L'ultimo concerto de Teresina Tua

[rofizal]

La violinista Teresina Tua (Torino 1867 - Roma 1956) iera una famosa bambina prodigio. Gaveva studiado con Massart al conservatorio de Parigi e dopo gaveva tignudo numerosi e aplaudidi concerti in Europa e nei Stati Uniti. La gaveva sonado anche in duo con Rachmanivov, Rosenthal e Popper. Sposada prima coll critico musicale Ippolito Valetta (Ippolito Franchi Verney della Valletta, 1848-1911), ala morte de lui la se risposava con E. Quadrio e nel 1940 la si ritirava in convento.

El suo ultimo concerto lo ga tignudo a Trieste nel 1915, poco prima dello scoppio dela prima guera mondial, e la se gaveva presentado vistida coi colori dela bandiera italiana, per la gioia de Babatriestina ma anche de tanti triestini filo-italiani. Grande successo e tanti appalusi.

[rofizal]

Da agiunger che el concerto se gaveva svolto al Politeama e che Teresina, in altre ocasioni oviamente, iera stada aprezada anche da l'Imperatrice d'Austria (Sissi?), che ghe gaveva fato dei doni de valor.
La iera sopranominada "l'angelo del violino".

[rofizal]

Me iero dimenticado de meter una foto de Teresina

[babatriestina]

Da agiunger che el concerto se gaveva svolto al Politeama e che Teresina, in.

el Politeama iera el teatro dei filoitaliani e xe molto probabile che mia nonna sarà stada là a applaudir. La me contava che in ste manifestazioni "vegniva zo el teatro".

[AdlerTS]

La xe vignuda anche prima del '15: El Piccolo scriveva "Tutto il pubblico correva alla stazione ad accogliere Teresina Tua, la idolatrata violinista ventenne, e staccava i cavalli dalla vettura per trascinarla a braccia: il che parve gran disordine alle guardie di polizia"

[rofizal]

Bela, brava, no per niente i la ciamava "l'angelo del violino"!

Sarai stai tuti inamoradi de ela... magari el marì forsi iera un poco geloso, ma con una moglie 20 anni più giovine nol podeva pretender tropo. E magari qualchedun sperava che la molasi el marì....
Che poi, povero Ippolito, nel '15 za nol iera più tra i vivi.

[LELA]

Legendo sto topic gò notado che se parla dela violinista Teresina Tua Quadrio e volevo farve saver che la "villa" che la gà ereditado dal suo secondo marì, apunto E. Quadrio, la se trova a Sondrio e ala morte de Teresina Tua Quadrio la xe pasada al Comun de Sondrio per volontà dela vilinista stesa; da alora, la ospita la "Biblioteca Civica di Sondrio" comunemente ciamada proprio "Villa Quadrio".
Volevo solo agiunger che Teresina Tua Quadrio inseme ala Villa la gaveva ereditado anca un "patrimonio librario che el iera stado del marì e consistente in tomi antichisimi de inestimabile valor e tanti altri libri antichi".
Ciau, Lela.

[AdlerTS]

Teresina Tua sul giornal austriaco "die Bombe", ottobre 1882.