El giradin de Piazzale Rosmini xe un giardin relativamente moderno, dei anni 50. Me ricordo che su Triestemia MisterK ne gaveva fato una bella esposizion de come che el xe cressudo con le prime cartoline de l'epoca: i primi alberi pici, po i xe cressui...
xe un giardin con no molti fiori, ma diverse piante interessanti e i lo ga rimesso a posto un per de anni fa.
Nol ga un centro preciso, ma el ga diverse zone, a pra e con alberi, spesso conifere ( cedri e cipressi) ma anche altre latifoglie:

( ste foto xe dela primavera scorsa)- questo xe un grande albero isolado
po xe diversi ciliegi selvatici de fior a foie scure, prunus pissardi o mirabolano

che fa effettivamente un tipo de ciliege

anche questo xe un albero degno de nota, i lo ciama albero dei tulipani perchè el ga dei fiori strani, le foie xe tipo acero


[

in mezzo, fra i alberi, un statua moderna de padre Pio ( no, no la xe del solito Spagnoli!!) che par che attiri i sui devoti

drio, xe el campeto de pattinaggio a rodele, dove che andavo mi de picia e che adesso va i rollers

Vizin, co iero picia iera un magnifico scivolo a 3 gobbe come che adesso i fa solo nei parchi aquatici, le altalene e zitolo zotolo, e inveze adesso xe quei prefabbricati per fioi che i metti in tuti i parchi che i se pol rampigar, zona frequentatissima de noni e none con nipotini
Altri contrasti de piante e colori de foie: un albero de Giuda


i prai verdi xe stadi fatti co l'erba in rodolo

la fontana dei putti, de Spagnoli

e el particolar soto

drio, el longo pergolato con vista verso el mar, in autunno el se copri de foie de vite vergine rosse, ma in primavera no ghe xe rose rampicanti

i tramonti xe propio fati per esser visti dela balaustra

el vecio pozzo, co iero picia intorno iera tanti cespugli che fioriva

i cartei xe ancora i originali anni 50-60

per finire, la luna e la chiesa

Una foto di com'era prima, era stupendo all'epoca.

grazie per le belle foto, e benvegnudo!
( te vol contarne qualcossa de ti? qua xe el posto per le presentazioni
la prima xe me par la più vecia, perchè el campanil dela cesa no xe ancora finido. La terza no xe dubbi che xe una cartolina, anche le altre xe?
la terza xe un fià svodin, soprattutto sotto...
però mi me lo ricordo molto ben nei anni 50 co andavo a pattinar là. e iera sempre el guardian che girava, che noi muli se comportassimo ben..

Proprio bel adesso, xe diventado un defecatoio per cani, una volta era tutto recintato pieno di rose e se si entrava solo per le stradine con la bici il guardiano ti sgridava, adesso xe proprio bel invece!

Il verde pubblico alla "triestina"!

anche perchè come credè che i gabbi messo l'erba? el giorno prima del inaugurazion i la piantada a rodolo.. po, se dura, dura... se no se fa una bellq "riqualificazion" el sindaco xe contento che cussì sul suo blog el se metti ub'altra foto che el taia un nastro..
guardiani? ma no, meo le ronde de volontari, no? po i guardiani volessi dir assunzioni, contributi, aumento della spesa pubblica...

In vendita su ebay

Da anni la fontana xe ormai a suto..

Notizia de sti giorni: le aiole verdi xe proibide ai fioi,c he pol andar solo nele zone de zogo su cemento. Par che i ga trovado sostanze inquinanti ( cancerogene? per far più paura?) nele zone erbose. La colpa xe atribuida.. ai Americani che ga creado el giardin con terra de riporto.
E i se acorzi ogi a 60 anni de distanza

Se penso che mio nono me portava la a a far i miei primi passi in te l'erba e sul saliso del giardin proprio apena finido dai americani. Quante radiazioni go ciapà? Me sa che semo soto elezioni, e che xe tuta colpa de la ferriera, nonostante la immediata smentita del comun . Digo che xe la feriera perchè i stesi inquinanti i li gà trovadi anche nel giardin de servola verso via Baiamonti. Mi ghe sugeriria de scavar anche a Sant'Andrea in giardin chissà che noi trovi polvere de fero e petrolio. Se penso a tuti i altri fioi che gà gira per el giardin de Rosmini me par che sia più probabile un inquinamento recente, altro che i americani.

anche mi ghe go zogado de picia, co andavo a pattinar sula pista. E anche a mi me spuzza assai sta roba...

Piereto ha scritto:. Se penso a tuti i altri fioi che gà gira per el giardin de Rosmini me par che sia più probabile un inquinamento recente, altro che i americani.

Son dacordo anche mi....

babatriestina ha scritto: ↑sab 12 lug 2014, 18:24 Da anni la fontana xe ormai a suto..

i me disi che xe perché l'acqua xe tropo fonda che un picio ga risciado de negarse. Una volta iera el guardian che girava... ma alora seremo tute le autostrade dove che ghe xe stado un morto?

un giretto ieri, el verde me par ben, anche troppo visto el stato dei prai. Per el inquinamento, xe un resto d e cartel de no andar nei spazi verdi, ma dove xe inquinado più che in strada? e cossa, magnemo terra o piante del giardin? l'aria che respiremo xe precisa, no?