El copyright

a Trieste ghe xe un teatro Comunal che de oltre 200 anni fa opere, balletti, concerti... e altri teatri che fa spettacoli musicali de tipo classico: contene storie vece e resoconti de spettacoli attuali..
Regole del forum
Collegamenti al regolamento del forum in varie lingue ed alle norme sulla privacy in italiano.
Piereto
eximio
eximio
Messaggi: 2935
Iscritto il: ven 24 set 2010, 19:38

El copyright

Messaggio da Piereto »

Saria de dir un do robe sul copyright, cioè sui diritti de autor tuteladi dalla Siae, e su nostri diriti ahimè disattesi. Ai iscritti Siae e ai loro eredi ghe vien riconosudo per opere depositade, fino a 70 anni dalla morte del titolare, un diritto per l'utilizzo delle loro opere. E questo val anche per le opere letterarie. Essendo una società de autori e de editori, anche le opere de sti ultimi vien tutelade. Pol anche eser che i editori sia i proprietari de una opera de un scritor o de un musicista e alora i devi, se i vol , rinovar i loro diritti anche quando el autor xe za morto da 70 ani. Per esempio in campo musicale savè che fino a pochi ani fa se doveva pagar anche per l'ino de Mameli i diriti de autor, e che no ghe andava al autor Novaro ,ma all'editor. Xe intervenù el parlamento per sistemar sta roba. Cosa podemo dir de le fotografie personali che noi postemo. Xe una nostra opera e se volemo che altri le dopri i devi aver el nostro assenso. Ma come la metemo con foto vecie de cui xe sparido l'editor e de cui no se sa l'autor materiale? Magari xe foto de nostra proprietà e molto spesso xe foto inseride in un libro più o meno recente, ma se l'editor no rinova i diritti de autore sia el libro che le foto dovesi eser de publico dominio.E se go comprà el libro perchè no divulgarlo? Ghe go dado za el mio contributo all'autor e all'editor. Anche un autor de ogi che el se apropria de foto vece de publico dominio nol dovesi pretender diriti, solo perchè le xe inseride in un testo recente. Le foto che noi inserimo nei post ga uno scopo divulgativo. Anzi noi ghe demo a le foto vece una nova giovineza, e come per le musiche che se esegui a scola, esendo divulgative no le paga la Siae. Un sito meti in rete dele foto, un altro sito amplia el ragio de difusion. Mi almeno la vedo cusì. Anche quando i musei te impedisi de fotografar de le opere esposte su le quali non esisti nesun copyright, solo perchè i ghe ga dado una concesion a un editor de publicarle, i cometi un arbitrio ai danni nostri. Se el museo xe publico, se paga el ingreso solamnete per la gestion, no perchè uno xe proprietario de le opere, e comunque el proprietario xe el popolo italiano. I te disi che i ga fato un libro o che ghe xe le cartoline e niente foto, per no dir de la balla del flasch, oggi che la tecnologia te permeti de far foto anche con la luce de un lumin. . Mi aquisto l'opera de un altro se la me piasi, e no doveria eser obligado per aver un mio ricordo de opere de domimio publico a comprar edizioni fate da altri.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: El copyright

Messaggio da babatriestina »

Sula musica no me pronuncio, che no so. Sule imagini go letto parecchio e me risulta che le opere de arte xe tutelade fin a 70 anni dela morte del autor come ch e te disi, ma quele non opere de arte ma documenti solo 20 anni del pubblicazion. E po dei libri xe concesso riportar a scopo de discussion e no de lucro fin al 15% indicando de dove che se ciol, e questo per libro con diritto de copyright. Un dei motivi che no volemo nissuna pubblicità o business in forum xe apunto perchè cussì nissun ne pol accusare de far alcunchè de economico. per i musei, in genere in tuta Europa xe dito che se pol fotografar ( senza cavalletto e senza flash per no rivinar o intrigar) per interesse personal e no economico. In Italia xe una legge che disi che se pol far solo con dichiarazion scritta e i singoli musei xe più o meno disponibili al riguardo: chi te la metti subito a disposizion, chi la tira fora solo se te domandi, chi disi solo che nosepol ( nel dubio). Ma col aumento dele fotografie in giro sempre più lori stessi se inacorzi che i perdi un'occasione de pubblicità a gratis se se fotografa e se posta.. po te sa xe chi che ga voia de tirar grane.. pensemo ai edifici costruidi de architetti: come opere de arte se li podessi fotografar solo che 70 anni dopo la morte del autor a meno che no i sia parte dels fondo e no el soggetto dela foto: insoma, no se podessi, presempio, fotografar la nova caserma storta o el pontecurto..


"mi credo che i scrivi sta roba per insempiar la gente" ( La Cittadella)

Torna a “Musica clasica”