Vari di navi

[babatriestina]

Foto probabilmente attorno al 1948, nave BRIO varo al cantiere Felszegi

( da collezione privata)

http://www.naviearmatori.net/ita/foto-107799-4.html

[sum culex]

Qua de noi no esisti più cantieri; i li ga serai tuti, per citar i più importanti: Flzegi, San Rocco (diventà porto nautico) e anche el grande San Marco dove che i costruiva a i varava navi grandi e importanti e che xè diventà solo arsenal. Sempre quel xè: a Trieste 'no se pol'.
OT. E le industrie? I ga serà tute le più importanti. Per esempio l'Aquila, la Vetrobel, la Sertubi (che i sta serando) e tantissime altre come la Frabrica Tabacchi! Perchè? Perchè a Trieste 'no se pol'.
E el porto vecio? El lavorava tantissimo: ghe go laorà anche mi un per de mesi. Adesso el xè come che tuti savemo......
Xè un dolor de cuor, anzi no solo un ma ben più de un o due!
E adesso xè in bilico anche la feriera e no so, ma sicuramente, anche qulcossa altro.
La Fabrica Macchine de Sant'Andrea xè diventada Wartsila, ma savè che la vecia fabrica gaveva depositi de tochi de ricambio in tuto l'estremo oriente e anche oltra; oggi no i li ga più e in caso de bisogno per un guasto, la Wartsila devi mandar i ricambi via aereo nel porto dove che se trova la nave avariada: roba che prima no sucedeva, dato che i ricambi iera zà sul posto!
Go dito solo quel che me xè vignù in mente sul momento, purtropo la memoria me fa cileca: zontè voi quel che me son dimenticà!
Intanto ve ringrazio e ve saludo
ciao
sum culex

[babatriestina]

Nei anni 60 e soprattutto 70 le navi come mezzo de trasporto passeggeri xe diminuide. Navi de guerra no i costruissi più a Trieste de dopo l a prima guera mondial, me par, e le nove navi de crociera i le fa in quel ch eiera el cantier dei Cosulich a Monfalcon. Go leto che co i parlava de serar i cantieri i gaveva proposto de assorbir una parte dei cantierini a Monfalcon, anche con un bus special per lori per le trasporto. I ga rifiutado. Monfalcon xe tropo lontan.. e cussì ga finido che adesso a Monfalcon lavora quei del Bangladesh... confesso che se mi stasi a Trieste e i me gavesso oferto un lavor che inveze che a Muggia xe a Monfalcon, magari ben colegado con mezzi publici, no gavessi avudo esitazioni..

[Nona Picia]

Anche mi gavessi acetado....