Cartoline ritoccate

Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

macondo ha scritto:Mi go sempre pensado che la vecia casa de Betta iera sula sinistra de via Carducci, piu o meno al alteza del secondo tram. Me ricordo che tuo nonno se gaveva lamentado che al costruir quel edificio sul ponte dela Fabra, za no rivava el sol ale finestre. Sará forsi che ve gavevi trasferido...
casa "mia" xe sula destra dela foto, e el pergolo bianco che sporgi in primo pian iera el nostro. Nei ultimi anni lo gavevo impignido de fiori e piante. E guardavo oggi: no xe più la targa marmorea sora i volti.
Co i se ga trasferido ( 1913, credo) la iera via Carducci 26, durante la prima guerra i la ga ribattezzada via del Torrente 26 e po la xe tornada Carducci 26 e po xe deventado 22.
la casa che se vedi sul canton xe quela che cavava el sol, anche ai mii fioretti sul sburto.


"mi credo che i scrivi sta roba per insempiar la gente" ( La Cittadella)
Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

Che momolo che son :(
Mi pensavo che la foto la fossi de l'altra parte de via Carducci - e che i portici che se vedi sula sinistra fossi quei de Chiozza :oops:

Perció gavevo ben l'idea de dove te vivevi :-)


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Forse sbaglio, ma le macchine e le persone me pareva "posticce" :roll:


Mal no far, paura no gaver.
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

AdlerTS ha scritto:Forse sbaglio, ma le macchine e le persone me pareva "posticce" :roll:
per mi, xe el effetto dei colori, zontai a mace.


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8682
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

babatriestina ha scritto:e el semaforo xe impicado in mezzo del incrocio
No diria impicado, ma retto, in mezo a l'incrocio da un pal piturà con una spirale bianca e blu. Tuti i segnai gaveva, quela volta, i pai piturai in sta maniera tuto somato complicada, probabilmente farli veder meio. Se ghe ne vedi anche uno col segnal de divieto de sosta a destra. Intorno al semaforo se girava come ogi nele rotonde, lasandoselo ala sinistra. Xe sta, se me ricordo ben, el codice dela strada del 1959 a anticipar la svolta a sinistra prima del centro de l'incrocio. E co iera la befana el semaforo iera pien de regali che la gente ghe portava ai vigili.

Notemo poi el furgoncin grigio/verde che, al centro dela foto, sta per impegnar l'incrocio: sula portela de drio ga una banda grigio scuro, che in realtà iera rossa. Tuti i mezi de trasporto merci doveva gaver o una banda rossa se i portava la merce in conto proprio o bianca se i portava la roba per altri. No so quando che i ga tirà via sto segnal, ma parechi anni dopo el '59.

Una oservazion: se vedi che iera poco trafico, ma una sensazion de casoto se la ga za in sta foto!


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

sono piccolo ma crescero ha scritto:
babatriestina ha scritto:e el semaforo xe impicado in mezzo del incrocio
No diria impicado, ma retto, in mezo a l'incrocio da un pal piturà con una spirale bianca e blu.
xe vero, se vedi che , ricordandome de sti semafori, a mi che iero picia, i me pareva in alto anche sul pal, e la memoria me ga fatto pensar che el fussi stado impicado. Quel che me ricordavo, ier che el semaforo oviamente iera per le macchine, quindi noi pedoni passavimo.. co el semaforo iera rosso (per i auti!) solo un per de anni dopo i ga messo semafori per i pedoni. Mi de picia no gavevo dubbio che se passa col rosso! :-D :-D :-D :-D e xe propio su questo semaforo che go imparado.


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

confermo anche el ricordo dela banda rossa sui furgoncini,a desso che SonoPiccolo me la ga ricordada, e me sa che la macchina nera in primo pian fossi un tassametro, che gavessi dovudo esser correttamente piturado de nero e verde: oltre alla forma dela macchina, me par de veder a sinistra la targa, ma a destra in basso una targhetta più picia, che doveva esser el numero del taxi. sti taxi iera bei grandi, e se montava de drio, e come le carrozze, i gavea, oltre al posto drio, due seggiolini ribaltabili tipo strapuntini messi contro el schenal del posto del guidator, contrari al senso de marcia. là finivo sempre mi


"mi credo che i scrivi sta roba per insempiar la gente" ( La Cittadella)
Avatar utente
rofizal
Eximio
Eximio
Messaggi: 3396
Iscritto il: dom 1 gen 2006, 18:56
Località: Terra

Messaggio da rofizal »

macondo ha scritto:Mi go sempre pensado che la vecia casa de Betta iera sula sinistra de via Carducci
Sula sinistra iera la mia :wink: , dove son nato, che però, come gavevo dito sul vecio forum (no me ricordo se anche in questo) gaveva el porton in piaza San Giovanni. La casa iera la penultima me par prima del incrocio sucesivo.

Come a dir che Baba e mi iermo quasi dirimpetai, ma no me ricordo se se gaveimo mai conosudo, anche se gaveimo dei amici comuni. Iero ancora tropo picio per corerghe drio ale mule, anche se bele e cocole. :wink:


Ognuno sta solo sul cuor della terra
trafitto da un raggio di sole:
ed è subito sera

[S. Quasimodo]
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

rofizal ha scritto: Come a dir che Baba e mi iermo quasi dirimpetai, ma no me ricordo se se gaveimo mai conosudo, anche se gaveimo dei amici comuni. Iero ancora tropo picio per corerghe drio ale mule, anche se bele e cocole. :wink:
mi son sicura de sì, tornando de scola de via Giotto per l'Aquedotto, e in un zerto senso anche se corevimo drio, ma per sconderse drio dei alberi. Ma el comun amico iera un poco imbranado cole putele, lassandome in dificoltà perchè mi inveze i zoghi un poco de masci no me dispiaseva, tranne i autini.


"mi credo che i scrivi sta roba per insempiar la gente" ( La Cittadella)
Avatar utente
rofizal
Eximio
Eximio
Messaggi: 3396
Iscritto il: dom 1 gen 2006, 18:56
Località: Terra

Messaggio da rofizal »

babatriestina ha scritto:el comun amico iera un poco imbranado cole putele, lassandome in dificoltà perchè mi inveze i zoghi un poco de masci no me dispiaseva, tranne i autini.
e infati co ierimo a casa sua, solo mascieti :( (no me ricordo de gaver mai visto una putela) zogaimo sempre coi autini, che el gaveva una colezion invidiabile... :wink:

ma no go sai ricordi de quel periodo... qua e là qualche "flashback"... tante volte nianche le foto me aiuta, me digo "ah, questo dovevo eser mi, ma quando? dove?..."


Ognuno sta solo sul cuor della terra
trafitto da un raggio di sole:
ed è subito sera

[S. Quasimodo]
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

rofizal ha scritto:e infati co ierimo a casa sua, solo mascieti :( (no me ricordo de gaver mai visto una putela)
una volta sola, una putela ga messo el naso in quele festa de masceti.. :wink: iera una banda de scadenai, per quel che me ricordo, che coreva urlando su e zo per la casa. Me ricordo de aver ciapado una spada e aver sfidado a duellar el primo che me xe passado sotto man: magari te ieri ti :-D. ma me sentivo veramente in minoranza :-D :-D :-D


"mi credo che i scrivi sta roba per insempiar la gente" ( La Cittadella)
Avatar utente
rofizal
Eximio
Eximio
Messaggi: 3396
Iscritto il: dom 1 gen 2006, 18:56
Località: Terra

Messaggio da rofizal »

Questa xe la foto de scola de quei anni. La pol star anche in questo topic, perché un poco de storia de Trieste ghe xe. :wink:
Infati oltre a l'amico comune, ghe xe anche un futuro noto neurologo, un futuro medico dela Triestina, el fio del più famoso panetier de Trieste, el fio de un noto preside, un futuro monsignore e ghe dovesi eser anche el fio del Generale Airey. Forse anche altri personagi, ma no me ricordo.

Come vedè, classe de solo masceti... :(
Allegati
1956-57rid.jpg


Ognuno sta solo sul cuor della terra
trafitto da un raggio di sole:
ed è subito sera

[S. Quasimodo]
Avatar utente
rofizal
Eximio
Eximio
Messaggi: 3396
Iscritto il: dom 1 gen 2006, 18:56
Località: Terra

Messaggio da rofizal »

Me vien el dubio se el futuro Monsignore fosi za presente quell'anno o xe vignudo l'anno dopo (no son fisionomista, purtropo, sempre question de memoria).


Ognuno sta solo sul cuor della terra
trafitto da un raggio di sole:
ed è subito sera

[S. Quasimodo]
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Stessa scola, stesso anno, sezion femminile.
Nissun personaggio famoso in classe mia.. son in contatto con qualcheduna de lore ogni tanto.
Una differenza: i masceti , solo qualchedun de lori ga el traverson (= grembiulino scolastico, per i non triestinofoni), noi putele no se discuteva! lo gavevimo tutte! e a anche colletto bianco e fiocchetto al collo
Allegati
terza elementare
terza elementare


"mi credo che i scrivi sta roba per insempiar la gente" ( La Cittadella)
Avatar utente
rofizal
Eximio
Eximio
Messaggi: 3396
Iscritto il: dom 1 gen 2006, 18:56
Località: Terra

Messaggio da rofizal »

Notar la diferenza tra i banchi maschili e quei femminili!! :lol:


Ognuno sta solo sul cuor della terra
trafitto da un raggio di sole:
ed è subito sera

[S. Quasimodo]
Avatar utente
sono piccolo ma crescero
cavalier del forum
cavalier del forum
Messaggi: 8682
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

rofizal ha scritto: un futuro monsignore
Al primo momento pensavo che fusi un altro. Ma go conossù anche questo, perché el stava dele parti de casa mia e se trovavimo, de giovani, ale riunioni de l'Azion Catolica. Devo dir che me pareva che fusi un mulo sai bon, forsi un poco tropo trategnù per i mii gusti; ma go fato longhe ciacolade con lui, naturalmente su argomenti religiosi. Lo go perso de vista col xe andà in seminario. Chissà che no se lo trovemo vescovo a Trieste, adeso che Ravignani va in pension?


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

babatriestina ha scritto: E guardavo oggi: no xe più la targa marmorea sora i volti.
De la targa marmorea za se parlava in Triestemia. Gavevimo anche la foto che, se me ricordo ben, diseva che una compagnia de asicurazioni iera parona del stabile.


Avatar utente
Allogeno
vilegiante
vilegiante
Messaggi: 28
Iscritto il: lun 18 ago 2008, 19:58

Messaggio da Allogeno »

rofizal ha scritto:... ghe dovesi eser anche el fio del Generale Airey... :(
Il figlio del Lt-Gen Sir Terence Sydney Airey, KCMG, CB, CBE? Il governatore dell’ AMG-FTT dal 1947 al 1951? Questo sì che è uno scoop!

Il Lt-Gen si era risposato nel 1947 ed è senz’altro possibile che avesse avuto un figlio che ha frequentato la terza elementare nel ’56-’57.

Ma l’aveva lasciato a Trieste? Non hai altri dettagli?


Avatar utente
rofizal
Eximio
Eximio
Messaggi: 3396
Iscritto il: dom 1 gen 2006, 18:56
Località: Terra

Messaggio da rofizal »

Allogeno ha scritto:Non hai altri dettagli?
Molto pochi. Se ricordo ben, se ciamava Michele e el doveva eser de religione protestante. Quela volta no savevo de chi fosi fio (ierimo muleti, no conosevo nianche de nome el General), ma dopo che go conosudo un poco de storia de Trieste go pensado che doveva eser suo fio. No lo go più visto dopo le elementari, anzi no so nianche se el xe rimasto con noi tuti i anni alla Giotto (mi go fatto là dala III ala V). Podeva eser, come podeva eser che el fusi vignudo dopo o andado via prima (sempre come anni). Xe pasado tropo tempo.


Ognuno sta solo sul cuor della terra
trafitto da un raggio di sole:
ed è subito sera

[S. Quasimodo]
Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

Credo che sia semplicemente un caso de omonimia. La solita Wikipedia riporta che l'unico fio del General se ciamava John Francis St George Airey.

Qualche detaglio ancora che indica dove che el iera e cossa el fazeva in quei anni...

http://en.wikipedia.org/wiki/Terence_Airey


Torna a “Cartoline de Trieste”