ferrovia e porto.

Via nave, via treno, i tram, i autobus, ... tuto
Regole del forum
Collegamenti al regolamento del forum in varie lingue ed alle norme sulla privacy in italiano.
Piereto
eximio
eximio
Messaggi: 2935
Iscritto il: ven 24 set 2010, 19:38

ferrovia e porto.

Messaggio da Piereto »

No so se gavè leto sul picolo de ste ultime settimane le polemiche sui trafici del porto che vedi da una parte comun , compagnia costrtutori e regione contro la gestion del porto, con articoloni longhi, per cui sembreria che xe tuto sbaglià, e trafiletto in un canton dove che inveze i trafici xe aumentadi tuto merito de chi che aministra. Come al solito le robe podesi andar sai meio se no ghe fusi una tripla gestion feroviaria che interesa le merci portuali. Soto bordo in tel porto Adriafer, scalo retro porto RFI, e trasporto a destinazion Railtrain. Tre società diverse, per cui nel confronto con Koper semo perdenti costando de più. Xe sempre de mezo la nostra poco amata Rete italia con tarife asurde, mancanza de mezi. Ma complessivamente i spedizioneri locali se ga meso soto e se Adriafer diventa a tuti i efeti una società feroviaria la podesi ciapar in man ela la movimentazion de le merci e far fora RFI. Sempre riguardo le ferovie me gà sai colpì che la regione gà comprà in Spagna 8 elettrotreni moderni per el servizio regionale e che i xe rivadi in region sto ano, ma che noi pol circolar perchè ghe manca el colaudo. I devi eser rivadi per nave o per aereo, perchè se i xe rivadi da soli per ferovia vol dir che i xe circoladi atraverso Spagna, Francia e Italia. Logicamente per far el colaudo ghe volerà tuto el 2014,cominciando a circolar solo nel 2015, e mandando in bestia cusì più de un e fazendoghe cascar i brazi a tropi.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ferrovia e porto.

Messaggio da babatriestina »

seguo sta storia ma la trovo assai complicada. E se go ben capido i novi elettrotreni ( ma xe locomotrici o anche vagoni??) xe del tipo che va ben anche sule rotaie de Austria e Slovenia. Anche se no go capido perchè i altri no, no gavemo miga el scartamento difernte come i Russi! Cossa i speta, parlo de passeggeri! de meter una linea feroviaria diretta con Lubiana e una con Klagenfurt o Graz? ma i triestini se movi solo che in machina..


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8684
Iscritto il: ven 11 mag 2007, 14:08
Località: Trieste

Re: ferrovia e porto.

Messaggio da sono piccolo ma crescero »

Forsi xe questioni de alimentazion elettrica (ma me par strano) o de riconoscimento in cabina dei segnai (anche qua me fa strano, perché xe una roba bastanza nova e penso che la dovesi eser standard in tuta Europa, ormai).

Ghe iera qualche esperto de ferrovie nel forum, forsi "Sbriso". Se podessi domandarghe con un MP. Ogni tanto el vien, ma pol esser che no'l legi tuto.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: ferrovia e porto.

Messaggio da Piereto »

In Italia come in Slovenia (ex yugoslavia) e in Polonia la alimentazion eletrica xe in continua, In tuti i altri paesi UE se dopra l'alternata. Credo sia stada una scelta storica dei ani 20 e 30 dipendente da le forniture industriali nazionali dell'epoca e da scelte de politica economico internazionale. Quindi se se vol andar da una parte a l'altra dell'europa partendo dal'Italia ghe vol elettromotrici pluricorrente. I elettrotreni comprai i xe formadi come se fossi un tuttuno, cioè no xe motrici e caroze separade che podesi andar per conto suo.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: ferrovia e porto.

Messaggio da Piereto »

Per quanto riguarda la linea direta pasegeri Trieste Lubiana e Trieste Klagenfurt credo che no la sarà mai fata, perchè i utenti saria scarsi, e per una o do corse al giorno che forse se faria ghe volesi un placet politico da Roma. No so perchè ai furlani ghe riesi più facile otener un colegamento Udine Villach come che iera in sto ultimo ano, magari anche co l'autobus, perchè ricordo che le ferovie espleta in proprio anche dei servizi automobilistici. Me par de aver visto l'altro ano un pulman de le OBB che rivava a Grado.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ferrovia e porto.

Messaggio da babatriestina »

apunto ... pensè ai tanti triestini che va a Lubiana, anche a cior el aereo. Tuti siori e tuti disposti andar in machina, tuti paga la vigneta, tuti compra gome de neve, tuti no ghe fa gnente pagar la benzina? ben, alora no stemo pianzer miseria...

Mi vado almeno una volta al anno a Vienna de Trieste e no me insogno de andar in machina, che go una vecia utilitaria che za diese ani fa me ga dado problemi in viaggio.. vado in treno e una volta fin a una decina de anni fa iera comodissimo, un'ora de treno fin Udine, una meza ora de spetar e po iera la bellezza de do treni che me portava direttamente a Vienna! un de matina che rivavo verso le tre e un de dopopranzo.. adesso xe sempre el trenin de oltre un'ora per Udine, le coincidenze xe cussì ben fate che ghe vol spetar in stazion un'ora e mezza, po riva el bus dele Ferovie austriache che vien de Venezia, perchè a lori ghe interessa el colegamento con Venezia, e Trieste propio no i la c*** per gnente, cambio a Vilaco con la ferovia.. e una sola corsa al giorno! xe el treno de note, non so con che cambi, ma amici mii xe stai derubai durante la notte..


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: ferrovia e porto.

Messaggio da Piereto »

Esisti nel nostro paese delle non volontà più o meno palesi. Una de queste xe l'utilizo de la ferovia per el trasporto merci. 30 ani fa se trasportava el 13% su rotaia, e ogi semo al 7,3%. I investimenti fati dai privati su le autostrade e per la costruzion dei camion e impiego dei carburanti, i xe in contrasto con un utilizo moderno de la ferovia. Le merci podesi eser instradade o con treni blocai e da grosi centri produtivi o interporti a cità portuali, opur un trasporto tipo porta a porta riutilizando le centinaia de stazioncine chiuse coi lori do binari morti. Ogi co la etichetatura eletronica ne permeti de saver dove che se trova la merce spedida. E inveze niente. Tra i binari de le stazioni cresi l'erba.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ferrovia e porto.

Messaggio da babatriestina »

pensa ala posta. Una volta la viagiava in treno e adesso la va su gomma e per andar de Trieste a Trieste me par che la passi per Padova. Po se lamentemo che la A4 xe intasada e ogni tanto blocada per ore de incidenti.
E inveze in Svizzera ogni stazion feroviaria ga tacado un grandioso edificio con scrito sora La Poste


"mi credo che i scrivi sta roba per insempiar la gente" ( La Cittadella)
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: ferrovia e porto.

Messaggio da Nona Picia »

babatriestina ha scritto: E inveze in Svizzera ogni stazion feroviaria ga tacado un grandioso edificio con scrito sora La Poste
El guaio xe che sto paese se ciama Italia e no Svizzera.... :(


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Piereto
eximio
eximio
Messaggi: 2935
Iscritto il: ven 24 set 2010, 19:38

Re: ferrovia e porto.

Messaggio da Piereto »

Gavevo una volta un profesor de scola che el ne ripeteva sconsolado : guai saver !!! Al momento no capivo, ma ogi digo che el gaveva ragion.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: ferrovia e porto.

Messaggio da Piereto »

Legendo dei 80 pulman e dei 6000 crocieristi che xe rivadi ieri domenica, me son dito ara che nianche questo ghe va ben ai triestini. Ve imaginè se po' i ghe zontasi la ciclabile per le rive, la saria no solo de intopo per i pedoni ma altro spazio portado via, e su le rive sufia parechio. Una soluzion ai 80 pulman ? Tornar a meter el binario feroviario, sto colpo spostà più vizin la riva in modo che i crocieristi salta sul vagon a do piani, e via verso Venezia, o i pol rivar, visto che la ferovia pasa rente all'aeroporto de Ronchi, a imbarcarse su l'aero . Fasntascienza ? No se pol ? Mi la go butada.


Avatar utente
sum culex
no montar in scagno
no montar in scagno
Messaggi: 5945
Iscritto il: ven 20 gen 2006, 15:45
Località: Trieste - Rozzol

Re: ferrovia e porto.

Messaggio da sum culex »

Piereto ha scritto: Una soluzion ai 80 pulman ? Tornar a meter el binario feroviario, sto colpo spostà più vizin la riva in modo che i crocieristi salta sul vagon a do piani, e via verso Venezia, o i pol rivar, visto che la ferovia pasa rente all'aeroporto de Ronchi, a imbarcarse su l'aero . Fasntascienza ? No se pol ? Mi la go butada.
Me piasi sta tua idea e saria dacordo! Ma NO SE POL: perchè come per la pesserella suk canal el binario saria CURTO ;--D ;--D ;--D
ciao
sum culex


Piereto
eximio
eximio
Messaggi: 2935
Iscritto il: ven 24 set 2010, 19:38

Re: ferrovia e porto.

Messaggio da Piereto »

Ieri sul Picolo ghe iera due perle de saggezza. La prima utilizando i binari nel porto vecio meter insieme un per de vagoni storici e menarli su e zo per veder....la barcolana. Mentre el porto vecio funzionante de adriaterminal xe stado taiado fora criminalmente dal colegamento ferroviario con la stazion centrale, collegamento peraltro esistente. Ma nisun in 20 ani no gà fiatado. L'altra perla iera che un architetto gà dito che poichè el trafico ferroviario merci xe sai baso in italia, xe del tuto superfluo costruir alcuni tratti ad alta capacità e velocità come la Trieste Venezia. Xe come se mi gavesi dito che sicome che i veci i xe destinadi a morir xe inutile costrui novi posti leto nei ospedai. Sto bel tipo xe evidente che el devi eser in conbutta con la società autostrade. La sua no pol eser che una visione interesada a taiar fora feroviariamente ancora de più el nordest. No gà importanza quanto xe ogi el trafico feroviario, importante xe sveltirlo, e per farlo bisogna quadruplicar le rete attuale. No se pol restar con linee nate nell'800. Se te quadruplichi te aumenti la capacità operativa e cusì te aumenti anche el trafico paseggeri che alora el pol diventar cadenzado: un treno ogni quartodora come xe sia in Francia che in Germania.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ferrovia e porto.

Messaggio da babatriestina »

Piereto ha scritto: L'altra perla iera che un architetto gà dito che poichè el trafico ferroviario merci xe sai baso in italia, xe del tuto superfluo costruir alcuni tratti ad alta capacità e velocità come la Trieste Venezia.
che po basta veder i continui incidenti e blocchi sula A4


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: ferrovia e porto.

Messaggio da Piereto »

Ve meto due indirizi che merita guardar fatti da sior sergas , e che i te incanta per rivar a capir i edifici che ancora esisti ogi . El primo xe una veduta fata dal mar metendo insieme più lastre, e l'angolazion xe particolare. El secondo xe ciapà da una stampa. Certo xe una Trieste de ieri. Chisà chi che guarderà tra 100 ani una foto fata ogi, se anche lu el riverà a riconoscer quel che sarà rimansto dei nostri tempi ?.

https://www.youtube.com/watch?v=fGzA4Sxiy9s
https://www.youtube.com/watch?v=HIFrJwImqfQ


Torna a “Trieste e i trasporti”