Danza a Trieste

[rofizal]

Go trovado altro sui spetacoli de danza a Trieste. Ghe ne fazo un topi a parte, podesi eser unificado a quel de Dušan Stular, però con questo titolo. A sto punto me toca specificar (qualchedun gaverà za capido) che in famiglia iera chi se gaveva dedicado a questa atività (danza classica) per alcuni anni.

Bon, questa xe la locandina de un spetacolo tignudo al Verdi l'11 giugno 1929.

[rofizal]

Questo spetacolo tignudo al Rossetti el 5 dicembre 1940 iera a favor dela Croce Rossa, anche se xe imancabili i fasci sula copertina (i tempi iera quei che iera).

Nela locandina ghe xe diverse foto dei partecipanti, tra cui la Britta Schellander za citada, Ida Fegitz, Renato Paggiaro, Marisa Casalini, Thea Visintin e tante altre (tra cui la persona a mi cara).

Ve propongo la foto dele Baronessine Economo, visto che Betta le conosi.


Ripeto l'enesima volta che le foto no xe de considerar de publico dominio.

[babatriestina]

Go anche mi questa foto, e questo programma, perchè.. ghe iera anche mia mama!!!
se te vol, te fazzo qualcossa de più sule scole triestine de danza classica, perchè queste iera più ginastica ritmica che vera danza/balletto. Le due dovessi esser Christiane e Lilot, le due che no xe più. la terza sorella, la più giovine, inveze xe e abita a Trieste. Anche mi pensavo de postar sta foto

[rofizal]

Go anche mi questa foto, e questo programma, perchè.. ghe iera anche mia mama!!!

Bon, a sto punto poso dir che la persona a mi cara... iera anche mia mama! Probabilmente le se conoseva.

[babatriestina]

A Trieste nela prima metà del Novecento no iera assai scole de danza, classica men che meno: insegnava ginnastica ritmica Lisa Walther. Poco prima dei anni Cinquanta ga verto do scole de classico, che ga durado molti anni e che ga formado parecchie mule che po se ga dedicado ala danza o per profession o per dilettantismo: la russa Jessipova, che go parlado fra russi a Trieste e Maria Panzini, triestina, cola sua scola Città di Trieste.
No go avudo occasion de studiar con nissuna dele due, ma go visto diversi saggi della Panzini.
Po nel 1958 la Ginnastica triestina ga ciamado de Milan due prime ballerine della Scala, Luciana Novaro, che ga fatto per un anno de titolar e che vegniva una volta ogni tanto, e Anna Giani, che ga cominciado quel anno e.. ga ancorala sua scola! Mi go cominciado con ela. tecnica scaligera, molto bona, le volte che me xe nato de far stages con altri maestri, no sarò stada brava, ma la mia impostazion no la ga criticada nissun.
Po La Ginnastica ga avudo altri insegnanti e tante altre scole ga averto, molte delle titolari de ste scole iera mie compagne de corso.. atualmente una bela scola ga un dei mii ex insegnanti Corrado Canulli, coreografo, insegnante e ex balerin del Verdi.

[rofizal]

Prima te fazo i complimenti per el tuo periodo de balerina (me par che za te ne gavevi contado qualcosa, ma come al solito no me ridcordo).

Poi però devo coregerte:

A Trieste nela prima metà del Novecento no iera assai scole de danza, classica men che meno: insegnava ginnastica ritmica Lisa Walther.

Te riporto parte de l'articolo de giornal (senza data) che se riferisi al spetacolo tignudo ala Galeria del Tergesteo tra la fine dei anni '20 e la fine dei '30:

Alla serata di danze diretta da Britta Schellander e svoltasi ieri sera...
[...]
premia una nobile attività svolta a fini superiori di educazione artistica.
[...]
...sua concezione eminentemente moderna della danza...
[...]
Particolarmente applaudite sono state le giovani allieve della Schellander (la Britta più volte citada), presentatasi in due bellissime composizioni in cui è risaltata in alto grado la bontà del metodo, improntato a grande naturalezza e spontaneità plastica, sia nel "Gioco" ["Gioco d'onde" dello Stular], tratto dal celebre valzer di Chopin in do diesis e interpretato dalle giovanissime D'Urso, Pincherle, Wilheim e Zanini, che nell'originale, vera e propria azione mimata dei "Quadri paesani" elaborati dallo Stular e interpretati dalle allieve Ancona, Coretti, Illich, Kleinschuster, Lohr, Piesnicar, Pueschel e M. Schellander.
Entusiastici consensi salutarono la nobile serata d'arte, acclamanti la valente danzatrice, le sue ottime allieve, e il valoroso accompagnatore M.o Dussan Stular, che eseguì pure con perfetto intuito musicale un preludio di Debussy, la "Fenesta ca lucive" di Castelnuovo Tedesco e le sue "Foglie al vento", partisolarmente salutate da cordiali approvazioni dell'uditorio.

No se parla ssolutamente de ginnastica ritmica, ma de danza e comunque l'insegnante no xe, in questo caso, Lisa Walther ma Britta Schellander, per cui pol eser che in effetti la Walther insegnasi ginnastica ritmica. Se ricordo ben, mia mama devi anche gaver fato una tournée, ma poi tuto se ga interoto con la guera. Quel che forsi pol eser, ma qua no me ricordo ben, xe che sia stada più danza improntada al lato folkloristico, o qualcosa de simile. Mia mama me gaveva contado, ma... come al solito no me ricordo. Comunque no iera a livel de zogo, tanto xe vero che a ela ghe gavesi piaso farlo a livel profesionistico. Sogni de gioventù purtropo, visto quel che xe suceso dopo.

[babatriestina]

Danza xe una parola che pol voler dir molte robe: pol esser baletto classico sule punte, pol esser danza moderna ala Loie Fuller o quele che balava scalze, ala americana I, sadora Duncan, Martha Graham... perfin Mata Hari!
la Schellander no me par, de come che legio, che fussi insegnante de baletto classico
Serata di danze pol esser danza folkloristica, danza moderna, el stesso fatto de "concezion eminentemente moderna dela danza" escludi el baletto accademico sule punte e per mi danza classica xe quel.
el stesso fatto che disi "la bontà del metodo" sarà un bon metodo personal de danza moderna, ma el metodo de danza classica no se pol inventar, xe el Cecchetti scaligero , el Vaganova russo... metodo Schallander sarà stada una cocola maniera de balar sula musica, aggraziada, el stesso fatto che dopo disi "azione mimata" disi che xe più vizin dela pantomima, sarà stado indubbiamente un gran bel spettacolo, ma per mi la danza de cui parlavo nel mio post xe un altra roba.
La Walther la go citada perchè un anno ghe go studiado mi nei anni 50 e la iera za de mezza etàe la gaveva frequentada mia mama. La cosiddetta ginastica ritmica de quela volta no iera affatto una ginastica, ma una sorta de danza moderna, no la iera danza clasica perchè no la doprava la tecnica dela danza clasica: la sbarra, el centro, le punte..
mi no son stada mai balerina professionista, ma go studiado danza classica come tempo libero, però metodo accademico-scaligero. E sule punte savessi staghe ancora adesso

[rofizal]

Te poso confermar e in pratica darte ragion.
Dopo gaver anche confrontado con mia moglie (se ricorda più ela che mi dei raconti de mia mama), doveva eser proprio danza folkloristica (questo lo gavevo dito), no clasica. Poi ghe iera, e qua te dago ragion, anche la ginastica ritmica, no savesi però se con la stesa insegnate o con quela che te dixi ti, cioè se una fazeva la ritmica e una el folk o se la Schellander fazeva tuti e due.

[babatriestina]

Dopo una ciacolada cola mia insegnante de danza, confermo che la Schellander iera nota per le sue belle coreografie, i bei costumi e i spettacoli d'effetto, che la fazeva una danza moderna sul genere tipo "ginnastica ritmica" cioè con ampi movimenti ispirai della danza moderna, ma che no la gaveva a che far cola danza classica, ove per danza classica se intendi la danza de tipo accademico sulle punte, el " balletto" insomma.

[rofizal]

Grazie.
(confeso che ala fine no go capido cosa che iera sta "ginastica ritmica" e, se la iera una specie de danza, perché la se ciamasi "ginastica"...)

[babatriestina]

Grazie.
(confeso che ala fine no go capido cosa che iera sta "ginastica ritmica" e, se la iera una specie de danza, perché la se ciamasi "ginastica"...)

me par che dovessimo far un topic su tuti i nomi che i ghe dà ala danza. sto termine "ginastica ritmica" no xe più in uso ( usava nei Anni Trenta/ Quaranta) quindi no gavemo esempi contemporanei. Ma credo che cola ginastica nol gavessi de far, solo che no usava le forme e i passi tradizionai dela danza classica (che xe tuti codificai in francese) e gnanca le forme de certa danza moderna americana de allora ( Martha Graham e simili)
posso dir che per esempio mi gavevo partecipado a suo tempo a dei corsi de "ginnastica jazz" che de ginastica no gaveva molto, i cominciava tipo le lezioni de danza aerobica ala Jane Fonda che allora iera de moda, e po i fazeva sequenze de passi de danza moderna. ma anche per danza moderna dovessimo precisar, per capir ala bona, le versioni un poco meno "sculettanti" de certe robe che se vedi in television..
par farme capir un poco, metto due foto de un saggio pubblico dela scola de danza dell'Opéra de Parigi:
una xe una foto de una lezion de tecnica classica

e una xe, sempre dela medesimo saggio, una lezion de tecnica moderna: notar la diferenza dele scarpe ( la seconda xe scalza), dele posizioni e dei costumi

[rofizal]

Me par interesante e anche abastanza complicado (clasificar e distinguer i vari stili). D'altra parte xe come per tute le varie espresioni artistiche: musica clasica, legera, leteratura, pitura, ecc. Ghe vol studiarle per capirghe qualcosa.

[babatriestina]

Go trovado qualcossa de meno artistico a riguardo delle Schellander:
l'avv. Erminia Schellander, nata a Tuechern ( Stiria-Austria) nel 1902, xe comparsa implicada nel processo della Risiera perchè la iera stada nominada de Rainer consulente per la liquidazion dei beni ebraici e la xe stada convocada come teste al processo, la iera stada condannada nel dopoguerra per collaborazionismo; la gaveva una sorella, de cui no trovo riportado el nome proprio, già ballerina al Verdi che collaborava come traduttrice per un ufficio de polizia tedesco. Dopo la guerra le xe andade via de Trieste, e questo podessi spiegar el velo de silenzio che xe calado anche sul suo operato artistico. Mi no credo che a Trieste in quel periodo fossi tante Schellander ballerine...
( fonte: San Sabba, istruttoria e processo per il lager della risiera Lint 1995)

[rofizal]

No la savevo. Comunque no credo che far l'impiegata sia un crimine, anche se i capi pol eser stadi criminali (ma la polizia de quei tempi iera le SS o se ocupava solo de criminalità comune?). Col steso principio dovesimo condanar tuti quei che lavorava per lo stato soto el fascismo (e anche soto altri regimi). A meno de altre acuse, un semplice lavoro no pol eser condanado, mi credo. Tanto xe vero che la sorela, che pur la iera evidentemente meno pulita (consulente per la liquidazion dei beni ebraici no me par proprio sai bel), la xe stada convocada solo come testimone.

Poi me par che anche molti politici de ogi no iera proprio tanto pulidi (e no parlo solo de quei de estrema destra). Adeso no ricordo, ma credo ghe fusi anche chi ricorpriva incarichi de governo. E anche pezo, de tute e do le parti. Ma ogi i xe rispetadi, magari i se ga pentido.

Insoma, iera tempi bruti, e le persone più deboli de caratere pol gaver sbaiado (no parlo de quei che ga fato veri crimini). Ma no tuti nassi eroi. E poi xe facile giudicar no gavendo visudo quel periodo. Semo proprio sicuri che se gavesimo noi comportado da eroi? Tuti speremo de sì, ma no gaveremo mai la certeza. Paura e fame xe brute consigliere. Purtropo.

[babatriestina]

ma la polizia de quei tempi iera le SS o se ocupava solo de criminalità comune?.

Concordo con ti che iera bruti tempi, quei. E credo che più de un gabi fato scelte in bona fede, pensando de salvar el salvabile. E che chi che iera tedesco o austriaco a Trieste se ga trovado a lavorar per i tedeschi, servizio del lavoro.
Mi te riporto solo quel che go letto, xe poco e no go mai molto approfondido l'argomento. Quela xe roba che ghe interessa a Macondo... La Schellander ex ballerina , stando al testo sula Risiera, collaborava col ufficio della SIPO: Sicherheitspolizei- polizia di sicurezza, e riporto "fra i suoi compiti anche quello di tradurre i rapporti dele spie infiltrate tra i partigiani".
Per mi xe stada una spiegazion del perchè no la gavevo mai sentida nominar e come mai no la esercitava più a Trieste nei anni Cinquanta.

[macondo]

De l'avv. Erminia Schellander se sá che la iera una importante consulente per la liquidazion dei beni ebraici. E la riceveva una comision per ogni operazion che la fazeva. E qua parlemo de un mucio de soldi...
Socialmente la frequentava Rainer, Globocnik e tutti quei che contava a Trieste in quei anni. Le due sorele le sará magari stade discriminade come citadine austriache subito dopo la prima guera, cussí che le iera sicuramente entusiaste co se rivai i tedeschi nel 43.
Infatti la magioranza, diria quasi la totalitá, de la 'nomenklatura' iera austriaca e imediatamente i ga sfrutado quel senso de nostalgia filoaustriaco che ancora esisteva a Trieste (imagino assai piú de oggi) prospetando altresí una rinascita economica come el unico porto del Grande Reich sul Mediteraneo.

[rofizal]

Meto qua, per segnalar l'esibizxion a Trieste nel 1845 dela famosa balerina Amina Boschetti (1836-1881) con el ballo “L’Allieva d’Amore”, dove la interpretava Cupido, assieme alla ancora più famosa Maria Taglioni (1804–1884). Grande successo, e Amina gaveva solo 9 anni!

Amina torna a Trieste nel 1851, nel carnevale del 1856 e ancora nel carnevale del 1868-69.

[babatriestina]

Devo dir che sta "famosa" Amina Boschetti no la go mai trovada citada in nissun dei mii tanti libri de storia del balletto.
A cossa la devi la sua fama?
La Taglioni inveze xe un altro per de manighe. ga ballado mai qua Fanny Elssler?

[rofizal]

A cossa la devi la sua fama?

Mi no ghe iero in quei anni...
Pero trovo su internet:

primo link
"Amina Boschetti, celebre danzatrice"


Sito de New York
"Discovered as a child by Marie Taglioni, Amina Boschetti studied with Carlo Blasis and made her debut as prima ballerina assoluta at Milan's Teatro Re at the age of twelve. A year later she signed a two-year contract with the choreographer and impresario Domenico Ronzani, appearing with his company in Barcelona, Trieste, Florence, and Vienna. She subsequently toured throughout Italy and appeared for several seasons in London. In 1864 she made her debut at the Paris Opéra in Giuseppe Rota's La Maschera, ou les Nuits de Venise (The Mask, or Venetian Nights), astonishing audiences with her turns on full pointe and her astonishing elevation in jumps. With her vivid mime and emphasis on tours de force, she was a distinctly Italian dancer, and this, along with her stockiness, did not sit well with French critics. She returned to Italy, where she remained a huge favorite, dancing until the 1870s. Cia Fornaroli Collection, Jerome Robbins Dance Division.

La ballerina del Carignano gira con tanta facilità, che qualche ingenuo crede perfino che il suo piede sia guidato da qualche macchina nascosta sotto il palco scenico (The ballerina of the Carignano [Theater] turns with such ease that a simpleton would think that her foot was guided by a machine hidden under the stage)"


Libro in francese
"Les Artistes contemporains. Amina Boschetti, danseuse. D. Champon, organiste"

e nientepopodimeno che....!!!
Poesia de Charles Baudelaire

Sur les débuts d'Amina Boschetti Au Théâtre de la Monnaie à Bruxelles

Amina bondit, — fuit, — puis voltige et sourit;
Le Welche dit: «Tout ça, pour moi, c'est du prâcrit;
Je ne connais, en fait de nymphes bocagères,
Que celle de Montagne-aux-Herbes-potagères.»

Du bout de son pied fin et de son oeil qui rit,
Amina verse à flots le délire et l'esprit;
Le Welche dit: «Fuyez, délices mensongères!
Mon épouse n'a pas ces allures légères.»

Vous ignorez, sylphide au jarret triomphant,
Qui voulez enseigner la valse à l'éléphant,
Au hibou la gaieté, le rire à la cigogne,

Que sur la grâce en feu le Welche dit: «Haro!»
Et que, le doux Bacchus lui versant du bourgogne,
Le monstre répondrait: «J'aime mieux le faro!»

— Charles Baudelaire

Credo che basti

[rofizal]

Amina Boschetti no la go mai trovada citada in nissun dei mii tanti libri de storia del balletto

Forsi quei libri se li pol butar?