Sul Verdi e la sua crisi

[Piereto]

Volevo far un poco de storia.Ai inizi del'otocento la borghesia de ogni cità europea zerca de divertirse e de ritrovarse in un logo acogliente e scoltar anche un poco de musica,sia robe vecie che nove,veder qualchidun balar ben,e po far anche ela quatro salti. Le cità più grandi costruisi più teatri,e Trieste che xe ai inizi del suo svilupo no xe da meno. El Verdi rispondi a tuti i requisiti dell'epoca ,una costruzion grande e polifunzionale. Per mantinir la struttura e farla funzionar i borghesi i compra tochi del teatro,cioè i palchi,e i afida la gestion ad un impresario.Inoltre i se autotasa e i paga el biglieto de ingreso, e i se fa dar anche bori dal governo central vienese in sostituzion de l'attività de casa de gioco sopressa per ordine imperiale.Quindi ghe xe un finanziamento privato e publico.Ogi in Italia dopo alterne vicede de legi e de gestioni ,i teatri rimasti i xe tuti publici.Ma i tempi xe cambiai no xe più maschere ne carnevai,come che diseva una vecia canzon triestina,e la gioventù no canta e no la ridi più. La musica se pol scoltarsela in cufia,e i spetacoli se li vedi in disco,e se se vol far quatro salti se va in discoteca,dove che anche se bevi e se se sbala. Al teatro adeso ghe va solo i veci pensionati,e un sparuto numero de afecionados senza età. E alora dove va i teatri in Italia?. Sicome i ga poco seguito, per la lege de mercato i xe destinadi a sparir,e i governi de sinistra o de destra che i sia,i vol disfarsene,incapaci de gestirli come tanta altra roba. Quindi se i bori nel pasato rivava mal ,tardi e pochi, adeso se cori el riscio che no i rivi più . Chiuso per falimento. Beninteso no xe falimento del teatro,ma el falimento de lo Stato,o per lo meno de un stato centralista tropo asistenziale. L'ultimo tentativo de salvatagio xe sta ani fa la creazion de le fondazioni. Cioè un model de gestion de oltreoceano,perchè una parte de l'Italia volesi eser el sesantesimo stato del'unione del nordamerica. In questa vision la parte del leon la sostien i privati,e i privati in Italia inveze no ghe ga meso el naso,soli pochi che rivava a aver un beneficio fiscale ,che do ani fa xe sta eliminà. Poichè inveze semo in europa e cisalpini vol eser uno dei diciasete stati del'unione,el model de riferimento per cambiar le robe devi eser un model europeo. El model tedesco dei teatri funzionava za zento ani fa,e anche dal dopoguera,e quel ultimo viniù francese, de trenta ani fa, ga permeso la riapertura dei teatri d'opera e la costruzion de nove orchestre.
El nocciolo ,come dir la causa de la crisi, sta nel fato che esisti come in qualsiasi atività, dei costi che i xe incomprimibili,e ghe xe de le spese acesorie che pol eser limade.Ora tuto quel che servi a far vinir turisti ,che devi eser la prima entrata de bori per el paese tuto,devi eser salvà. La lirica e la musica xe una tradizion italiana che no pol eser butada via,o per lo meno no pol eser eliminada solo da l'Italia. Se i altri paesi europei mantien ,devi mantinir anche l'Italia. Se le robe no funziona vol dir che le xe gestide sai mal. Cantanti,concertisti , diretori,registi per farse conoser i ricori a una agenzia. Le agenzie fa propaganda,ma le fa cartel e le fa lore el mercato. I prezi no vien fisadi da domada e oferta,ma i xe imposti. La causa primaria xe questa ,oltre al'assistenzialismo e nepotismo che fa lievitar i costi. Sicome no se sa come eliminar sta situazion,alora cosa fa lo Stato : no tira più fora i soldi e el sera tuto. Muoia Sansone con tuti i filistei. Esisti una malatia,ma la medicina aplicada xe pegiore, e la porta a la morte del malà.

[mandi_]

Pienamente d'accordo con ti e no aggiungo na virgola.

Mandi

[babatriestina]

sottoscrivo anche mi.

[Nona Picia]

quoto....

[Piereto]

Dal 11 otobre 2011 a ogi no xe cambiada la situazion generale dei teatri in Italia,ma a Trieste xe rivado un comisario governativo. El ga visto che ghe iera un puf de 23 milioni de euro al Verdi,spese sostenude contro mancati introiti. Xe sopratuto colpa dei governi che inveze de far i risparmi nei confronti de tuti i funzionari medio alti della publica aministrazion dimezandoghe i stipendi lordi anui,i reperisi i bori per mantinir sti lori privilegi fazendo inveze morir el FUS e aumentar le tase . Quindi sicome che i bori per l'atività del Verdi xe pochi se paga i stipendi del personal e sto ano se sera baraca per do mesi,taiando un titolo de la stagion lirica, e passando dopo "L'amico Fritz " ,a far una opereta giusto per no far moriri el festival. Xe la Vedova alegra ,ma xe poco de star alegri se no se riva nianca a trovar do euro per far un concerto. El comun ga aumentà el suo intervento da un milion, a un milione e trecentomila euri ,e la Region in man dei furlani ,disi che la poderia intervenir, se solo el Verdi fazesi squadra con qualche realtà furlana. Come se no bastasi che el Verdi va za a Udine e a Pordenon. Go el bruto sospeto che a furia de bati e ribati ,el nostro Verdi emigrerà anche lui a Udine,e prima el paserà in gestion a un furlan.

[mandi_]

Avevo letto sul giornale nei giorni scorsi la notizia. Ci ho ripensato parecchio. Peccato sentirsi impotenti. Quando i tagli si fanno sulla cultura è un delitto.La musica, poi, arricchisce l'anima...
Incredibile, davvero...

[babatriestina]

oggi leggevo m credo sul Corriere, una classifica dei Enti lirici italiani, no so se de gestion, economica o cossa, e semo al ultimo posto

[Piereto]

Semo al ultimo posto perchè i disavanzi dei ani pasai i xe rivadi a superar l'ativo de la fondazion ,che xe rapresentado anche dal valor imobiliare del teatro. Semo di fronte a un libro mastro de dare e avere. E poi sicome ierimo tra i ultimi come importo de bori dado dal Fus,tirar via i fondi,vol dir far morir i ultimi de la lista. Se penso al deficit del sistema Italia,saria dovudo vignir el comisario a Roma za quaranta ani fa a serar Camera e Senato.

[Piereto]

El Verdi per poder tirar avanti ga bisogno anche dei soldi de la regione e de otener una moratoria sul rimborso del debito che stante le entrate misere no se riva a restituir. O fazo l'atività, o restitutiso i soldi del prestito regionale. Ieri Fontanini in sede regionale, xe vignu fora disendo che el teatro Giovanni da Udine xe de premiar perchè no ga debiti mentre no xe de darghe un boro al Verdi triestin. Ma Trieste xe un centro de produzion e el ga meno de 300 dipendenti. Udine xe un teatro che solo ospita complessi altrui,e ga 19 dipendenti. El guaio xe che i furlani scolta Fontanini. Uno dei tanti esempi de come le robe vien mal presentade,e alimenta i separatismi.