Madonna Pellegrina

el porto de Trieste deuna volta, de adesso, le navi che vien e va a Trieste, de una volta e de adesso
Regole del forum
Collegamenti al regolamento del forum in varie lingue ed alle norme sulla privacy in italiano.
palpio

Madonna Pellegrina

Messaggio da palpio »

Gavevo za postado sta foto su TSMia. Siccome gaveva avudo qualche bon comento, la meto de novo qua'.
Xe l'anno 1951 e la statua de la Madonna Pellegrina la fa el giro d'Italia in procesion. A Triesta la ariva con un motoscafo della Guardia de Finanza, probabilmente per evitar ingorghi de fedeli su la litoranea e al posto de bloco (confin) fra l'Italia e la zona A.
Allegati
1951-Madonna-Pellegrina.jpg


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Me la ricordo. E ala fin gavevimo scoperto che col nome de Madonna Pellegrina iera più de una, che anca quela de Fatima i la portava cussì a spasso in procession. Ma questa statua, che po dovessi esser de qualche parte in Veneto ( Padova o dintorni) xe la più famosa, anni 50. Una copia picia, probabilmente de l'epoca, xe in una nicchia al Mercato Coperto, la gaveva postada qualchedun ( el solito Kasteliz?) cole Madonine. Se la volè la vado a fotografar, se no ve meto el santin.
E i mati cole flaide a bordo, chi xe? preti cola mantella o cavalieri de Malta( me par che i gabi come un capel..)


palpio

Messaggio da palpio »

Sicuramente de Madonne Pellegrine ghe ne xe stade piu' de una, ma me par che questa la sia stada la prima. Quela de Fatima forsi un poco piu' tardi.
No so se ghe iera due o piu' copie che le "pellegrinava" contemporaneamente, ma me par dificile perche' all'epoca i giornai seguiva la Madonna come el Giro d'Italia con Coppi e Bartali, e se i diseva che la iera qua', noi podeva dir che la iera anche la' lo steso giorno.
L'ottimo Kasteliz ne gaveva spiegado ben chi che iera a bordo (forsi proprio i Cavalieri de Malta) e tuto il resto de la storia.
Me pareva che la Madonina del mercato coverto fussi de Fatima, ma forsi ricordo mal mì (come, ahime', capita sempre piu' spesso...).


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Go trovado l'intervento de Kasteliz:
Orpo che bela foto, e dir che no la gavevo vista prima.
Bon, meio tardi che mai.

Semo nel 1951, la motovedeta dela Finanza n.6 porta la Madona de Monfalcon (Italia) a Trieste (TLT).
I gaveva mandà la Guardia de Finanza perché acompagnada de lori no i ghe gavesi fato pagar dazio, co la xe sbarcada a Trieste, mi calcolo.

Sul quarto libro fotografico del Piccolo, 1945-1954, se la vedi più de vizin co’ la riva in marina.

A bordo se vedi tre Finanzieri de mar che i la guanta per sicurezza che no la caschi in mar e un ciapo de preti e de cavalieri gerosolimitani, questi ultimi per difenderla co la spada, casomai che no capitasi nele vicinanze una feluca saracena.

A prua i ga alzà un albereto co la bandierina del codice dei segnai, un triangolo bianco con una bala rossa, che saria el numero 1.

Proprio interessante. Grazie
K.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

palpio ha scritto: Me pareva che la Madonina del mercato coverto fussi de Fatima,
ecote la Madonina del mercato coperto, e xe la pellegrina delle foto
Immagine


palpio

Messaggio da palpio »

La xe proprio la prima pellegrina: grazie Betta.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Madonna Pellegrina

Messaggio da babatriestina »

eccovela qua in un santino che ne commemora la presenza a Trieste nel 1950
Trovata a casa in una vecchia scatola
Immagine


"mi credo che i scrivi sta roba per insempiar la gente" ( La Cittadella)

Torna a “El porto e le navi”