Girando un poco de qua e un poco de la per el Web ve segnalo del compositor boemo Jiulius Fucik ex AU, due composizioni che riguarda le nostre tere :
la Overture Miramare https://www.youtube.com/watch?v=dIMiijxvznI


e le Memorie de Trento https://www.youtube.com/watch?v=MW53uly6rVU


Julius , nato nel 1872 e morto nel 1916, el sonava sia el fagoto che el violin e el gà studià composizion con Dvorak. Nel 1895 lo trovemo a Sisak a diriger el coro Danica, e qua el scrivi musica da camera, nel 1897 el xe diretor del 87° regimento de stanza a Sarajevo e po el vien conteso da molti reggimenti austrungarici e el riva nel 1910 al regimento de Theresienstadt, el meio dell' AU, dove che el pol far sonar anche la sua musica sinfonica. El parti in turnè in Germania e el fonda la casa editrice "Tempo" a Berlino . Ma co la guera tuto el mondo centroeuropeo va a farse benedir per el de profundis, ma almeno lu nol vedi la finis austriae.

Ve segnalo ancora un brano del periodo de prima de la grande guera che forsi no conosè e che contien un qualche motivo nostran.
https://www.youtube.com/watch?v=sbAxqVtKDiA

Ve segnalo un cocolo valzerin del compositor boemo Alois Beranek parigin de adozion, intitolado Miramare : https://www.youtube.com/watch?v=3SyCxgxSh7E