Arti minori: presepi a Trieste

[AdlerTS]

Non xe una gran foto , ma el sogeto merita: cesa dei frati de Montuzza.

PS: ve ricordavi che el primo presepio xe considerado quel de S. Francesco ? e che el bue e l'asinello xe presenti solo nei vangeli apocrifi ? e che la tradizion bizantina rapresenta Maria puerpera distesa che partorissi, mentre da noi non se lo fa per el dogma de fede de un parto istantaneo e senza dolor ? (Fine dei 5 minuti de catechismo )

[babatriestina]

Non xe una gran foto , ma el sogeto merita: cesa dei frati de Montuzza.

e che el bue e l'asinello xe presenti solo nei vangeli apocrifi ?

no so come che i sia nei apocrifi, ma el riferimento al bue e al asinello xe de un passo de l'antico testamento, Isaia3 Il bue riconosce il suo proprietario, e l'asino la mangiatoia del suo padrone forsi i apocrifi ga ciapado de qua.
personalmente preferisso el presepio de s Antonio novo, grandezza natural, 1936 Val Gardena, che gavevo postado come arti minori, veci presepi
https://www.atrieste.eu/Forum3/viewtopic.php?t=138
Per el presepio de Montuza, el xe cocolo, ma no lo trovo po tanto special
( sempre per la lezion de catechismo, el parto istantaneo e senza dolor sarà tradizion, ma no dogma! dogma che mi sapio xe solo che la verginità dela Madonna, el resto xe tradizioni: te sfido, catechismo ala mano, a provarme che xe dogma!:-D )

[Bilbo]

no go la foto, ma go visto un sai bel presepio nela vetrina de quel negozio de giogatoli che xe in corso italia in alto, e che prima iera fora dela galeria sandrinelli.

Betta armite de telefono e va a far la foto

[Nona Picia]

E perchè no te la fa ti?

[babatriestina]

me par de gaver visto passando, cossa te ghe trovi de special?

[Bilbo]

no xe nietne de special me ga sai piaso e basta.-

[AdlerTS]

no go la foto, ma go visto un sai bel presepio nela vetrina de quel negozio de giogatoli che xe in corso italia in alto, e che prima iera fora dela galeria sandrinelli.

Betta armite de telefono e va a far la foto

Questo ? Xe donado al negozio dall'associazion "Amici del Presepio"

[AdlerTS]

... e questo xe in Piazza della Borsa

[babatriestina]

francamente, quel dono de l'associazion me lassa un fiatin perplessa, par che i gabi ciapado statuine vece e i ghe gabi dado una man a spruzzo cola pittura bronzo per farle precise..
mi devo dir che me piasi i presepi, ma soprattutto quei che meti el accento sula natività: perchè ghe xe dei presepi grandiosi, con tante figure, figurine, ( penso soprattutto ai napoletani tradizionali), in cui, in un canton, o in fondo, ma no rapresentando che el 10% al massimo del spazio, xe la capanna con la Sacra Famiglia, e el resto xe un poco de tuto... i sarà anche una bela arte tradizional, ma i me par come, dir, poco natalizi

[babatriestina]

ve meto un per de quel de S Antonio novo, del 1936, Val Gardena:

[

( le foto no xe de sto anno)

[babatriestina]

e questo iera un per de anni fa a san Giusto: suggestivo, ma.. mi me spetavo che a san Giusto i gavessi qualcossa de antico o tradizional... i ga ma no i mostra? i ga butado via? mai avudo? chissà come che i fazeva el presepio a san Giusto nel Ottocento! cattolici che i iera,e i fazeva el sepolcro per Pasqua coi soldai veri, no credo che i gavessi fato.. solo che el albero!

[refolo]

Mi', qua' in Down Under, con ste polemiche delle religioni ecc. manca
qualcosa, che come spiega da Betta, i Re magi arriva dopo la nascita de Gesu'....fin qua' andemo d'accordo, ma sel Presepio comincia al 6 de Dicembre (senza el bambin) .
e mi ieri sera go' messo i 3 Re Magi fora, e oggi che xe l'Epifania lo go' za disfa'come? quando comincia e finissi? Per la prima volta son stada con la bocca verta e non go' podesto spiegarghe alla nostra picia, anche perche' a Scola sua i 3 Re magi iera fora dal principio de Dicembre? Per i negozi dove chei vendi i Presepi iera anche Gesu' nella magnadora, mai come sto anno passa' xe stado un caos de sto genere.

Maria aka refolo

[babatriestina]

Ecco el presepio de San Giusto sto anno, xe stamattina sul Piccolo un articolo de Marianna Accerboni che disi che el xe de Sbisà. Nel catalogo appena uscido dele opere de Sbisà no lo gavevo trovado, ma a veder el stile par propio de sì: el xe messo in una conca "cosmica" con drio le stelle, che par un poco.. una parabola satellitare

Alcuni particolari dele statuine, el Gesùbambin no xe in scala e el xe più grande per motivi organizzativi liturgici

e un dei Magi

l'Epifania ( de cui "befana") iera in origine una dele prime importanti feste liturgiche cristiane. Che po le concetto de epifania = manifestazione, apparizion, iera za dei monarchi ellenistici e imperatori romani, iera un Antioco Epifane.
Come sempre, nei Vangeli canonici xe "alcuni Magi" e basta, quel che le tradizioni popolari conossi vien dei Vangeli apocrifi, i nomi dei tre re Gaspare, Baldassarre, Melchiorre, che un fussi negro.. el numero de tre xe suggerido dei tre regali oro , incenso e mirra, che i ghe ga dado anche dele interpretazioni. e ve sparagno, che tanto i ripeti ogni anno, che la "cometa" che nel Vangelo disi solo stella, molto probabilmente no iera una cometa ma una congiunzion fra do pianeti. Forsi i se ga ispirado a una cometa che par sia apparsa ala morte de Cesare, che i lo ga divinizzado..

Nota final: ma Sbisà ga fato solo che opere religiose? no, ma quasi tute la tantissime opere profane ( per no parlar dele decorazioni per navi, disperse) xe invisibili perchè in collezioni private. Per cui in cesa xe ancora el solo posto che se ariva a veder e fotografar opere de arte gratis ( salvo certe cese-museo)

[sum culex]

Za che semo in tema de presepi ve meto un per de foto fate de mio cugin a Milan, perchè le xè particolari.



Questa xè quela che me piasi de più: el presepio fato dentro una lampadina! Mio cugin me ga garantì che no xè un riflesso ma che el presepio xè proprio dentro.



E questo in un vecio televisor messo al posto del cinescopio no xè anche una roba diversa del solito?



No ga de esser roba artistica, ma solo fora del normale.

ciao
sum culex

[babatriestina]

La fia de Sbisà me ga confermado che el presepio xe de suo papà, ma considerado opera minor.

[AdlerTS]

Un poco in ritardo ... go visitado la mostra dei "Amici del presepio" in Piazza Piccola: diversi tochi interessanti.
Ve riporto questo, che me pareva interessante nel significato più che nell'esecuzion.

[babatriestina]

un collezionista de soldatini che ga trovado una bona idea de riciclarli al presepio?

[ffdt]

[...]me pareva interessante nel significato[...]

si, un bel mesagio ... bravi i autori

[Nona Picia]

un collezionista de soldatini che ga trovado una bona idea de riciclarli al presepio?

Mio fio più picio meteva nel presepio oltre ale statuine classiche, soldai, carabinieri, animali preistorici e non e anche i indiani e cinesi , perchè lui diseva che Gesù iera nato per tuti, anche per quei che no lo conoseva.

[nanaia]

Pur non essendo appasionada de presepi, devo dir che quei de Milan e quel de piazza Piccola i xe deliziosi: go trovado assai significativo i soldai che se ferma....tuti insieme, senza batterse...che bel se fazessi cussì anche nella realtà!
nanaia