassia destinazion, magari manipolade. E me domando che senso gaveva e come iera che funzionava che i vegniva a farghe far tuto el Adriatico in suso per po magari farghe far el Adriatico in zo.
Po xe rivada la ferovia, prima la Meridional a metà Ottocento e po la Transalpina ai primi del Novecento. Do ferovie diferenti, con stazioni diferenti, e colegade solo dela linea del trenin dele Rive-. E de sto momento el porto ga cominciado a esser soprattutto colegado col entroterra e xe sparido el portofranco dela città, restando solo un puntofranco in porto. Ga cominciato l'attività industrial, vedi Ferriera, e i traffci ferroviari xe stai sostegnudo con tariffe agevolade ( in perdita? ma perchè ghe convegniva, alora?) per evitar el confronto coi porti del Nord. Che xe più lontani, ma xe tuto pianura ( e fiumi) e no xe le Alpi de passar.
Po no dimentichemo che a un zerto punto ga serado Suez, e po no xe solo che Trieste, qualchedun fazeva notar che tuta l'Italia xe tirrenocentrica, el Adriatico i se lo ga un poco dimenticado. E che fra le do guerra, la linea Transalpina passava per la Jugo de allora , che no agevolava sempre el traffico de Trieste verso l'Austria sulla sua linea..
Mi resto de l'idea che sia el Porto novo de potenziar, perchè xe quel che xe più moderno, e el Portovecio mi lo vedessi piutosto ( senza punto franco, de spostar al Portonovo e a Farnetti) come porto de diporto. Gavè presente , se andè a Venezia d'estate, tuti i yacht ormegiai in giro? e no podessimo atirarli noi? ( magari metendo treni veloci per Venezia? un ormeggia a Trieste e no a Venezia perchè ghe costa meno, e po el va a venezia in treno.. e crear una Montecarlo, ma come porto turistico.. se po i ormaggia de noi e i va afarse spelar a Lipizza, zerto, invece che un Parco del mar o un acquario un casinò per i polastri che ghe buta bori saria bel..
gavemo la sacheta piena de barche che un posto barca a Trieste i me disi che xe dificilissimo e carissimo de trovar: negozi de accessori per barche, velerie,tuta roba che porta bori... mi lo vedessi assai giusto, no traffici e industrie rente dela città, quele sta bene nel porto novo, che ga drio la zona industrial- de meter a posto e sfruttar. E trovar un colegamento feroviario del porto novo al carso, dove che dovessi rivar el ramo principal dela TAV. Colegada con trenini navetta ale do stazioni cittadine.


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Corridoio V

Messaggio da Piereto »

Alora nel l'800 le merci iera più comodo per l'austria ungheria che le entrasi con un colegamento maritimo nazionale che sborsar bori e pagar la germania. Co Suez xe sta ancora meio per via del colegamento direto. La fortuna dei comercianti triestini xe sta anche quela de trasformar le materie prime,e far dei semilavorati,Se comerciava co le americhe legname pregiato,cafe,cacao,zuchero de cana,che xe sta sai tardi che se gà doprà le barbabietole,e el zuchero po xe viniù da l'ucraina,e el petrolio anche viniva dal mar nero (Molo zero del porto vecio el primo deposito). Arivava i semi e le farine le veniva lavorade a trieste Prima tase base e porto franco citadino per avio,e poi solo porto franco perchè bisognava far casa,e ciapar i soldi del dazio interno. Ferovia sudbahn,privata dei rotschild,che ghe dava bori a l'austria contro le guere de indipendenza italiane,e po no gà tira fori bori per far la guera de Crimea che l'austria no gà fato. E cusi i se gà comprà le ferovie,e la magior parte del costo del biglieto andava a Rotschild. . Anche lo stato voleva far cassa e alora ga costrui le linee feroviarie statali. Xe andada avanti l'atività maritima e anche quela industrial,espandendose adiritura in bisiacheria,perchè i magazini in porto vecio iera pieni de roba e se ga fato el porto novo per aver altri magazini. Difati xe sta creadi i magazini generali. L'Italia no ga podesto sostituirse all'Austria sia perchè la iera finanziariamente a tera per la guera ,sia perchè i francesi no ghe lasava.(i fazeva afri coi serbi co le miniere). Far industrie de trasformazion legere in cità xe oramai tropo tardi, e probabilmente el porto comerciale vecio sparirà,però nol funziona perchè no xe i trafici ,e le ferovie no vol ripristinar i collegamenti. Semo cari perchè el sistema economico italian,stato sociale e tasse,costa de più de quel sloven. Per el tratato de pace del 47 el porto podesi servirghe inquanto sotto la tutela dell'ONU,roba che no xe stada eliminada da acordi tra Italia e Yugoslavia per spartirse el TLT,a tante nazioni iscrite a L'Onu, e in primis quele nazioni europee che no ga sboco al mar. Ma ste nazioni no se fa vive,come L'Austria,perchè el stato sociale italian ga un costo più grande e burocrazia magiore,e ghe convien in quanto ad efficenza andar ad Amburgo o roterdam. Savè che persin l'Austria negà abandonà, e el porto preferido xe quel de Capodistria. L'economia austriaca xe picia e i ga za investi una volta in ste tere ciapando un bidon. Per mi no ga prospettive l'uso de trasformar el porto vecio in un porto turistico. I aprodi per i triestini costasi un capital, e tuti anche adeso preferisi star al vilagio del pescatore che venir in sacheta. Saria seconde e terze case comprade dai fondi de investimento ,americani ,olandesi che gà ristruturà el tergesteo.Preferiso zercar de impinir un magazin ,che no far una mostra de Sgarbi per i turisti.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Corridoio V

Messaggio da babatriestina »

per i costi delle ferrovie austriache di fine Ottocento, riporto:
la tariffa ordinaria per un carico di cotone da Trieste a Vienna avrebbe dovuto essere 973 corone, ma la tariffa adriatica agevolata abbassava il costo a 200 corone; un vagone di vetro di Boemia da Praga a Trieste avrebbe dovuto costare 1.336 corone, ma la tariffa agevolata lo riduceva a sole 195 corone
Fonte: Monografia sulle condizioni economiche e sociali del territorio di Trieste- Camera di commercio s.d. ( 1953?) pp.19 e seg, citato da Rusinow L'Italia e l'eredità austriaca.


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Corridoio V

Messaggio da babatriestina »

Piereto ha scritto:Per el tratato de pace del 47 el porto podesi servirghe inquanto sotto la tutela dell'ONU,roba che no xe stada eliminada da acordi tra Italia e Yugoslavia per spartirse el TLT,a tante nazioni iscrite a L'Onu, e in primis quele nazioni europee che no ga sboco al mar..
e in più i sostien anche che el xe fora dela CE, quindi no vedo perchè i stati europei dovessi andar a servirse de un porto extracomunitario. :shock: e in più se i aplicassi per bon anche el porto de Capodistria saria fora dela Slovenia :-D perchè xe zona B del TLT :twisted:
e me domando alora CHI pagassi i colegamenti de trasporto ( incluso el Corridoio V- che xe una infrastruttura europea) per un posto fora dela CE: el ONU??? ;--D


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Corridoio V

Messaggio da Piereto »

Un che vien de fora e no xe comunitario ,in un porto internazionale el dovesi pagar solo l'uso de le attrezzature e nisuna tasa ,e el podesi tenir le merci dentro el porto e manipolarle.Quindi lavor per i triestini. No sucedi cusì perchè l'italia vol farse pagar. Quando se esci dal porto e se entra ne la comunità europea se paga el Dazio. El porto de Trieste podesi tornar a diventar un porto de sosta de merci,pero che no dovesi eserghe tase. Per un de la comunità europea inveze l'interzionalità ghe podesi servir solo per manipolar merci in uscita e ghe dovesi costar de meno che lavorarle ne la comunita,perchè el porto esendo internazionale el saria de tuti e QUINDI LAVOR PER I TRIESTINI. Bel no xe vero.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: Corridoio V

Messaggio da Piereto »

Per el coridoio 5,bisognasi domandarghe a Barroso perche el vol andar da Lisbona a Kiev in treno e nol ciol l'aereo. Forsi el sofri de mal de aereo. :lol:


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Corridoio V

Messaggio da babatriestina »

Piereto ha scritto:Per el coridoio 5,bisognasi domandarghe a Barroso perche el vol andar da Lisbona a Kiev in treno e nol ciol l'aereo. Forsi el sofri de mal de aereo. :lol:
Beh, mi no so Barroso, ma se mi trovassi un treno che me portassi dritta de Trieste a Kiev in poche ore saltassi subito suso :lol:
Come che vado a Parigi in treno e no in aereo. e no xe che sofro de mal de aereo, ma solo perchè me xe più pratico, fra spostamenti, aeroporti, cambi de aereo, bagagli..etc. E po, no go dati precisi soto man, ma go idea che del punto de vista del consumo energetico oltre che del inquinamento el treno sia assai meo del aereo. ga cominciado la Francia, co i se ga inacorto che per rivar de Parigi in Costa Azzurra ( e a Marsiglia) inveze che col aereo, se fazeva tempi no ssai diferenti col treno TGV. Mi go ciolto sti treni in Francia e i me ga assai soddisfatta, i va come balini. Se pensemo che qua se ghe metti un'ora col bus solo c he per rivar a Ronchi, de dove che po no se riva dapertutto,anzi, ma xe de cambiar, o bisogna ciapar la macchina e andar a Venezia o Lubiana.. certo, se volemo sostegnir la Fiat e i automobilisti in genere, continuemo pur a andar in macchina, magari no stemo lamentarse che la benzina xe cara, le autostrade intasade de TIR e un bon numero de incidenti sule strade e continuemo a domandar la terza corsia, po la quarta...


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Corridoio V

Messaggio da Piereto »

Te ga perfetamente ragion. Anche mi amo el treno.Dei pasegeri su Lisbona- Kiev ai triestini ghe importa poco,inveze xe le merci el piato forte.Venindo de suez te meti sul treno e te le porti in spagna e portogallo,e te va in quela zona centro orientale europea con una linea moderna,veloce e sicura. e no co quele de 100 ani fa. Piutosto quel che me preocupa ,no xe tanto le monade dei verdi o i triestini cher no ghe riva, xe inveze el coridoio adriatico -Baltico,dal quale semo fora. Fa parte sempre de quela zona che dovesi gravitar su Trieste.E inveze ,mancando l'interesamneto del governo talian,el porto terminale adriatico sarà la solita capodistria. Xe una inezia de pochi chilometri. Me vedemo tuti la dificoltà de cior el treno a trieste per andar a Lubiana,e figurarse le merci. E xe de novo evidente che i sloveni no vol far quei sie chilometri soto rabuiese per colegarse. Gavemo za afrontà tante volte el problema del treno, e tuto dipendi da la forza economica,e el peso politico che gà i capitalisti che investi ne le autostrade e i petrolieri,che no molerà mai ,e silurerà qualsiasi governo che ghe rema contro,o se volè apogerà non importa chi ,pur de continuar a magnar.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: Corridoio V

Messaggio da Piereto »

El nostro porto xe l'unica zona franca della comunità europea,in quanto preesistente alla comunità stessa e approvato dall'Onu. Quindi i aministratori locali no xe che noi sa, noi vol sfrutar sta posibilità.. Cioè no se pol. Penso ai 200 poveri muli dell'alacatel che finisi adeso de lavorar. I monta e salda tochi che viem de fora,per far telefonini, perchè la casa madre ga deciso che costa de meno molar l'italia e andar in Romania. Ma nisun ghe ga dito che i pol inveze andar a far saldadure in uno dei tanti magazini del porto franco vecio . Le componenti no ocoresi nianche che i le importasi nella UE,tanto xe tuta roba asiatica ,forsi malese o cinese,, I le montasi a Trieste in porto,e la andasi libere per altre parti senza pagar tasse all'Italia.Solo entrando in UE i telefonini pagasi. Ma evidentemente quei che i vol far apartamenti in porto i ga tuti i santi che i li protegi. Nel fratempo el WWF continua a parlar mal del'alta velocità, disendo anche che co la ferovia ariva retificada in galeria sul carso, el treno anderà a 60 KM l'ora,altro che alta velocità. Ma xe evidente che un treno che viagia a dozento per fermarse a Opcina el devi frenar prima. Anche quando el TGV riva a la Gare de Montparnasse i ultimi 15 Km el va nè più nè meno come un treno normal.No per questo i parigini ga dito che no lo vol. E el milion de metri cubi de material de scavo servirà finalmente a imbunir per far el molo otavo,cioè una altra piataforma logistica ,cusì no cori far el canal a monfalcon. Gavè oservà che finora el WWF nol ga prodoto nisun documento contro el progeto Unicredit.Gata ci cova.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Corridoio V

Messaggio da babatriestina »

El discorso del coridoio V xe che:
1 no i se ga messo dacordo se i lo vol far per le merci o per i passeggeri
2 no i ga capido ancora che nol ga de finir a Trieste ma el servi per andar oltre
3 el Veneto se sta becando per el percorso balnear per farlo fermar in tute le stazioni per el mar. Za adesso no se discuti che el se ferma a verona, padova, forsi anca Vicenza, insoma saltassi solo che Desenzano con Gardaland! vederè che magari i rugnerà. Ma savè che el TGV francese de Lione el va dritto fin Parigi senza una sosta?
( ste due se riassumi in : vardemo solo el nostro paesel)
e no dimentichemo che semo per adesso colegai solo con quela linea -budel che passa dela stazion central fin a Monfalcon, che basta che ciapi fogo un per de piante ai bordi ( che no i controla e no i taia?) e tuto el trafico xe bloccado - iera un per de giorni fa


( per el punto franco in porto, ogi sule segnalazioni iera una interessante osservazion..) Delocalizzar in punto franco? sì abbatti le tasse, ma i operai, come li paghemo: paghe europee? paghe de terzo mondo? normative sullatutela dei lavoratori e in genere sui contratti de lavor, quali leggi se aplicassi? te sa che no rivo a imaginar... ghe convegnissi ai operai andar a lavorar ?


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Corridoio V

Messaggio da Piereto »

Te voio ricordar che l'Eire, un diese ani prima de entrar ne la UE.la gaveva una zona franca. I operai iera pagadi secondo la normativa irlandese. E l'irlanda ga avù un boom economico notevole. Adeso i xe ne la UE, e no xe più zona franca ,e anche lori i xe de novo in crisi. In Romania el costo dei operai xe più baso e anche l'iva ,ma xe componenti che vien de fora come ogi a Trieste. El vantagio saria che le componenti no paga el dazio per vinir in europa e el prodoto va fora europa senza pagar. Ma mentre asisteremo a continue emigrazioni de fabriche da un paese al'altro dove che costa de meno i operai, e se pol inquinar,a Trieste costeria sempre un poco de meno che ne la UE e el lavor podesi eser de qualità pagà secondo el costo dei precari come ogi,che xe l'unico modo per no serar.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Corridoio V

Messaggio da babatriestina »

Piereto ha scritto:Te voio ricordar che l'Eire, un diese ani prima de entrar ne la UE.la gaveva una zona franca. I operai iera pagadi secondo la normativa irlandese.
e te vedi, inveze qua i disi che la zona franca NO dovessi seguir la normativa italiana :shock: Mi no capisso gnente.


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Corridoio V

Messaggio da Piereto »

Anche mi son convinto che nel porto franco come che xe scrito nero su bianco,no val le legi italiane, e quindi el porto devi eser aministrà in completa autonomia. Ma sicome xe da sesanta ani che no se ragiungi sto obietivo,e nisun xe capace de farghelo riconoser a Roma,za el solo fato de verzer i cancei del porto a le industrie e ai grosi spedizioneri,aiutasi a smover le aque.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Corridoio V

Messaggio da babatriestina »

Piereto ha scritto:za el solo fato de verzer i cancei del porto a le industrie e ai grosi spedizioneri,aiutasi a smover le aque.
ma scusa, el atual porto ( vecio e novo) xe sempre in regime de puntofranco, apunto del trattato de pase, e xe per quel che chi che ghe xe dentro lavora comodamente in esenzion de tasse. Solo che nel novo no me par che cressi assai anzi, e nel vecio xe quatro gati. Perchè no riva altri, che el regime de punto franco GHE XE ZA ? ( NB dovessimo lassar sto topic del Corridoio per andar a quel del porto..) tornando al Corridoio e ligandolo al discorso del punti franco, metemo che i decidi che el punto franco no solo xe in regime doganal speciale, ma no xe gnanche Italia e gnanca Comunità Europea: chi te vol che ghe paghi alora le linee de colegamento? per favorir un porto che ghe portassi via lavor ai porti italiani e europei? :twisted:


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Corridoio V

Messaggio da Piereto »

Giusto per restar agiornadi,prosegui la telenovela del coridoio 5 ,la tav che no solo WWF no vol .No basta quei de la val de susa,ma adeso ghe se meti de mezo anche el Moretti delle ferrovie,che el ritien che no ocori colegar meio Milan con Venezia. I Veneti po continua con la idea bislaca de propor la variante a mare ,come se una linea super veloce se dovesi fermar in ogni stazion a scarigar bagnanti coi ombrelloni e borse de picnic. Per fortuna esisti anche una cordata de imprenditori veneti che xe pronti almeno a parole a far de soli. El Moretti continua anche con la pubblicità del treno Milano-Roma in do ore e venti. Noi a Trieste inveze de riverzer el scalo de barcola per permeter el colegamento del alpe adria terminal ,gavemo trovà 500.000 euro per verzer un varco al cavalcavia e asfaltar las trada interna al porto vecio e utilizar el magazin 27 quale succursale de la bienale de Venezia. Mah!


Torna a “Trieste e i trasporti”