Il ratto del serraglio a Trieste

[rofizal]

Giorni fa scoltavo un toco dell'opera de Mozart "Il ratto del serraglio" (Die Entführung aus dem Serail) che el gaveva scrito pensando al basso Ludwig Fischer, un mato ecezionale. Anche el ruolo de Konstanze (soprano) xe sai impegnativo, vedi ad esempio l'aria "Martern aller Arten" su youtube, dove la xe interpretada da Diana Damrau, che xe bastanza quotada, ma za la parte me par "adomesticada" un poco.

Bon, al Verdi i la ga dada un per de anni fa (dopo 31 anni) ma "una doppia compagnia di canto si alternerà sul palcoscenico nelle otto recite che si susseguiranno con cadenza quotidiana"... come xe posibile che i gabi trovado adiritura due soprani e due bassi all'altezza? In particolare iera "il soprano polacco Elzbieta Szmytka con la napoletana Valeria Esposito nel ruolo di Konstanze".

Chi ga visto l'opera? Come i se la ga cavada? I ga sai semplificado i tochi più dificili?

[babatriestina]

Mi gavevo vista quella de 31 anni fa.. e me ricordo che el commento alla prolusion iera un commento registico: l'aria Martern aller Arten ga una introduzion musical, e i diseva che xe difficilissimo decider come far mover i protagonisti in scena in quel momento.
Per i svolazzi finali dell'aria, i xe nè più nè meno de quei che Mozart ga scritto per la Regina della notte nel Flauto magico ( Zauberfloete, per i puristi..) e par che ghe sia in giro parecchie soprano in grado de farli. Credo che ormai nissun osi spianar alcuna difficoltà.

[rofizal]

Grazie per le informazioni. In effetti ghe xe circa due minuti de orchestra prima dell'aria.

Per chi ga voia de confrontar comunque eco qua una versione de l'aria dela Cristina Deutekom e una dela Joan sutherland (ma ghe ne xe diverse altre) dove se senti i passaggi che praticamente spariva nela version dela Diana Damrau. Me par che la diferenza sia enorme (no credo sia solo una mia impresion).
Comunque questi due ultimi video rendi veramente l'idea dela dificoltà del toco.

[babatriestina]

Cristina Deutekom che se no sbaglio xe olandese ga fatto scalpor alle sue prime apparizioni proprio per queste sue interpretazioni mozartiane, prima de ela i vocalizzi iera meno come dir, scandidi. Curiosamente, al Verdi inveze che ciamarla per queste opere, i la ga ciamada per Norma... e secondo mi Norma vol altro che queste capacità de agilità, e difatti nonostante che la fussi una famosa cantante, la ga lassado el pubblico freddo.
( da wiki italian: Voce ricca e piena, limpida, estesa e sonora, molto duttile e agile, è stata una grande interprete del repertorio lirico–leggero e drammatico d'agilità, italiano e francese, grazie all'impeccabile tecnica di coloratura, mentre hanno suscitato perplessità certe sue interpretazioni di personaggi drammatici a causa di una mancanza d'incisività nel fraseggio. Come attrice possedeva vivacità, grazia, fascino e senso della misura.)
Joan Sutherland anche ela xe un mostro de agilità, e certe arie come che la le fa ela no le go mai sentide più, esempio, la cabaletta Tutto sprezzo del Ernani.