referendum

[Piereto]

Gaverè leto che el nostro sindaco vol far un referendum sul porto vecio,cioè su come distrigarse del porto franco ne la zona nord de la cità. El volesi che migliaia de triestini firmasi per butar fora la autorità portuale da la zona e sosttituirse lu col comun e vender licenze edilizie. El Picolo ghe da man forte perchè el xe del suo steso schieramento politico. El scomoda insigni economisti che ne vien a contar che ogi le merci transita el più velocemente posibile nei porti de tuto el mondo e che nisun manipola merci in porto. Che una volta andava ben cusì, e che persin i gnochi ga eliminà la zona franca del porto de Amburgo. Ma l'economista no te disi che costo del lavor basso e tasse basse come quele che xe in una zona franca attira navi e investimenti. A la Germania co l'economia che ghe tira, no ghe interesa de far legi speciali per aministrar zone franche, ai triestini inveze ghe faria sai piazer che qualchidun a Roma dopo sesanta ani finalmente fazesi legi che sbasasi tutte le tase che grava su la gestion del porto de Trieste. Con tratenute previdenziali base e prelievi fiscali minimi e non applicazion de normative statali in tema de edilizia e concesioni forsi Trieste podesi ripartir.

[AdlerTS]

L'ultima volta col Sindaco la gente ga trovado el cancel serado a ciave .... penso che quei adesso gnanche non firma più !