autobus

[babatriestina]

per i appassionati de autobus, go becado ieri i primi novi autobus del novo tipo snodai, linea 10 in piazza Goldoni:

i xe cussì longhi che no arivavo a ciaparli tutti

[Bilbo]

li go visti co i xe rivai, i iera ancora senza targa...

l'act se ga butado sui mercedes....

[babatriestina]

va ben reclam, ma questi me par un fià troppo (stamattina in Piazza dela Repubblica)

[Golfoblu]

Che percorso fa i snodai ? Pensando ale manovre in zerte vie.........

[babatriestina]

Che percorso fa i snodai ? Pensando ale manovre in zerte vie.........

solo certe linee: la 36 estiva, che va del Giardin al Bivio de Miramar : nol podessi andar zo fin Grignan, el 9.. dele linee che ciogo mi: la 10 ??

[Bilbo]

6, 35 9 e 10, ma comunque in tute ste linee no ghe xe solo snodai....

[AdlerTS]

go sentido che i vol comprar anche un per de cosidetti "seesighting bus", quei a due piani, ma "cabrio"

[1382-1918]

Magari l'idea no xe mal, ma girar con un de sti sightseeing bus (non seesighting) no me par tropo adatto per Trieste città, se non per le rive. Resto de l'idea che i centri storici va vardadi caminando per le vie. Mejo se i pensa de usarlo per portar i turisti in posti come Miramar o Duin.

[Bilbo]

i lo ga ciolto, lo go visto l'altra setimana, ogi sul picolo xe un articolo che alego qua soto

[AdlerTS]

Bel che i ga pensado de far el prezzo ridotto per i residenti

[Bilbo]

almeno quel... no xe che sia proprio economico....

[Piereto]

Gavè oserva che : Mi me movo tanto in autobus,ma savè che me manca el pal in mezo a la porta quando che se devi smontar.Col autobus pien ,te ga un svodo soto la porta perchè manca el pal per tinirse,e tuti sta strucai,zercando de no farse mal sui pai che xe quasi in coridoio per farghe posto inveze a la carozela. Nisun disi niente,e i continua a cior autobus co la pedana per i disabili,che nisun ga mai doprà in venti ani. No se dopra perchè la pedana no riva a la alteza del marciapie e ghe volesi almeno un milion per modificar tuti i marciapie de le fermate.Secondo nisun ga tiniù conto che imbarco e sbarco de la carozela provocheria ritardi de orario. Ciononostante i continua a far sti autobus poco pratici per la magioranza dei pedoni.Cusì l'ACT ga l'alibi de far un servizio per tuta la coletività.Tornemo inveze al vecio sistema.Niente posto per la carozela in autobus,e inveze un per de pulmini ACT che porta i disabili a richiesta da fermata a fermata. Me par un servizio civile ed efficente ,inveze de questo fasullo.Ma se i continua a far sti autobus poco pratici vol dir che i ghe guadagna. Manca el pal in mezo co te smonti , e anche quando che te sali el pal in mezo xe aretrà fin in coridoio,cusì mi go visto che molte persone anziane no sa dove ciaparse.

[Nona Picia]

Son d'acordo con ti che sti autobus no xe comodi nè per salir nè per scender e anche per starghe dentro xe trope stretoie. Però no se pol dir che i disabili no lo usi, mi go visto diverse volte che i vigniva su. Solo che spesso le pedane no funziona.....

[Piereto]

Xe notizia de ieri che un autobus de la linea5 ga frena de balin per no investir un auto : quatro feriti. Do giorni fa un altro autobus de la 9 ga frenà causa un auto che ghe ga traversà la strada : 9 feriti. Se se ribalta anche tinindose per i pai, perchè el nostro corpo continua a viagiar in avanti mentre che el mezo se ferma,e el nostro baricentro va fora de la nostra perpendicolare e cusì se casca per tera. Quindi mi me son dà un consiglio,e cioè mai meterse perpendicolari alle finestre,ma un poco de traverso con un pie magari girà nel senso de la marcia in modo de scarigar el peso sul pie girà. Ciao